محمد الدحيمي الشهري (أخو تكفا )

إبداع يمشي على الأرض ، شاعر متميز بكل المقاييس ، يأسرك في كل أبياته وقصائده ويشعرك بأنك تتنفس الشعر وتتلذذ به وتدمنه ، له أدوات خاصة وألوان خاصة وقوالب خاصة وهو من الشعار الذين ظلمهم الإعلام علما أن له أكثر من ثمانمائة قصيده وله أكثر من 18 أمسية شعرية
إنه الشاعر محمد الدحيمي .. ابن شاعر بني شهر المعروف رافع بن دروش الدحيمي الشهري
يعتبر من أفضل شعراء قصائد النظم في منطقة الخليج .. لما يمتلك من موهبة شعرية فذة
ومعين لا ينضب من الجزالة والمعاني القوية . قال عنه الشاعر الكبير مساعد الرشيدي : (محمد الدحيمي شاعر سيلغي جميع التجارب السابقة فقط انتظروه) .. له قصائد كثيرة منشورة في المجلات الشعرية والشعبية والجرائد اليومية و المواقع الشعرية في الانترنت .. بالإضافة لإقامته العديد من الأمسيات الشعرية مع كبار الشعراء في مختلف مناطق المملكة .. له قصيدة بعنوان (ملحمة الجن) فازت بالمركز الأول في مهرجان الجنادرية







واتحدّى ماأنـولد في ديرتي مثلي صبيّا
شاعرٍ كـادح .. حــزينٍ .. ماانجبن مثله حبالى








انا من صغــر سنّــي عشـــت ... يانزال ... يارحــال
ابوي مربّي اخـــــواني .. وانا اللي الوقت ربـــاني
تقـــول امي : ( قبل تــولد توفى لي ثلاث عيال)
لابو حــظٍ تكــــاثـر فيــني اصبح .. رابع اخواني







من ذاق حرّ القايله يعشق الليل‎
ومن شبّ ضّوه ليلة البرد‎ .. ‎يدفا‎
‎
تكفا .. ترى تكفا لها هدرة السيل‎
في صدر حرًّ .. ينـتف الطيب‎ ‎نتفا‎
‎
تكفا .. ترى تكفا تهزّ الرجاجيل‎
ولولا صـروف الوقت ماقلت‎ .. ‎تكفا







زرعت ورده .. وليتي قبل مازرعها‎
‏في روض مشتل .. نشدت .. الروض منهو‎ ‎له؟‎!!
ويوم ازهرت شفت راعي الروض .. يقلعها‎
‏قدّام عيني وانا بإيدين‎ .. ‎مغلوله‎ ‎
وقّفت .. مذهول وعيوني مدامعها‎
‏تشهق بدمع ٍ وقف .. بعيون‎ ‎مذهوله‎ ‎
صوّت .. ياعمّ .. تكفا .. بس اطالعها‎
‏وأشحذ وجيه العرب واقول‎ :- ‎قولوا له‎
عين ٍ تجوع السهر من شان تشبعها‎
‏ياتنعمي .. يا تخلّي النفس‎ ‎معلوله‎
قالوا تبيها نصيحه .. بندقك بعها‎
‏ماهيب صوب الجفول ولاهي‎ ‎بحوله‎
وامسيت .. وانا اطفي الشمعه .. وأولعها‎
‏في حروة الفجر .. مير الليل‎ .. ‎ياطوله







خذتني غربـةٍ عنوانها ... غربه بلا‎ ‎عنوان‎
‎ابي عقب التعب راحه ... لقى فيني‎ ‎التعب راحه
وروح ٍ تايبـه كانت تبي لذنوبـها غفـران‎
‎ ‎خطـاي انّي كتمت اسرارها بعيـون بواحه
يعين الله يادنيا تسـوق ايّامهـا‎ ‎الأحــزان‎
‎يعين الله .. وانتي مثل قفـل ٍ‎ ‎ضـاع مفتاحه‎
يعين الله ... وجروحي لها في كلّ وقتٍ‎ ‎شـان‎
‎كذوب اللي يقول ان الزمن بيـداوي‎ ‎جراحه








ثلاثيــني تعدّت والهقــــاوي خانها التعبيـــر‎
‏انّوخ هقــــوتي‎ ‎تاره ... وأشد ركابـها تاره‎
انوّخـــها واشّد ركابها .. وبعيـر بأثر‎ ‎بعيـر‎
‏واشوف الوقت يطحنّي رحاه بجـاير اقداره‎
وابوي يقول‎ .. ‎قدّر .. كلّ شي بها لزمن تقدير‎
‏ترى من هدّ داره ... قلّ عند‎ ‎الناس مقداره







لاعاد تتفلـسف علي .. وتنـظّر ‏
خل الجروح اللي بلا دوى .. بلا دوى
ماني مصدّق وانا لي عين تنظر‏
هذا مريض .. وذاك نقّال عدوى
مايغبنك شوف ابدوي ٍّ .. تحضّر
الموت .. لاشفت احضري ٍ .. تبدوى!!







خذت قلب الدحيــــــمي .. واقفت بوزر ٍ على وزرا‎
‎على ماقالوا‎ ‎الشيبان .. حاميــــها .. حرامــــــيها‎
طوتني .. مثل ما يطوي‎ ‎الخريف النبته الخضراء‎
‎رمت باحلى سنيني .. للرياح وقالت‎ .. ‎اذريـها‎
يقولون العرب .. من حبها .. بك علّةٍ‎ ‎قشـــــرا‎
‎واقـــول .. الله لا يجعـــلني القى من‎ ‎يداويـها‎!!!‎







إن سكـت .. سولـف ربيـع أنفاسـه وذوّب جليـد
وإن تكلّـم .. ينثـر الدنـيـا .. حـدائـق بابلـيـه

وإن تبسّـم .. حطّنـي بيـن الضعيـفـه والشـديـد
وإن ضحك .. ناضـت بروقـه بالمـزون العقربيّـه

‏.. جاء يعايدنـي وهـو يختـال فـي ثـوبٍ جديـد
قال :- أظنّك ناسي أن اليـوم هـو عيـد الضحيّـه؟

قلت :- وش تفرق ... ثلاث سنين معك أعيش عيـد
كـلّ يـوم ٍ يابـري حالـي .. تجيـب العيـد فيّـه







جيت اجبر الكسر لكنــه .. كسر جبري‎ ‎
‎مجنـــون والحـظ ساقــه يم‎ ‎مجنــونه‎ ‎
يتفنن بلوعتــي .. واتفنن بصبري‎ ‎
‎ ‎حتى غــدت‎ ‎لوعتــي من اجمل فنونه‎ ‎
لا رحم ابوالحظ ساق الهجر من بدري‎ ‎
‎ ‎وشيّد جســـور الجفا من دونـي ودونـه
ابطى .. وخلّى سؤال ٍ يلهث بفكري‎
‎مادري يصون الغلا ؟ .. مادري‎ ‎هو يخونه؟‎
ويوم اني اسجّ بين ادري .. وما ادري‎
‎‎عقب البطا‎ .. ‎جاء يقول : الدار وشلـونه‎
قلت انت : دارك هنا.. واْشِر على‎ ‎صدري‎
‎‎قال انت : دارك هنا .. واَشّر على عيونه







احمـد الـلّـي عـزّنـا حكامـنـا مــن عــزّ أهلـنـا‎
لابـــة مـــن طـيـبـهـا‎ ... ‎وأعـمـامـهـا أخـوالـهــا‎
‎
لا خـذتـنــا ريــبـــةٍ فـيــهــم ولا‎ ‎شــكٍ دخـلــنـا‎
ولا جهـلـنـا عـصـبـة الشـيـطـان مــــع‎ ‎دجـالـهــا‎..
‎
والله إنّــــــــــــــــــــــــا‎ ..
والله‎ ‎إنّــا مانعـيـش الّا مــع ( آل سـعـود ) وانــاّ‎
أمــــةٍ مــــن‎ ‎دونــهــم تـفـخــر بــذبــح عـيـالـهــا

 

 

ملحمة الجن







ليلة البارح رقد بعضي ينازعه أغلبي
ليلة ٍ بآخر ليالي الحج غدراً مظلمة

كنّي اللي نايمٍ ما بين داب وعقربي
هي حقيقة ؟هي خيالٍ سجّ ؟هي حلم احلمه ؟

قمت من صوتٍ دعاني وانثنيت على ركبي
وإلاَّ أنا أناظر قبالي ( ناقةٍ متكلمه )

يا نيازك لو عرجتي فوق دخان أشهبي
اعلقي في زئبقي في مارجٍ متنجمه

قلت:وش قومك؟وش انتي؟واصدقي لا تكذبي
جاوبتني شاعره من الجن وانظم مبهمه

وقبل تنشدني ترى اسمي (أَبْكمه) يا صاحبي
وإدر كانك ما دريت إن أشعر الجن ابكمه !

اسكن (البَرْلَس) على وادي يسمى (المحلبي)
في نهاية ( طور موسى ) جلّ ربٍّ كلّمه

جيت اباسمع منك شعر الوصف..واشبّ لهبي
كان توصف مثل (جدّك) ياعسى الله يرحمه

جدّك اللي من سمع شعره ذهل واستغربي
مثل وصفه لاجمل سنينه ( ب..نوق مدرهمه)

قلت : حياك ارحبي ثم ارحبي ثم ارحبي
في ضيافة شاعرٍ يثني القصيد ويلجمه

شاعرٍ ورَّد هواجيسه على ما هو يبي
وأعذب الشعر أصدقه في أغربه في أجهمه

من شيوخ دحيم جدانه.. وخاله تغلبي
إن طلع عزّ وشرف.. والأَّ طمن في مكرمة

قد ورثت الطيب قبل الشعر من جدي وابي
ولابتي سيل الحقوق اللي تزابر مرزمه

واشهد إني من سنام الشعر دسمّت شنبي
وهاتي أشعر شاعرٍ من الجن .. نذرٍ لا أفحمه

ودام يستهويك شعرالوصف با أنظم وأطربي
ع.. القوافي نفسها قدامك الحين انظمه

واصفٍ حلو الترايب والقوام الأكعبي
وأبتدي : بسم الله الرحمن سِمْعي يا ( بْكمه)

جادلٍ بحجاجها.. فجرٍ زبنه المغربي
عنز ريمٍ نثّرتني بين خزر وسلهمه

في سواد عيونها .. فاجر يقول إنه : نبي
كل صابي يتبعه ويصدقه .. يهدر دمه

وفي لحظها .. حاكمٍٍ سفاح متهور غبي
يطلب الرحمة لميته يوم شبع من لحمه

وفي هدبها .. مدهلٍ راعيه شيخٍ يعربي
أجوديٍ نوب يعزمني .. وأنا نوب اعزمه

راعني خالٍ بوجنتها تقلْ .. عبْد مْسبي
حارس ٍ روض الزهر من كل يمناً مجرمه

ومن قليب اللول .. جاء ثعبان فضي لولبي
من لعق سمّه .. يقول : الشهد مرّ وعلقمه

كلما بلّل شفق عنابها قال : عْجبي
راح ينشد لولها هي مشركه ؟ هي مسلمة ؟

ويوم جاء اللول بيجاوب قلت : ربي رووف بي
ناض برّاق الثمان .. وسال وادي عكرمه

الندى .. عودٍ غدا بأوجانها .. طفل يحبي
والعطر.. راعي باثرْها يحدي ابله وغنمه

ومن جدايلها.. تجلاَّ فارسٍ قال : العبي
واستفزي الريح يا بنت الهبوب المدهمه

وفي نحرها .. كافر ٍ لعيوني يقول : إذنبي
كل ما ياكل رطب شوفي .. حذفني بعجمه

في ترايبها .. ثمر طاح بنهم عين اشعبي
جاء يقول لخصرها المياس : حذرا ما انهمه

انثنى الخصر وتمايل .. قال : قبلك مرّبي
توه اللي كان ضيفي وانظر آثار قدمه

الجمل .. هجّ وتذيّر يوم شاف الأحدبي
والحدب قال : إش معه ؟ ما ينظر لحدب سنمه

كل نضره روّحت حبلى.. تجي معها صبي
راح جوعه ينشد أمه وش بلاها تفطمه ؟

لامشت..في مشيها خطو الكحيل الأشهبي
لا انثنت ( حايل ثنيّه ) لا رباع ولا قحمه

كنها لا لدّت النظرة خجل عا المنكبي
صادقٍ .. يستودع الفتّان سرٍّ يكتمه

في خجلها ..بنت شيخٍ طاحت بحب أجنبي
في غنجها .. مهرةٍ تتلي الصهيل بهمهمه

في رضاها.. حصنيٍ يتلذذ بحمض عنبي
في عتبها .. ظالمٍ حطوه قاضي محكمة

لا اقبلت مثل الحمام ولا ادبرت.مثل الظبي
لا اوقفت .. طير الهداد - ولا جْلست .. تقل رْخمه

لا وردتي يا مغاتيري على العدّ اشربي
وهيجني : يا حي ذا المبسم ومنهو مبسمه

مبسمٍ يوم يتبسم كل عرقٍ صاح بي
وتلّني .. قوم الثمه .. نذرٍ علي أن تلثمه

أذن الفجر ووقفت..إلاّ ( اْبكمه ) تقْل : طْلبي
( ياالدحيمي ها القصيدة سمّها بالملحمة)

 

 

تكفا





علم العفا وعفاك .. \ يا وافي الكيل
بساطه أبشّرك .. في خيـر وعفـا
نكفي بعضنا ,, وانتكافا على الشيل
واللي تعب من الحطّ والشيل يكفـا
من ذاق حرّ القايله يعشـق الليـل
ومن شبّ ضّوه ليلة البرد .. يدفـا
لاعاد ليلٍ ٍ نمت به في حرى سهيل
وخايلت نوضٍٍ يخطف العين خطفا
امسيت من جيل ٍ ولاهوب ذا جيـل
واصبحت ... والاّ ديرتي شبه منفا
كنّا على فـال الشحـم والمعاميـل
ونفوسنا انقى من نقى العدّ .. واصفا
وانا ولو راحت بقولـة : تساهيـل
صلف وصروف الوقت تحتاج صلفا
ياترج جدّاني .. زحول الرجاجيـل
يحرم فلا لي عنك ياترج .. مقفـا
إمّا لطمنا العيل .. والاّ الطم العيـل
مادام شبّ النار منـدوب الأطفـاء
خل ابرهه الأشرم على ذمّة الفيـل
وانظر لشيٍ .... مايوصفّه وصفـا
ياذيـل والله ماتجـي راس ياذيـل
علمٍ ماهو يغبـى ولاهـوب يخفـا
واللي حمـا بيتـه بطيـرٍ ابابيـل
ماجيتـك ادوّر لمـن راح واقـفـا
ولا جيتك اطلب منك بن ٍ ولا هيـل
جيتك وجرح الظلم .. غاديه يشفـا
جيتك بكلمة .. كنّها صعقة الويـل
إن قلت تكفا ... لا تهـاون بتكفـا
تكفا .. تراها كلمةٍ تقطـم الحيـل
لا بالله الا تنسـف الحيـل نسـفـا
تكفا .. ماهـي لمعقبيـن الفناجيـل
تكفا لصلف وعـادة القـرم صلفـا
تكفا .. ترى تكفا لها هدرة السيـل
في صدر حرًّ .. ينتف الطيب نتفـا
تكفا .. ترى تكفا لها تسرج الخيـل
إن كان لك باالخيل سرج ٍ و عسفا
تكفـا .. تبيّـن كـلّ لاشٍ وحليـل
تسمع لها بالصـدر هبـدٍ ورجفـا
تكفا .. وتكفـا ماتسـاق لمهابيـل
تكفا .. تخلي القـرم لاشٍ وهطفـا
تكفا .. تجنّبني هل القـال والقيـل
مانيب من ينكف علـى كـل ملفـا
تكفا .. تراني من قروم ٍ مشاكيـل
حمّاية الساقـه .. بسيـفٍ وشلفـا
تكفا .. ترى تكفا تـذّل الرجاجيـل
ولولا صروف الوقت ماقلت .. تكفا

 

 

للترف خيل ٍ غدا مركاضهـا... صـدري
وطيور شوقـي غـدا مقيالهـا .. عيونـه

لبـا جفونـه ولبـا .. طبعهـا الخـدري
ولبا سوادٍ رقد .. فـي خـدري جفونـه

اثـره بضحكـة سنونـه حافـر ٍ قبـري
ولا كنت اظني باموت بضحكـة سنونـه

شرهـة متونـه علـى شلالهـا الخمـري
وان نثرتـه الهبـوب .. مـردّه متـونـه

جيت اجبر الكسر لكنه .. كسـر جبـري
مجنـون والحـظ ساقـه يــم مجنـونـه

يتفنـن بلوعتـي .. واتفنـن بصـبـري
حتى غـدت لوعتـي مـن اجمـل فنونـه

لا رحم ابوالحظ ساق الهجر مـن بـدري
وشيّد جسور الجفـا مـن دونـي ودونـه

واقفيت لاني ضريـر .. ولانـي ببصـري
اليـا منعنـي الحيـا ... ساقتنـي المونـه

وجهمت اسوق الخطا في الدرب واهـذري
تكفـون ياللـي خـذوا خلّـي تردونـه

ابطى .. وخلّى سـؤال ٍ يلهـث بفكـري
مادري يصون الغلا ؟ .. مادري هو يخونه؟

ويوم اني اسـجّ بيـن ادري .. ومـا ادري
عقب البطا .. جاء يقول : الدار وشلونـه

قلت انت : دارك هنا.. وأشٍّر على (صدري)
قال انت : دارك هنا .. وأشًّرْ على (عيونه)

 

 

عرب شبه الجزيرة







شاعرٍ تل القوافي في طواريقه … وغنا
ناشدٍ عني .. تراني من عرب .. شبه الجزيره

ياسلام الله سلام الطيب .. والطيب .. يتثنا
ياقصيدي .. وانت راعي الأوله قبل الأخيره

يوم ساقتني هجوسي ياولد .. منّا .. ومنّا
قلت ارد الشان للرحمان .. وادعي بالستيره

ماتكبدّت الخساير ... من وطنّا .. في وطنّا
باخص ٍ طيري .. ومن له بالقنص يبخص بطيره

والله انّا ماطففنا الكيل يوم انّا وزنّا
ولا ذخرنا جاهل ٍ كالوا بلا صاع ٍ شعيره

ماتعوّدت الحق اطلب … للخوي الاّ تمنّا
دام لي وجهٍ يمون وكل نشمي يستعيره

علم اللي طاح مابين المغيره .. والمثنا
ان سلم سيف المثنّا ... ماسلم سيف المغيره

يحسب انه يلحق ( منيره ) وهو يلحق ( مهنا)
الخبل يلحق ( مهنا ) يحسب ( مهنا ) ... ( منيره )

كان ظنّه ماوصلنا ….. علموه انّا وصلنا
مايموت من الظما مطوي رشا غربه .. لبيره

والغبينه … لا علي النذر مثله ماغبنا
كل حبٍّ له رحاه … وكل سيفٍ له جفيره

من ( جحا والاّ حميره ) وش علينا .. ماأشتحنا
دام حذّينا فرسنا .. من ( جحا والاّ حميره )

ان بغاها بالمراجل … ينشد القالات .. عنّا
ويدري انّا لا انتخانا ... البزر ... قمنا له .. عشيره

ماذخرنا الاّ الحميّا .. والوفا .. وسلوم اهلنا
يوم ولد اللاش يذخر قلّة الشيمه ... ذخيره

واكبر اهل الدار.. لو ما وصل حد الشيب سنّا
شايبٍ لا اعمومست الأريا نجيه ... ونستشيره

وان بغاها بالشعر … حنّا هلك يالشعر حنّا
ان قصدنا .. نستبيحه ... وان سكتنا .. نستثيره

ياجملنا ما جهلك ( الزير سالم ) يا جملنا
ايهبا ( داحس ) على ( الغبراء ) على ( سالم وزيره )

قد وسمْتك وسْم جدّ ي ..لا غفلت.. ولا جهلنا
وكل مطنوخ ٍ يوسّم وسم جدّانه ... بعيره

والهنوف اللي زهت بكفوفها نقشات حنا
روّحت بقلوب بعض الناس من ديره لديره

وافضحت وجنة ( سميره ) خوّة اللي ممتحنا
بايع الخوّه .. بحبة خال في وجنة ( سميره )

صاحبي .. لو تآخذك في اللاش شرهة حسن ظنّا
عدّها .. شرهة ضمير ٍ حي في ميّت ضميره

صاحبي .. ماكل وردٍ يعجبك شكله يجنّا
ولاخبرت اعمى بصيره .. جاء يقود اعمى بصيره

والدحيمي يوم تل القاف هيجن به وغنا
ياسلام الله على ربعي ... عرب شبه الجزيرة

 

 

ثلاثيني







ثلاثيـنـي تـعــدّت والـهـقـاوي خـانـهـا التعـبـيـر
اانّــوخ هقـوتـي تــاره ... وأشــد ركابـهـا تـــاره
انوّخـهـا واشّــد ركابـهـا .. وبـعـيـر بـأثــر بـعـيـر
واشـوف الوقـت يطحنّـي رحـاه بجـايـر اقــداره
وابوي يقول .. قدّر .. كلّ شي بها لزمن تقديـر
ترى من هـدّ داره ... قـلّ عنـد النـاس مقـداره
يابـوك الحـرّ حــرٍّ والعصيفـيـر اسـمـه عصيفـيـر
وانــا خـابـرك حــرٍّ تـفـهـم المـقـصـود بـإشــاره
ترى طير الرخـم يابـوك ماهـو مـن حـرار الطيـر
ولو يعجبك فـي حومـه .. وجنحانـه .. ومنقـاره
ولو جاك من اعاصير الزمان المر( شبه اعصير)
ترفّـع خــل عـنـك هــروج ابــو نــواس واخـبـاره
نسيـت أيـام كنّـا .. لاظمينـا نشـرب مـن البيـر
سقى ذاك القليب اللـي تصافـق مـاه بحجـاره
حفـرنـاه بيـديـنـا .. كلّبـيـنـا .. عـودنــا وصـغـيـر
زمان ٍ كان فيـه الجـار .. يفـدي بوْلـده .. جـاره
ليـا اشتّـد الهجيـر نقـول .. هيـن تاليتـه عصيـر
رجـال ٍ مـا جزعنـا مـن عـجـاج الـوقـت وغـبـاره
وعـزّ نفوسنـا كنـه يقـول .. اللـي يصـيـر يصـيـر
علـى العـزّه مفاطيـم .. وعلـى الأقـدار صبّـاره
تكون بفمك تمره .. والنصيب يسوقها .. للغيـر
كذا .. طبع الزمان اقشر .. كـذا .. الأيـام دواره
زمان ٍ عقّب النشمي على المركى بنافخ كير
وتشـوف اللـي يبيعـون الدجـاج الـيـوم صـقـاره
وانا .. رجل ٍ لمح برق ٍ .. فهلّـل واكثـر التكبيـر
وصلّـى عالرسـول احمـد .. نبـي الله ومختـاره
جهره النوض واستبشر يباسه بالمطـر والخيـر
بذاك الصيف .. واثر اكثر.. بروق الصيـف غـدّاره
لقـى ثـروة شبابـه بأيـد حــظًّ يعـشـق التبـذيـر
رمـى باحلـى سنينـه للهمـوم وكثـرة اسفـاره
غرس نخل الصفاري بأرض ناس ٍ يزرعون شعير
وفـي جنـي الرطـب عيّـوا عليـه يجنّـي ثـمـاره
وانا مانيب من يسكت على ضيم الغبينـه ميـر
اشـوف ان الحصانـي هالـزمـان تنـاطـح نـمـاره
يقولون العرب .. خلّ التعجّل واحسـن التفكيـر
وانا راسـي لعـب فيـه الصـداع وشتـت افكـاره
ولــو هـدّتـك ياقلـبـي سنـيـن الـهـم والتعـزيـر
تحمّـل .. لاتكـدّر .. سـدّ مـآرب هدّتـه ... فـاره
بسيطـه ياذنوبـي لـو تخونـك شـرهـة التكفـيـر
عسى ضيم السنين اللي مضت بالعمر كفاره
ثلاثيني تعدت ... حلم .. ماحصّلت لـه تفسيـر
انّــوخ هقـوتـي تــاره ... وأشــد ركـابـهـا تـــاره

 

 

حمامة الروض






حمامـة الـروض .. ولّـي ياشقـاويـه
مانيب ناقص مصابك .. يكفـي مصابـي

انـا .. ماكـوّدت اسـجّ شـوي ياخيّـه
زدتينـي بسجعتـك .. زودٍ علـى مابـي

الغابيـه غابيـه .. بالـصـدر مكمـيـه
وانـا مانيـب مهبـولٍ يفضـح الغابـي

اخـاف مـن روحتـن ماعقبهـا جـيّـه
يومٍ به اللوم .. يشهـق شرهـة عتابـي

خاسي وهابي .. مجازي الطيـب بالسيّـه
راعي الرديّـه رديّ .. وخاسـي وهابـي

في نحو (ابو الأسود الدؤلي) .. له نحيّـه
ذا النحو نحوي انا .. وإعرابـه اعرابـي

ترابي اولى بـي .. ان خابـت هقاويـه
وأن عوّدت للتراب .. ترابي اولـى بـي

هـذا ترابـي . . وأنـا زبـن الجلاويـه
وكنـوز قـارون ماتشريـك يـا ترابـي

سقوى .. سقاه الحيا وقـتٍ مضـى ليـه
يوم الرخا محزمي .. وزهابي .. زهابـي

يوم ارضي المسقـوي عالوسـم مذريـه
ودون اللحـى فـرخ بلجيـكٍ وشبّـابـي

يوم إنّي اغمـض مريـح البـال جفنيـه
قبل السهـر تستبيـح جيوشـه اهدابـي

من قبـل ماشـوف وقـتٍ دارت رحيّـه
وضيوف (بقعا) سرى .. وقفوا على بابي

وقتٍ ليـا ضحـك نابـي جـات بلاويّـه
كنـه حـرام علـي الضحـكـة بنـابـي

قد لـي خـلاوي 8 سنيـن .. وشويـه
هذا .. وانا لانـي بمجـرم ولا ارهابـي

احدن بكى ميته .. واحـدن بكـى حيّـه
واحدن على الصدق عاش ومـات كذابـي

احيـان .. أهيجـن وأغنـي للهواويــه
وأحيـان .. كـل الهواويـه تغنّـى بـي

واحيان .. احصّل لي مـن القايلـه فيّـه
وأحيان .. من حرقة القيض الله ادرى بي

رهنت لـي بنـدقٍ .. فـي ديـن جنبيـه
وش يآخذ المرتشي مـن ذمّـة.. مرابـي

ظامـي وورّدت بيـرٍ دونـهـا الحـيّـه
الله يجازي زمانـي ويـش سـوّى بـي

رزقـي علـى عالـمٍ جهـري وخافـيـهّ
ومـن مثـل ذا الجـود رزاق ٍ ووهابـي

وين انت يالحزن ؟!! يا اجمـل غناويـه!
أذّانـي الهـم بغيابـك وشـقّـى بــي

من بيـن غيّابـي ابطـت بـك حراويـه
فاقـدك .. ياأعـزّ غايـب بيـن غيابـي

وين انت ؟!! ياصاحـبٍ ماولفنـي زيّـه
ياقو قلبك! .. تخلي الهم يسلـى بـي؟!!

ودّه اشقـق ثيابـي غـصـب بإيـديـه
والله لأموت .. ويـدي ماشقّـت ثيابـي

ودنيا الهبـا .. سـوّّد الله وجههـا فيّـه
أبرد صودايفها .. ياما احـرق اعصابـي

يرضيك بالله؟!! تبيّـت بـي علـى نيّـه
قبل اتعشـى لياليهـا . . تغـدا بـي؟!!

هيّا تصدّق !! كـذا . . وبـدون ماريـه
استنزفت كلّ جـرح ٍ . . قـد تخبّـا بـي

خلتني أهجّ واعطـي الخبـت . . رجليـه
والعجّ راح بصميلي .. وأذهـب ركابـي

ثـم ادرجـت بـي مهاميـة الزرّاجـيـه
وجت بي وأخفّ الطعون .. شلاف وجنابي

يرضيك يالحـزن!! . . ياتالـي عزاويـه
تضحك على شيب راسي .. بين شيّابـي؟

يرضيك يالحزن؟!! تجهر بـي علانيـه؟
حتى تهاون بحالـي اقـرب اصحابـي؟؟

وجـدي وجـود اجـوديٍ صـار عاريـه
هذا وهو مـن ولـد .. عتّـاق الأرقابـي

وجـود محكـوم ماقبلـوا مـنـه ديّــه
وخلوه مابيـن سيـف ونطـع ونصابـي

كلـن تتقـى طعـون عــداه غـدريـه
وأنا الوحيد اللي طعونـي مـن احبابـي

وأن مـت .. قولـوا لفاقدنـي وداعيـه
والله مانـي ردي .. وقتـي تـردى بـي

 

 

العــار





نذر علي ماعقب ذا العار مـن عـار
وبْعذرهـن لـو طلّقونـا النساويـن

من صغرنا ننشد فلسطيـن الاحـرار
وبافواهنا ماغيـر علكـة فلسطيـن

يابنت يكفي ما سمعنـا مـن اخبـار
مير اسكتي يابنت الاجـواد تكفيـن

الثأر.. واقسم بالـذي شـرّع الثـار
رب قضى في شرعه العيـن بالعيـن

عـلام غيبـان النوايـا والاسـرار
اللي طمن سابع سما .. سبع اراضين

لو تجري دماهم مثل جري الانهـار
او نمحي اسرائيل قاصـي ودانيـن

ومن عقبها نجمع درر كـل الاقطـار
بمحمـد الـدره فلانوفـي الـديـن

لبّا عيون غمضت خـوف الاخطـار
ولبّـا خفـوق نثـروه ابعيـاريـن

لبّاحشاه اللي احتضـن طلقـة النـار
ولبّا جسده اللـي خـذوه النياشيـن

في ظهر ابيه اقفى يدوّر لـه ستـار
وشقّوا ستاره واصبح الجرح جرحين

لايامحمـد وانـت صنديـد مغـوار
لكن زمانـك فـات ماهـو بهالحيـن

وقتك مع ( عقبه وطـارق وعمـار)
مـع رجـال همهـم نصـرة الديـن

اللي افتحوا بايمان وبعزم واصـرار
من داني المغرب الى قاصي الصيـن

احرار في حطين والقادسية لهم كـار
واقفـوا بعـزم القادسيـة وحطيـن

لايامحمـد عقبـك الحـال منـهـار
مير العـزا ثـارك خذينـاه ثاريـن

حنا اتفقنا من عقب شجـب ماصـار
امّا اعقلوا نستنكر الوضـع ونديـن

ياسين لاصرنا على ارواح الابـرار
يكفي دقيقة نوقـف حـداد ياسيـن

حنا جدانا سطوة الجـار عـا الجـار
والاعلى اسرائيـل ماحـن بساطيـن

ستين عام سلاحنـا شجـب وانكـار
لين اسحبوا وجه العروبه على الطين

هم جرعونا الذل في كـاس الامـرار
لابالله الا ذوقـونــا الامـرّيــن

برجولهم داسوا علـى مـش الازوار
وحنا نهز بروسنـا تقـل راضيـن

هم لبسونا العـار فـي ذل واصغـار
هم اتركونا نخلـط الزيـن بالشيـن

هم برّكونا فـي مجاعـات واحصـار
هم خلـوا الغاليـن فينـا رخيصيـن

هم ارغمونا مانْتًخطّـى ورى القـار
هم زلزلونا عقـب هـاك البراكيـن

هم طوعونا كننـا عمـي الابصـار
والى اذبحوا مسلم نقول . ايه مسكين

هم هتكوا عرض العرب ستر واجهار
هم طمّنوا بلحى الشيـوخ المسنيـن

هم لاعْجزوا برجال واطفال الاحجـار
ساقوا لنا الحجـة بـدون البراهيـن

ياربعنا يا احفـاد وافيـن الاشبـار
الـى متـى الاجـداد منـا بريّيـن

الى متى نتخلّـق اسبـاب واعـذار
الى متى واحنا على الثـار مقفيـن

الى متـى واحفـاد عبـاد الابقـار
لوما اذبحونا غـدر متنـا مساجيـن
الحر مايوقـع علـى خربـة الفـار

والى وقع ماهـو بكفـو الجناحيـن
اكرم بنـي صهيـون نـذل وغـدار
لوهم يبون السلم ما اغتيـل رابيـن

تدرون ويش ارهبهم اقـلال واكثـار
اكثر من اللي شافوا بحرب تشريـن

وخلى الطوال من الفزع فيهم قصـار
فرحة شهيد بضحكة الشيـخ ياسيـن

هيا مشينا نرخص امـوال واعمـار
هيا نعيد امجـاد الاحـزاب وحنيـن

قد قلتها من قبل في بعض الاشعـار
ترى الذلول الطيبـة تـردف اثنيـن

متى تشوف العين عج الرمـك ثـار
وبنصرنـا نقبـل نهيجـن ملاييـن

يادارنـا جينـا واحنـا هـل الـدار
حنا هـل الرايـة وحنـا السلاطيـن

جيناك يوم اقفت مراهيـش الامطـار
وابطت حراوي المعتصم يافلسطيـن

اما خذينـا ثـارك كبـار واصغـار
ولا تبرقعنـا ســواة النسـاويـن

 

 

مـــعـــــــزي





لا تعذلينـي .. أنـا مـا قلـت زور ولاأتجنّـا
ما سمج حلو السوالـف غيـر مـن عذالهـا

العـذل مثـل الكـدر لاصـاد بـال ٍ مرجهنّـا
ورّده حوض الهمـوم وشـرب سقـم حثالهـا

الجبـل ماهزّتـه ريـح ٍ ولا مــال و تثـنّـا
تحسبين هضاب الارض تنوش روس طوالها؟!

من متى الداني يعلاّ؟ ومن متى العالـي يدنـا؟ّ
ومن متى والضـان تفتـك بالذيـاب رخالهـا

ابشري بالعزّ .. ياللـي تنقشيـن الكـف حنّـا
والعـلـوم الغانمات...دقاقـهـا وجـلالـهـا

لايهمـك هرجـة الحسـاد والواشيـن عـنـا
أبشـري باللـي يخطـم قصارهـا بطوالـهـا

بإفتراء الإعلام وخبـول الصحافـه ماأشتحنـا
عارفيـن كيـف نركـي للحـمـول جمالـهـا

كل حمل وله جمل.. والحمـل مابـرّك جملنـا
يوم هرش أهل الردى يبرك بطفـس أحمالهـا

امدحونا .. عذربونـا.. والله ان كِنهُـمْ وكنّـا
إعْنِبـه ... ماعابهـا الا حصنـي ٍ ماطالـهـا

والقناة اللي تسمّـى بالجزيـرة تحسـب إنّـا
مانعَـرْف ان اليهـود تديـر بـث أرسالهـا؟

الخلا ...وأهل الجزيـرة ياقنـاة الكفـر حنّـا
عيطموس .. من الردى (صقر الجزيرة ) شالها

بالجزيـرة والله ان تبطيـن فـي حلـمٍ وظنـاّ
في ضلال أخوان نـوره هـم خطـام انذالهـا

العقـل نعمـه وهبهـا الله لنـا وبهـا فطنـا
ماحـن بقـوم غـدو عقالـهـا... جهّالـهـا

ياوطنـاّ.. يـاذرى الإيمـان حـنّـا ياوطـنـا
ساعـةٍ ننصرك..ماكـنـاّ نعـيـش الاّلـهـا

مالقى غير ابشر بعـزّك وسعـدك مـن زبنّـا
والرديـه لـلـردي ... ومعـقـبٍ فنجالـهـا

المقمّـع يـوم ثـارت فـي خباهـا ماجهلنـا
طيبهـا مـن خبثهـا بيّـن عـلـي نقالـهـا

مايمثلنـا خبيـثٍ .. مجـرمٍ .. فينـا تجـنـا
ولا خذ عمي البصائـر غيـر شـر اعمالهـا

ايخسا..مير ايهبا..ميـر ايعقب..ماهـوب منّـا
الأصايـل باينـه .. والخيـل مـن خيالـهـا

من متى صار الفساد إصلاح .. والحق ايغبنـا
ايّّة إصـلاح ونفـوس الأبريـاء ..يغتالهـا؟؟

كل شارب له مقص وكـل مفـرد لـه مثنـى
وكـل بيـر مايقطّـب دلـوهـا الا حبالـهـا

(احمد اللّي عزّنـا حكامنـا مـن عـزّ أهلنـا)
لابـة مـن طيبهـا ... وأعمامهـا أخوالهـا

لا خذتنـا ريبـةٍ فيـهـم ولاشــكٍ دخلـنـا
ولا جهلنـا عصبـة الشيطـان مـع دجالهـا

والله إنّا مانعيش الاّ مـع (آل سعـود).. وانـاّ
أمـةٍ مـن دونهـم تفخـر بـذبـح عيالـهـا

خادم البيتيـن حـلال النشـب زبـن المجنـا
في ظلالـه حـن هـل البيضـا وحنـا فالهـا

دام معـه مميّـل عقالـه علـى هيبـه وفنّـا
شيخنا بـو متعـب حـزام الوطـن وظلالهـا

الامـام مجـدد أمجـاد المغـيـره والمثـنـا
فخـر كـل المسلميـن وذخـر كـل آمالـهـا

نهجنا معروف طابت تربـة اللـى خطّـه إلنـا
كلمـةٍ نمشـى بمنهجهـا (مـعـزي) قالـهـا

ماورى شرعٍ شرعـه الله مـن شـرعٍ يسنّـا
ولابـه ديـارٍ تعـزّ ...الاّ بـعـز رجالـهـا

 

 

وش عاد







وش عاد لاهبّـت طواريـك .. يانـود
بتضيع في عجّ الخماسيـن.. وتـروح

دام الأمـل وردٍ وريحتـه بــارود...
والحلم غدرا مافتـق صدرهـا ضـوح

كن الزمن حادي وانـا أيامـي الـذود
لا الليل ذنب .. ولا خطا الفجر مدمـوح

في ذمّتك يوم المسـا جـاك بجحـود..
ما خفت يا سرّ الشفق شرهةالبـوح ؟!

كف الثواني شـحّ .. ماطالهـا الجـود
وعقارب اللحظه .. رمد عين مشفـوح

ماعشت بسنينـي ثبـات النبـي هـود
ولا هي سفينـة عمـر ربّانهـا نـوح

اروح .. وأجي مثل من ضاع لـه فـود
سقاه .. ضلعٍٍ قد لـي أجيـه .. واروح

ياسعود .. انا مادام لـي ربّ موجـود
ما اشفق على دنيا ً دنيّة .. ولا انـوح

أضحك ولو هو .. ماعلـى وقتنـا زود
وكلن بيلقى مانكتب لـه علـى اللـوح

ياسعود .. ماتعرف وش الحزن ياسعود
حزني ماهو بحّة حـزن نـاي مبحـوح

مثل الندم .. لاضحك في جبهـة العـود
وضحكة طفل .. بعيونه الدمع مسفـوح

غربه .. منافي .. لاتضاريس .. لاحدود
ضيقة .. ولقيت صدر الأيـام مفتـوح

شفـت البحـر بعيـون نقّـال عامـود
مثل ائتمان السر في صـدر مفضـوح

ياديرتي .. ورجعت .. لجبالـك السـود
متحزم ٍ بالشـوق.. وزهابـي جـروح

ياديرتي .. وان جيتـك بوجـه مفقـود
والاّ نظرتي حـيّ .. باكفـان مذبـوح

فــــــــي ذمّــــتــــي

فـــــــي ذمّــــتــــي .

في ذمّتي .. مايذبح الرجـل .. ياكـود
غربة وطن .. لاصادفت غربة الـروح