الألغاز الشعرية والأسئلة الفكرية

مشكور يا سعيد راشد على تنبيهك لنا عن وقت تحديد الإجابة ..

قرب لنا بمؤشراتك وابشر بالحل ..
وشرطك على العين والرأس ... نيابة عن الربع اللي يحلون السؤال وعنّي ترانا متنازلين عن الجائزة ..

هذا رد نيابة عن من ورد ذكرهم في قصيدتك ..

أقولها من صدق ما أبيك تزعل= ولا يجي في خاطرك مشنوية
اللغز ما أظنّه قراناً منزّل = على حبيب الخلق سيد البرية
اشّر وشاور لجل يقرب لنا الحل= من شان كلاً يفتزع في خوية
والجائزة مسموح آمر تدلل= ما عاد أدورها ولا أبي هدية
صالح عطيه من عيال ابن منشل= الظاهر إنه مشغلته ال ........ية
أما أبو ناهل تكرّم وحاول =انا اشهد إنه من رجالاً وفية
أشغلت بن رمزي وفكره تعطّل = من كثر تفكيري حياتي شقيّة
حليتها وأشوف وجهي تهلل= وشربت لي كاسة عسل من خلية
تجيك مكتوبة على الخاص توصل = وإن جتك قرّب دلّة شاذلية
إن كان حلّي صح قل لي تفضّل = وارفع يدينك ثم رد التحية
وإن كان ماهو صح وأصبح يفشّل = فالستر زين ولا تعلم عليه