بسألك ليه

بسألك ليه الهوى منك وفيك
ليه المشاعر ما تعيش إلا بساعة شوفتك
ليه المحبة والوفا وأبيات شعري تهتويك
ليه أنت وبس اللي أموت ببسمتك
تدري لو مرة أقول إني كرهتك ما أبيك
يرجع علي صوت الصدا يقول
الله ما أكبر كذبتك




بعض المواقف تجي وتروح ما تبقى
وبعض المواقف صداها بالعمر باقي
يا صاحبي لا معي تتعب ولا تشقى
ما يتبدل الوقت وأخلاقي هي أخلاقي
إن جيت أرحب وإن ما جيتني تبقى
أنت أكثر انسان عزيته من أعماقي




يا سائلة عني من القلب لبييييييه
صوت عزيز وغصب عنا نلبيييك
تشبهين القمر لا شك نغليك
ونفتح لك أبواب الخفوق ونحييك
أشري رضى من يشتريني وأراضيه
وأقول له بالروح والعين نشريك..




صعب جدا تلاقيني
أنا جوهر بحر مكنون
أنا لوتقلب الدنيا
صعب جدا تلاقيني
جمالي من حلا روحي
وكل الزين من زيني
تصدق عاد يا خلي
أنا كلي
بكل وصفي
بكل زيني
عجزت أوصل
ربع زينك




أبكي قصيدة وأشبك البيت بالبيت
وأشكي قوافي الليل من كل ضيقه
وأدخل بحور الشعر لا من تجليت
وأغوص في وسط البحور العميقة
في حبكم لاني بحي ولا ميت
كني كسير الطير ماله طريقه




ما يصير أنساك لالا ما يصير
وفي خفوقي لك معزة وأحترام
قبلك الدنيا مثل حلم صغير
وعقبك الدنيا غرام في غرام
أنت مثل النور في عين الضرير
لا لمحتك ما بقى حولي ظلام
فيك عمري ..فيك روحي والمصير
فيك كل أيام عمري والسلام



:s-30
أنادي من سكن بأقصى فؤداي
على من هو نفس روحي وزادي
على من هو حرم عيني رقادي
أنا أهــواه
يزور العين طيفه ثم أضمه
وأحس أن الهوى عطره وأشمه




تدري إني موت أحبك
وان مالي غير حبك...
واللي ينبض في ضلوعي
ما هو قلبي هذا قلبك..
تدري يا فرحي وهمي..
من كثر مانت في دمي
كل ما تنظرك عيني
عيني من عيني تسمي..




الغلا يا حبيبي أنت والوله يا قلبي
والألم يا عمري أنت
أنت كل إحساس فيني
أنت كل أحلام عمري
وروعة الدنيا بعيني
خذ غلا عمري وجرحي
خذ عناي وخذ هناي
بس لي عندك رجاء :
الطف بقلب يحبك ويموت فيك !




حب يغيب وصاحبه ما بعد غاب
وحب يدوم وصاحبه في غيابه
وحب يذوب خافقً ما بعد ذاب
وحب يداوي صاحبه من عذابه
وحب حياته كلها لوم وعتاب
وحب حقيقي ما يضرك عتابه
وحب بلا معنى وحب بلاأسباب
يبدأ غريب وينتهي في غرابه




في خاطري لك شي ودي أقوله
مدري تصدقني أو تقول كذاب
قلبي يحسك دايم الدوم حوله
مع كل دقه يذكرك ياأغلى الأحباب
تدري عليك الروح با الحيل توله
وتدري بعد طيفك عن العين ما غاب




ناج الحبيب اللي توده وتغليه
ما دمت حي ودام عينك تشوفه
لو صد يشفع له معك حلو ما ضيه
وحقه عليك أنك تقدر ظروفه
بأخــتــصــار
شخص عطاني وده ما نيب ناسيه
ومن شرى ودي أنا دايم الدوم شاريه..!




لا تلمس الجرح خل الجرح وأسبابه
الله يخليك ما فيني يكفيني
حتى حبيبي زمان الحب ما جابه
كان آخر إنسان متصور يجافيني
يكفيني إنه ترك لي شي أشقابه
دفتر قصيد وقلم مسجون بيديني

 

 

في خاطري لك شي ودي أقوله
مدري تصدقني أو تقول كذاب


اقولك خوي ابو ميس احساسك جدا مرهف , ومشاعرك علي الدوم دافئة بتلك الاختيارات الشعرية الجميلة التي تنثرها لنا علي صفحات الساحة والتي استمتع بقراءتها دائما ولا استطيع ان امر عليها دون ان اسجل حضوري وتشكراتي لك علي تلك اللحظات الممتعة التي تكون لي دائما مع اطروحاتك الشعرية

 

 

ياابا ابراهيم اخجلتني بهذه المشاركه في الموضوع انا لااستحق كل هاذا الثناء ولاكنه كرمك وطيب خاطرك انا يااستاذي القدير من عشاق الشعر النبطي والقصص القديمه من الباديه تجدني دائماّ اركز في مثل هاذي المواضع ويبقي ذوقك هوالاجمل سيدي الكريم تحياتي الصادقه ابعثها لشخصك الكريم

 

 

ابوميس

لك احساس مرهف في اختيارك لما تنقله الينا
اجد نفسي تواقه لقراءة ما تخطه يدك ومن المتابعين

اخيرا اقول
​
‏​​كلنـا بـدروب التّعب ، تآيهينْ ** نآسْ تبوحْ وناس: تكتمْ وجعهَـا
شكرا بالود اودعك

 

 

المشاركة الأصلية كتبت بواسطة اسير الحزن

ابوميس

لك احساس مرهف في اختيارك لما تنقله الينا
اجد نفسي تواقه لقراءة ما تخطه يدك ومن المتابعين

اخيرا اقول
​
‏​​كلنـا بـدروب التّعب ، تآيهينْ ** نآسْ تبوحْ وناس: تكتمْ وجعهَـا
شكرا بالود اودعك

عطرت الموضوع بمرورك الكريم اخي الحبيب اسير الحزن ذوقك واحساسك الاجمل لقد اختصرت التعب كل التعب بهاذا البيت المدهش ينم عن ذائقه غير طبيعيه لديك ما شاء الله ودي واحترا مي وتقديري لشخصك