أبوسامي لك داعي

طال انتظارنا يا ابا سامي ومتشوقين إلى ردك .
يمكن تقل وش احرق رزكم انتم والموضوع بيني وبين سراب .
واقول صدقت وما لنا شغل والموضوع بينك وبينه لكن وش تقل في اللقافة ابت تريحنا ...

 

 

وشبكم شعترتم القصائد من ساحه في الثانيه
اجمعو قصايدكم في الموروث
ورا الشفا نقاده

 

 

سراب الله يمتعك بالصحة يعلم الله إني يالله يالله أخارج نفسي في القصايد بالعربي تقوم توهقني بلهجة الترك حسبك الله .
أما محرقة العشاش فلا تؤاخذهم هذا طبعهم .. ما يصدقون إن فيه حريقه هم يجون يسعون تقل إنهم في الدفاع المدني .. والمصيبة إن كل واحد معه تنكة بنزين ..

من يخاويني في الصيف ناوي تركيا
ضايقا خلقي من البيت وأيضا ما البلد
ما اعرف اتكلم معاهم ولا فيه اركداش
لا تقل لي مصر فالله يبعد مصر عنّا
ما عد أتحمل منوّر ولا يالدلعدي

 

 

لا تقل لي مصر فالله يبعد مصر عنّا
ما عد أتحمل منوّر ولا يالدلعدي

اي بالله أي بالله أي بالله
يالالالاللا لاله لالالله يالالاله

مااعد اتحمل منوّر ولا يالدلعدي

...... رد غاية في الروعة ياشاعرنا الكبير ...

 

 

صح لسانك يا ابا سامي ردك رائع كعادتك وفقك الله وما اخفيك كان ودنا يكن تأخرت اكثر وكما تعرف سوق محرقي العشاش هذه الايام مش ولا بد ولو تأخرت اكثر كان لقينا ما نتمصلح من وراه ولو ما يجينا الا صحن تمر وما يقتله .. لكن خلفت بالظن ورديت رد رائع الله يمتعك بالصحة والعافية .

 

 

المشاركة الأصلية كتبت بواسطة عبدالله رمزي

من يخاويني في الصيف ناوي تركيا
ضايقا خلقي من البيت وأيضا ما البلد
ما اعرف اتكلم معاهم ولا فيه اركداش
لا تقل لي مصر فالله يبعد مصر عنّا
ما عد أتحمل منوّر ولا يالدلعدي

سلامة خلقك يابو سامي

ابشر بعزك انا خويك في تركيا وغيرها واما مصر الله يغنينا عنها
اخوك خوش اركداش
قل تم

 

 

بيض الله وجهك ياابوسامي وصح لسانك -- رد أكثر من رائع من استاذ بارع في
مجال الشعر -- ماادري تسمح لي آخذ دوره في الغرفة المباركة فقد يتبناني أحد
فروخ جنية الكاهن -- بارك الله فيك وادامك .

 

 

عبد الحميد
على ابو علامة
شكراً لكم على المرور وأنا ادري إنكم مادخلتم لله لكن معكم نوايا الله يبعدها عنّا ..

كذا كذا كذا كذا
اما سراب فاعتقد إن القصيدة هذي ربما تكشف جزء من الغموض الذي يعيش فيه ومن شان يحسب حسابه في القصايد ..
يا سراب الله يحييك الغرفة تحت أمرك لكن لو حصل لك شيء من احد الفروخ اللي أنت تقصدهم ما أنا مسئول

واسمع
يا سراب الظاهر إن أخر اسمك فيه ياء
أنا فارش غرفتي زل ما فيها جُعد
كل من قد زارني يلتقي وجهي بشاش
مرحبا بالضيف وان زارنا لا يمتحنا
يشرب القهوة ويمسي ويتعشا ندي

 

 

بارك الله فيك ياأبوسامي وفي غرفتك وفي جنيتك وفروخها
وشهادتي في كرمك وحسن الإستقبال مجروحة ولست بحاجة لها فقد شهد لك
القاصي والداني -- آنا بأسوي يامعنني مافهمت مقصدك وسأوجه الرد لمعنى آخر

يقول بن رمزي :

يا سراب الظاهر إن أخر اسمك فيه ياء
أنا فارش غرفتي زل ما فيها جُعد
كل من قد زارني يلتقي وجهي بشاش
مرحبا بالضيف وان زارنا لا يمتحنا
يشرب القهوة ويمسي ويتعشا ندي

وأقول :

المطرنعمه ويلحقه تعبه لاهيا
وان بلاك السيل عده ومالأفلاج عد
لاتقل غرقان ماعد يبالي بالرشاش
افترح به لاهطل لاتون ولاتحنا
ماأحسن الآرض النديه مع العشب الندي

-------- تحياتي للجميع -------

 

 

سراب ما شاء الله تبارك الله خرجت خرجة عجيبة وهذا يدل على إبداع شاعر متمكن ..

على نفس النهج اسمع هذي

اعرف إنك صفت عن ما قصدته من حيا
وأنا بتواصل معك لجل غلي ما برد
والذي مثلك عرفناه وادري فين عاش
اعرف إنك ما تبي تبدل الجيد بالأدنى
من سمع شعرك شكر فيه وسرى يحمدي