احتياجي لك سبب خوفي عليك

احتياجي لك سبب خوفي عليك
اتعبوني حيل وأتعبت السهر
..
كل هاذا بعد بس الله يهديك
لاتهل ولا تلوح ولا تمر ..؟

انت مافكرت باالي يحتريك
كيف يسلي عنك واللحظه دهر
..
انت بس اكذب علي وقل أبيك..!

وإعزم النجمات وأهدي لك قمر
وإرسم الدنيا يديني في يديك

ليلة قمرا على شط البحر
لين يروي غرس قلبي وأرتويك

ينبت اسمك بين اصابيعي زهر
آه منك وآه من هاذي وذيك

خطوتي ودروبها شوك وجمر
كل ماجيت انتهي منك ابتديك

وين ماصديت لك وجه وخبر
ياالمفارق وش بقى غير ارتجيك
..
دام باقي للرجا فيني عمر
عاندتني عبرةٍ عذرا تبيك..

كيف أبجحدها وهي ذنب وعذر
أعترف لك سالت البارح عليك
..
دمعةٍ في مفرق دروب السفر
وأعترف لك مالك بعمري شريك
...
حتـــى أنا مالي نصيــب بها العمـــر



كلمات : سعود البابطين...

 

 

اسير الحزن
لاحرمنا الله ابداااعك
سلم قلمك الجميل
حتـــى أنا مالي نصيــب بها العمـــر