مسامير الركب (يمنع دخول أصحاب القلوب الضعيفه)

معليش دخلت وخرجت بسرعه عشان لا يشوفني نجم سهيل ويشره عليه

 

 

أقول يا لربع تعوذوا من الشيطان واتفلوا ابليس الله يلعنه ويبعده عنا وعنكم ..

الساكت عن الحق شيطان اخرس والعياذ بالله ...

الحقيقة إن بوصلة أبو عبد الله ما خابت وانتم تعرفون بعض العلوم ما ودك إن احد يطلع عليها جبل الشعبة رحيم وعزيز وغالي وساهر الليل ما نقدر على زعله وبقية الرابطة ما نستغني عنهم في بعض المسايل ولو انه ما ينومن جانبهم ...
لكن أنا أشور عليكم امسحوها هذي المرة في وجهي واستروا ما واجهتم وابشروا بثوري يفداكم تعالوا سادوه بينكم وعفا الله عن ما سلف ..

وخلونا نفتح صفحة جديدة ويا دار ما دخلك شر ..

هااا أنا طالبكم لا تردون شوري وقولوا تــم ..
هذا علمي وعفاكم ..

 

 

الاعتراف بالحق فضيله لكن أنا مكبور يا أبو أديب ( الريّس ، وجبل الشعبة ) ما اقدر اخالف شورهم ولو إن لحم ثورك يسيّل اللعاب ، وبعد نشاور ساهر الليل ونليّن ضروسه خاصة بعد سفرته للرياض واكل المطاعم الله يكثر العيش ! !

 

 

بيض الله وجهك يا علي ابو علامة وما قصرت وفيت وكفيت وساهر ما يستاهل ننكد عليه وبعد ثبوت براءته بشهادة الشهود واعتراف الرأس الكبير ارى اكراما له ان نترك له الحكم على من يرى منا والكرامة والسلامة فاله ولو يامر على ثوري باجيبه من الصين وشوفوا صورته فوق وتراه بين ايديكم وسلامتكم .

 

 

ساهر الليل أنا لازلت عند وعدي نتقابل كلنا في إحدى الاستراحات ولو أني أفضل ( الجدعاني ) محطة الرحيلي
وعندها سوف ينكشف المستور وكل واحد لا ينسى يحتصي معه ب100 ريال على الحساب

حددوا الموعد وأنا جاهز

 

 

انا موافق على فكرة الجدعاني شريطة ان يكون بالباي حددوا وقرروا قرروا وحددوا الله الله الله الله يا منتخبنا هزوا الجيوب وهات الصحون .... الخ

 

 

أخي إلى جاءت سيرة العيشة يجيه كما الشوفان وتركبه حماسة وطنية لتشجيع المنتخب مع إن ماله في الكورة ولكنها حماسة نتيجة سيرة العيشة ونسي يسجلني معكم ...سجلوا أثنين نفر .

أخوكم :علي