سعد بن جدلان - ودنا بالطيب بس الدهر جحاد طيب

.

*****

في يوم الأحد 09/05/1433هـ
أجريت عملية جراحية للشاعر سعد إبن جدلان
لتصحيح كسر الرجل الذي عانا منه إبن جدلان الكثير والكثير
وقد زاره فريق قناة الصحراء في مستشفى
واعد التقرير التالي



الله يشفيه ويعافيه

*****

 

 

.

*****

من قصائد إبن جدلان قصيدة بعنوان "النوامي"

شعاني حمام فوق روس النوامي خلج = تغني على روس النعانيع منسجمه
آلاحيه من فرقاك يابو خدودٍ بلج = عسى لايم الميلاف عبرود ابو نجمه
محبتك حطت في محاني ضلوعي فلج = كما فلج سيل الوادي ضكته عجمه

*****

 

 

.

*****

قصيده جميله للشاعر/ سعد بن جدلان الاكلبي



ألايالله ياللي تحت هيبة سلطنتك اسلمت = لك المسلم يسبح لك بحمدك ولك الاسلامي
أحمدك واشكرك واثني عليك بماعلي انعمت = وزدني في وفا بر العشير ووصل الارحامي
ولهت الفجر ياليل الذهول اللي علي اظلمت = يعرضك واقع الذكرى عليه عرض الافلامي
وولهتك يالنديم اللي على صافي وفاك اضرمت = بصفحة ذكريات العام واللي من ورا العامي
بعد تقرير مشوار التجارب نجحت وأجزمت = بأن السيف سيفي والعصا والمحزم حزامي
عطتني عزلة اخلاصي معك نسيان من نادمت = كتبتك وانطوت صحفي عليك وجفت اقلامي
أباهي،،لا أبالي واتبيسط كل ماقدمت = أشب النار قدام العرب واشيد خيامي
نهاري حرشمسه، يستحي منها لسان الشمت = وليلي ترجم نجومه ملامة كل من لامي
على ضو الكلام اللي كشف عنا ستار الصمت = وعرفت ان به وجيه باليمن ووجيه بالشامي
أحسب انك تيمم باتجاهي وين مايممت = أثر لانته ورايه بالطريق ولاانت قدامي
كثر ماحن صدري للونيس وكثر مادرهمت = فجع صدري حنيني واتعب الأقدام درهامي
مصيبة لاتردت قيمتك في عين من قيمت = يشوفك بالسهل وانته تشوفه بالسما السامي
مادام ان جانبي شام لجنابك وانت عني شمت = كثر خيرك وانا لانيب لاجايع ولاظامي
أشوف انه علي واجب ليا مريتكم سلمت = مرور كرام تربطها الكرامة عند الاكرامي
على شان الخفوق اللي على عرشه قعدت وقمت = وحجب عنك الدجا لين اشرقت لك بيض الايامي
ختام السالفة ياطيب العشرة كرمت ودمت= هذا حقك علي وحق شرهاتي على اوهامي
مصير الوقت يشرح لك ظروفه لاغفلت ونمت = يصحيك الزمان اللي يصحي كل من نامي
وتعرفني لمنها ضاعت اوهامك بمن وهمت = وعرفت الفرق في حب الخشوم وحب الاقدامي




*****

 

 

الله عليك يالقسقسي
اطربتنا باختياراتك الرائعه

انا مشتعزل معي شقه في فلاحة باروح ابغرها واعود لك
سوالفك اعجبتني ولا هيا من العودة
زهب القهوة وباعود لك ناخذ علوم ونعطي علوم

وداعة الله

 

 

.

*****

حياك الله يا أبا أديب

خذ ذي القصيده غن بها وانت رايح الوادي

يقول بن جدلان

أف .. يا كثر الحلام اللي على بالي وشفّي= و أخ .. يا رآسي من التفكير في ما لا يشونه
و أح .. يا حر إنتظاري من حبيبي اللي مقفي= و آه .. يا حب(ن) عطيته ناس ما يستاهلونه


*****

 

 

.

*****

قصيدة العولمة للشاعر سعد بن جدلان

ياصباح الخير ياطلة الصبح السعيد = جل شان اللي مصورك عما يا صفون
انت نبذة معشر الانس والشي الفريد = ليش مدري بس لله في خلقه شؤون
ياصبابة ذوق الالباب واصغاي النشيد = يالقبال السمح يالخاطر الرحب الميون
ياذهب قارون ياملك هارون الرشيد = من لقاه اغناه والسابقون السابقون
تدري انك ضفت للعولمه بحث(ن) جديد = علم هديف الانامط وقراء العيون
انت تبغى زبدة العلم والشي الاكيد = انت في كون(ن) لحاله وخلق الله بكون
كان كل اللي فعلته من اجلك مايفيد = والا انا لله وانا اليه راجعون

*****