سبب تأخري في كتابة موضوع !!!!!

والله ياخالي من يوم شفت الشريط اللي في راس الساحات قلي عقلي أدخل وشوف خالك أيش جاب في هادي الساحة

وبيني وبينك لمن قلت إنك تعرفت على لهجة المكاكوة علشان أبو سهيل قلت في نفسي لا تقرصيني يا نحله وما أبغالك عسل..

وبعدين احنا على وجه إجازة وما أبغى ينطبق عليّه قول القايل إذا جيت رايح كتر من الفضايح. وجيت أبغى أكتب كلمتين يعني

على قد زيتوا سرجلوا. وخفت إني أجي أكحلها أقوم أعميها وأنا عارف إنو ما راح يعجبك كلامي لأنو حبيبك يمضغ لك الزلط

وعدوك يعد لك الغلط لكن ربنا كريم ماجعل الرزق في يد أحد لأنووو من محبته في عبيدو جعل العمر والرزق بيدو.

وإنته ياخال حبيبنا برضووو ولا نبغاك تزعل مننا

وأنا قابل منك أي حاجة يابخت من بكاني وبكى الناس عليه ولا من ضحكني وضحك الناس عليه.

قصره... أنا قريت موضوعك لين آخره ولقيت نفسي قاعد من بيت أصقع لبيت أرقع أبغى أجمع كلامي...

ماقدرت أقول كلمة وحده لكن الله فيه وخد راحتك يا خال .... وأدري إني ماني داخل لك مزاج....

بس ياريتني بيضه وعرجه اصلوا يا خال البياض فرجه

وواللي زيك عارف كل الهرجة