غفى جرحي وقلت أصحى يجوز المحَكْ واجي لك

غفى جرحي وقلت أصحى يجوز المحَكْ واجي لك
مدام الجرح بي نايم .. طلبتك قول وش جالك

سؤالٍ حيّر الضحكة بعيني شفني ابكي لك
وأنا صعبٍ عليّ ابكي لغير اطياف ترحالك

تغَطْىَ الجرح بلحافك صرخ يافلان بشكي لك
تعبت أزيّف افراحي أقول إن القهر هالك

تعبت ارقص على جروحي ولك طيري يغني لك
يزيّف لك شعوري بك يموت بلحظة اهمالك

ياعمرٍ كان يعنيلي كثير أشياء وأعني لك
علامك ترتحل عنّي بعد ماكنت لك حالك

أنا اذكر كنت لك أسهر يسامرني عَتَمْ ليلك
يحاكيني وش تسوي إلى من غبت عن بالك

تتوه بخَطْوتِكْ حاير تناديني وأنادي لك
تَشَكّى غيبتي عنّك وانا أشكي بُعد منزالك

تقول اني نبض قلبك بدوني موتك ايشيلك
واسَمّي يابعد نبضي عسى موتي قبل فالك

أبعرف ليش متغيّر تنفّضني مناديلك
وأنا اللي فيك مَ أصدق كلام وزور عذالك

انا جيتك بعد مانام جرحٍ كان يضوي لك
ابسأل بس وش ذنبي وانا اللي لابسه شالك

ألملم دمعتك وأضيق إلى من ضاق بك حيلك
ويفرح بك غلا قلبي اذا هو مهتني بالك

تعال وشيلني منّي تَعبت امشيك وامشي لك
تعال وهدهد أشواقي وخذني عَتّم ظلالك

ذبلت ومابقى فيني سوى همسات شوقي لك
ابغفى دامها ملّت تنادي جيّة وصالك

 

 

الحياه صعبه على من ضعف او انعدم ايمانه بالله وقد قيل الفشل اساس النجاح 0
فكم من ناجح لم يكن لينجح الا بعد ان حاول مرارا وفشل مرارا فمن الافضل ان لانقف مكتوفي
اليدين ونستسلم عند اول مصيبه وان نجعلها بداية لنجاح قد ينتظرنا وان لا نكسل اونتحطم فما عندك
ايها الانسان ينفذ وماعند الله باقي وعسى ان نكره شيئا وهو خيرا لنا ومقدرا من رب العالمين
يعطيك العافيه تقبلي مروري ودمتي بود والى الامام بعون الله شكرا 0

 

 

صح منطوقك اخوي محمد سعد دوبح
شكرا للاضافه الراقيه