الشيخ ابو لحيه؟

الشيخ ابولحيه؟

سافرت مره في ارض الله وانا اتمشى بذاك السوق اللي يهني الا وعليه بواحد من الاصحاب حيا الله سلم الله تدرون هو يسلم عليه وانا اتلمح فيه ماعرفته معه ذيك اللحيه يالله يقدر يشتلها قلت انت تطمطمتني وانا لاذلحين ماعرفتك يابوالشباب قال انا فلان قلت ايش وش تاللحيه والثوب القصير قال السنه جزاك الله خير قلت ايه ذلحين السنه ماهلا في اللحيه والثوب قال ياعمي لاتدقق خلنا ناكل عيش قلت بشرني كيفك قال بخير ونعمه موظف وبعد الدوام نطقطق في هالعقار اراضي وغيرها قلت وكيف ابوك وامك قال اهم فالديره قلت طيب ليه ماخذتهم عندك نتفهم البرد ابوك شيبه كبير وامك كهله ولاحد عندهم يوديهم ويجيبهم قال ياخي فكنا جبتهم عندي ونشبت مع المره ماطاقتهم عودت ارسلتهم الديره وريحت دماغي قلت طيب واللحيه والثوب القصير والسنه مالها نصيب في ابوك وامك قال ياخي بنت الناس ابت منهم قلت عزالله ماهي بنت ناس وانت ولحيتك هذي اللي كنك افغاني صاحب كمبريشن كيف ترضى يعني هي بنت ناس وانت جيت فالشارع قال اقول لك تراني شبعت من ذا الكلام خلهم فالديره وخلني اترزق الله قلت عزالله مايجيك الرزق لاعاد مالك خير في ابوك وامك قال اقول انت معقد الناس وين وانت وين قلت والله ان سفانك بعد يسوونها فيك ويقولون بنت الناس ماتبغاك ياشيبه قال ياعمي انا باقي شباب ولاصرت شيبه يحلها الحلال قلت اجل اذلف من وجهي الحين عرفت ليه كل ماسلت ابوك عنك قال الهته الدنيا الله يهديه اثرك تسحب لحيتك هذي وتضحك عالناس وانت مالك خير في ابوك وامك رح والله ان اعطاني الله عمر لاذكرك وذلف عني وان اطالع فيه كل مامر من عند واحد قال له كيفك ياشيخ امحق من شيخ هو صح والا سيد غلط الصح قولولي؟

منقول من مقالات الكاتب الساخر(السيدغلط) موقع ومنتديات العقشان

 

 

ايه والله ليسونها سفانه فيه ويحذفوبه كما يوم حذف امه وابوه ويالللآاسف الكثير من عديمي الضمير يستترون بستار الدين والتدين لتحقيق اهدافهم وتناسو في غفله ان الله سبحانه بصير محاسبون عن اعمالهم وما كسبت ايديهم وعز الله انك صح ياسيد صح

 

 

يعني ياسيد غلط
اللي يسوون هذي السواه كلهم ملتحين ومقصرين ثيابهم ؟
وإلا اللي يسوون هذي السواه ومامعهم لحا وثيابهم طويله شغلهم صح ؟


طيب لاتزعل ياغلط

لماذا لاننتقد فقط إلا اللي مربي لحيه ونشوف إنه سوى الباطل والآخرين معاهم حق لما يرتكبوا الأخطاء

ياسبحان الله

طيب يمكن ابوه سوى كذه في ابوه والملتحي جالس يختلص لجده !!

ممكن ليه لا

طيب روح اسأل الشيبه وسوى مع ابوه وبعدين اكتب الله يهديك ..

 

 

عاق الوالدين سواء كان بلحيه أو مزلوق اللحيه وسواء قصر ثوبه أم أسبل ثوبه
كلاهما ينطبق عليهما المثل القائل مثلما تدين تدان والجزاء من جنس العمل وإن امتد الأجل
فليس كل ملتحي يستحي أو مايستحي وليس كل حليق ذقن قليل حياء أو كثير حياؤه
الناس أجناس

كل التقدير للكاتب والناقل

 

 

تعقيباً على مداخلة حبيبنا أبوسامي

فعلاً العقوق هو العقوق سواء بلحيه أوبدون

ولكن أنا استخلصت من مقال الكاتب انه نقد أكثر من حاله في مقاله فبالاضافه لعقوق الوالدين وضرورة البر بهما لاسيما في الكبر في الوقت الذي ينتظرون ذلك من ابنائهم وهو أمر شرعي تطرق الكاتب الى موضوع استغلال البعض للمظهر للاساءه لهذا الدين فالبعض وهنا لانعمم تجد مظهره الخارجي يوحي لك بالالتزام وتتوسم فيه الخير ولكن عندما تشاهد تصرفاته عن قرب تتأكد أنه غير ذلك كما أن المجتمع ينخدع بهذه المظاهر مع الاسف والحالات كثيره ولنا فيما حدث في الباحه في الفتره الاخيره من التحقيق مع مسؤلين اكبردليل فكان منهم (؟) والباقي تعرفونه كما تطرق الكاتب لموضوع عدم قبول بعض النساء لأهل زوجها وهنا اقول الخيل من خيالهاومن يفضل زوجته على والديه فلن يرى الخير ومن العقوبات التي يعجل الله بها في الدنيا العقوق وقطيعة الرحم

اخيراً تحياتي للحبيب ابوسامي وللجميع ولكاتبنا السيد غلط

 

 

يعلم الله علامة الحق .. يا سفانه انهم بعد يسحبونه من لحيته وكهلته من حوكتها ويكرشونه مع الباب .. انقلع ياشيبة بقعا انت وكهلة الجن من ايدينا في ايديهم مثل ما سويته في جدنا وجدتنا جاء وقت الرد عنهم وانت ياسد غلط ..انت صح