يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

اهداءات ساحات وادي العلي







العودة   ساحات وادي العلي > ساحات وادي العلي الخاصة > ساحة صدى الوادي

ساحة صدى الوادي المواضيع الخاصة بوادي العلي

إضافة رد
 
أدوات الموضوع انواع عرض الموضوع
قديم 02-18-2008, 04:23 AM   رقم المشاركة : 1
اشياااااء . . . في الذاكره


 

.



السلام عليكم

وحياااااكم الله . . كلا باسمه

وفي البدايه عندي ملاحضه على اخفاء اسماء المشرفين

يحس الواحد انه داخل بيت مايعرف راعيه . . .

او ان مخبر يراقبه متلثم . . . ويقرأ جريده ( فيلم مصري )

رأي شخصي . . لا ارى مشكله من ظهار الاسماء فلايوجد شي ينخاف منه . . .

.................................................. .......................


اشياء باقيه في الذاكره . . . من ايااااااام الديره


= اول مره اشوف سمكه في حياتي كان في دفتر العلوم . .

وقبلها شفنا ذرانيح في القلات وقالوا لنا بتكبر وتتحول سمك وجفت القلات قبل تكبر . . .

.................................................. .....................

= باشندي دكتور كان في الظفير مافي المنطقه غيره . . ودوني له وانا مريض . .

وقعد ربع ساعه يولع الدافور ويشحنه ويغلي مويه ويحط برواز الابره في المويه

ويطلعها ويركبها بملقاط ويدخل الابره في قاروره ويضغطها في الهوا فوق ويطلع منها مويه . . . رعب

ماانسى ابرته ذيك . . . وريحة عيادته من العلاجات

.................................................. ...................

= لوز الشويل اللي قبل الرهوه فيه ( لوزه ) الثانيه من الشرف . .من جهة بير الحالسه .

طعم غضاريفها مافيه زيه في الوادي . . ( من اكتشاف عبدالعزيز بن . . . . )

الله يغفر لنا ويسامحنا

.................................................. ........................


= بير الحالسه . . .. . . نتحلق حواليها من الساعه عشره الى العصر ( نتشرع)

وننشر سراويلنا على النصايب والا على رووسنا

. . . عبدالحميد بن حسن كان احسن من ( يصفي ) . .

وعبدالرحيم بن رمزي احسن من ( يدوي )

واحمد بن طويش احسن من ( يسلس)ويجيب العود . . . .

ماادري باقي يقدرون ؟

وواحد الله يذكره بالخير ماكان يمديه ينزي الا وهو طالع ومن سرعة خروجه تحس انه يرتفع لين يشوف اللي في القف . .

ولا عاد يسبح منتص ماشاء الله عليه كنه قاعد في مجلس

تعلمت انا ومجموعه معي ( نتشرع) على يد محمد بن سعيد ابوعلامه ( الله يمسيه بالخير )

وبالقوه يربط الواحد بالرمه ويزقيه ويخليه يخابط ويشرب مويه لين ينتفخ . . . وتعلمنا

.................................................. ......................


= وايت (عناصي ) كان يجي كل حوالي ثلاثه اشهر للوادي . . بوريه معروف . . .

ويخرجون الناس ببراميل القاز في المحجر جنب بيت البيعالي . .

ونتجمع عنده تقل انه جاي من الفضاء . . . (يخشعه الله ماكان اكبر دركسونه )

وتبدأ المكاسره . . . اخر سعر اتذكره وصل البرميل 33 ريال

ويعد مايروح يبدأون يتساعدون الناس ( يدربون ) البراميل وهي مليانه ويرجعونها مكانها . . .

ويحطون على البرميل صحن مقلوب وفوقه حجر . . . علشان المطر . . الغريب ماكان احد يقربها



يتبع . . .

 

 

   

رد مع اقتباس
قديم 02-18-2008, 12:00 PM   رقم المشاركة : 2
معلومات العضو
عضو نشط
 
الصورة الرمزية محمد التابعي
 
إحصائية الترشيح

عدد النقاط : 10
محمد التابعي is on a distinguished road


 

ابو فارس نورت ( وين الغيبات )

دائما تحاكي الذكريات يعجبني استحضارك لها وطريقة عرضها من خلالك

اسمحلي برأي قد يكون في غير محله

من خلال اطروحاتك ومحاكاتك للذكريات وطبيعتك اشعر ( بجلد للذات )

إذاكان كذلك ارجو لك المزيد منه ليتحفنا بالمزيد من الابداع

دمت بخير ياغالي

 

 

   

رد مع اقتباس
قديم 02-18-2008, 06:34 PM   رقم المشاركة : 3

 

وقبلها شفنا ذرانيح في القلات وقالوا لنا بتكبر وتتحول سمك وجفت القلات قبل تكبر . . .

.................................................. .....................

الله يا هب لك عقل هذولاك سفان الضفادع

= باشندي دكتور كان في الظفير مافي المنطقه غيره . . ودوني له وانا مريض . .

كلنا انضربنا عنده ابر ساخنه واضيف لك صرف حبوب الوحده زي العجمه من كبرها

= لوز الشويل اللي قبل الرهوه فيه ( لوزه ) الثانيه من الشرف . .من جهة بير الحالسه .

والله ما انساها ناخذ منها خاصة عندما تكون الدينه مقفله على العباله تماما

شكرا لك ابا فارس اشتقنا لسواليفك تحياتي لك الحاره والصامطة والدافئه

 

 


التعديل الأخير تم بواسطة ابو ثامر ; 02-18-2008 الساعة 06:44 PM.

   

رد مع اقتباس
قديم 02-18-2008, 11:08 PM   رقم المشاركة : 4

 

اخيرا نطق الرجال

وين الناس بغينا نجي الشرقية ندور عليك

هلا وغلا

لا تنس المشمش آخر الليل والدمنة الي تنتج حبحب , طبعا هذي تقنية جديدة
لا وازيدك واحدة كيس بقايا تميس وشريك وخبز وصامولي جاي من مكة برسم الخدمة والجماعة الي
سهروا عليه ليلة يغمسون في الشاهي وياكلون بعد تنضيفة من العشب الاخضر
وعش العنكبان وياليل لا تحزن .

ولنا عودة لنكمل مسيرة : اشياء في الذاكرة

سلمت يداك ابا فارس

 

 

   

رد مع اقتباس
قديم 02-20-2008, 05:17 PM   رقم المشاركة : 5

 

.

*****

حياك الله يا أبو فارس

اقتباس:
اشياء باقيه في الذاكره . . . من ايااااااام الديره


= اول مره اشوف سمكه في حياتي كان في دفتر العلوم . .

وقبلها شفنا ذرانيح في القلات وقالوا لنا بتكبر وتتحول سمك وجفت القلات قبل تكبر . . .
ممكن تقول منهو اللي سماه خالي عبدالله عجير الله يرحمه ويغفر له ( الذرنوح ) وليش

تحيااااااااااتي

*****

 

 
























التوقيع

   

رد مع اقتباس
قديم 02-22-2008, 04:09 AM   رقم المشاركة : 6

 

.

*****


طيب من هو اللي ينزي في البير متربع ومره نزى من راس القرون وهو متربع

وينك يا أبو فارس عشان نتشرع سوا ( مش تلفون سوا )

*****

 

 
























التوقيع

   

رد مع اقتباس
قديم 02-22-2008, 07:05 AM   رقم المشاركة : 7
معلومات العضو
عضو ساحات
 
إحصائية العضو










أبو ريان غير متواجد حالياً

آخـر مواضيعي
 
0 صالح أحمد كردي عضو ساحات وادي العلي



التوقيت

إحصائية الترشيح

عدد النقاط : 10
أبو ريان is on a distinguished road


 

اقتباس:
المشاركة الأصلية كتبت بواسطة ابوفارس مشاهدة المشاركة

وفي البدايه عندي ملاحضه على اخفاء اسماء المشرفين

يحس الواحد انه داخل بيت مايعرف راعيه . . .

او ان مخبر يراقبه متلثم . . . ويقرأ جريده ( فيلم مصري )

رأي شخصي . . لا ارى مشكله من ظهار الاسماء فلايوجد شي ينخاف منه . . .
مع احترامي الشديد لوجهة نظرك .. إلا أن إخفاء أسماء المشرفين

له ميزة رائعة .. وهوعدم تصادم الأعضاء مع المشرف .. أثناء تعديل

موضوع .. أو حذفه !! كثير من الأعضاء عندهم حساسية من التعديل

أو الحذف .. مما قد يولد شيئاً في النفس على المشرف .. لذا أرى

أن إخفاء اسم المشرف هو عين الصواب . أهم شيء أن المشرفين

يفعلوا استقبال الرسائل الخاصة لديهم لسرعة التواصل معهم .

أبو فارس .. ذكريات لها وقع في النفس !! الأستاذ .. علي بن عجير.

حفظه الله .. كان دائماً إذا أخطى أحد الطلاب لديه .. يقول .. يالذرنوح !!

وفقك الله .. ودمت لمن تحب.

 

 
























التوقيع

   

رد مع اقتباس
قديم 02-22-2008, 11:15 AM   رقم المشاركة : 8

 

.

*****

مرحبا هيل عد السيل بأبو ريان في جبته الجديده

اقتباس:
أبو فارس .. ذكريات لها وقع في النفس !! الأستاذ .. علي بن عجير.

حفظه الله .. كان دائماً إذا أخطى أحد الطلاب لديه .. يقول .. يالذرنوح !!

وفقك الله .. ودمت لمن تحب.
أخي وصديقي العزيز الأستاذ علي بن عجير درسني في سنه خامسه إبتدائي ومما اتذكره كيف نزرع الفول في القطن

والمشكله كيف نجيب قطن ؟؟؟

طبعا لم تسلم كوفية والدي والعبادي رحمهما الله من الإعتداء حتى أوفر القطن

ويبقى الأستاذ علي عجير المميز في الذاكره

*****

 

 
























التوقيع


التعديل الأخير تم بواسطة عبدالرحيم بن قسقس ; 02-22-2008 الساعة 11:19 AM.

   

رد مع اقتباس
قديم 02-23-2008, 01:41 AM   رقم المشاركة : 9

 

الجاااار القريب . . . محمد التابعي


حياااااااك الله . . .



تجي الواحد فترات ملل من الانترنت . . . وينقطع

. . . او يفقد الحماس . . . خاصة مع البرد


. . . على العموم شكرا على المرور . . .


. . . ولا اتوقع . . . اني اجلد الذات فانا ارى ان هذه الاياااام افضل من زماااان كمعيشه


ولا اود الرجوع لشقى تلك الاياااام . . .

والناس هم الناس لم يصبحوا اسوأ . . . ولن يكونوا افضل


. . . ولكنه حنين . . . لاياااااام الشباب ولناس عشنا معهم

. . . ودمت كما تحب

 

 

   

رد مع اقتباس
قديم 02-23-2008, 01:55 AM   رقم المشاركة : 10

 


حياااااك الله ياالسمي


. . . وحياااا تحياتك السامطه والحاره (كما الشطيطه )


لي معك ذكريااااات كثيره ان شاءالله اكتب بعضها قريب


. . . دمت ودام هذا . . . الطيب

 

 

   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:08 PM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir