حافز والعطاله -

السلام عليكم ورحمة الله وبركاته
بسم الله الرحمن الرحيم

مما لاشك فيه الان بعد مشكلة العطاله اتى إلينا حافز الذي اصبح شبه معجزه لكي تحقق شروطه
من السبب وحل لمشاكل العطاله
هذي افكار بسيطه فكرت فيها ومن وجهة نظري انها ناجحه بنسبة 90% اذا لم تكن 100%
عدد الموظفين الاجانب بالسعوديه كبير وهذا شي معروف
راتب الموظف الأجنبي مرتفع بالعاده الا الموظفين الذين اتوا من دول فقيره
الاجنبي له بدل سكن اما السعودي ليس له لانه حسب اخر اجتماع لمجلس الشورى قالوا انه يتعب الميزانيه
طبعا بدل السكن لموظفين القطاع الخاص ماشي ويمكن يوصل الى أعلى من الراتب الأساسي لموظفين الدولة
هنا نجد الموظفين يعانون من السكن الذي لايملكونه ومن بدل السكن الذي من حقهم ولم يستلموه
والغريب ان اكثر الموظفين يعملون خارج مدنهم !!
طبعا حافز الكل عارف الشروط التعجيزيه اللي فيه من فتح حساب بالبنك الى التسجيل والفرز النهائي
يمكن هنا بدت تتصعب على الناس إلا من رحم ربي ووفقه في الحصول على الإعانة

ندخل في أهم نقطة وهي نقطة البطالة
وش فرق الأجنبي عن السعودي ؟
مافيه فرق
الأجنبي يجي هنا ويشتغل ويتعب صحيح ماقلنا شي
قالوا الاجنبي منضبط بالعمل ماقلنا شي كلام سليم
بنتطرق للأسباب اللي تخلي الأجنبي ينجبر على الإنظباط
1-( لاورع يصيح ولا قدر يفوح) أغلب الاجانب يجون بدون عوائلهم
2- الاجنبي اتى الى شي معين وهو العمل وهو غريب عن البلاد وياغريب كن اديب
3- الاجنبي اتى من بلاد مالقى فيها خير وجا ياخذ الخير ويروح هناك يعيش باقي حياته
4- الاجنبي رفعت معنوياته نظرة الناس عندنا له انه كامل والكامل الله على عكس السعودي اللي مايعطونه ثقه
والاسباب كثيره لو بذكرها كلها ماراح يكفينا يوم كامل
وعلى عكس السعودي اللي اهله في ديره وهو في ديره وورعان مصاخين وزوجه تعبانه وامه مريضه .... وظروفه تحكم عليه هذا اذا كانوا يقولون ماهو منبط


اسباب حل البطاله سهله واسهل من السهوله اللي نتوقعها
طبعا هالشي مطبق في بعض القطاعات الخاصه وعندنا الحمدلله مطبق
موظفين سعوديين ماهم مرسمين
يشتغل بس ماهو رسمي وبراتب قليل لمدة ثلاث شهور تحت النظر والتدريب اذا اثبت وجوده واصبح صالح للعمل توقع معه عقد ترسيم وتعتمد عليه ويكون موظف عندك اذا ماالله وفقه الله بيحفظ له رزقه في مكان ثاني
طبعا قليل اللي مايتوفقون في هالفرصه
العدد اللي جانا في سنتين تقريبا 90 سعودي 1 بس اللي مالله وفقه والباقين وفقهم الله


هنا مربط الفرس
كم موظف اجنبي ماسك وظيفه حكوميه !
لو جبنا سعودي ودربناه واثتب نفسه وحطيناه بدال الاجنبي راح نرتاح من البطاله وبنفس الوقت نعتمد على ابناء بلدنا والاجنبي ماراح يكون احرص من ابن البلد على بلده


وبكذا راح تكون عدلت بين الناس ووفرت عليهم الكثير واعطيتهم فرصت حلوه لاثبات نفسهم
ووفرنا لهم العيش الكريم واستفدنا من شبابنا اللي العطاله سوت فيهم البلاوي وكثرة الجرايم والاخبار اللي نشوفها اغلبها بسبب البطاله


لكن من يصدر هذه القرارات للاسف الشديد هو لم يعش الواقع الذي يعيشه الناس
ولكن كلهم مسؤولين عن الرعيه في يوم لاظل الا ظله سبحانه
كانت الحلول متاحه وفرطوا فيها
الملك اصدر حافز واتى بعض المسؤولين للعبث فيه بوضع شروط تعجيزيه


يمكن اكون مخطي في كلامي لكن من وجهة نظري المتواضعه ان هذا حل بسيط وله تاثير كبير وراح يكون نافع وبجهد قليل




والله ولي التوفيق
ان اصبت فمن الله وان اخطأت فمن نفسي

ولكم حرية التعليق على كلامي واضافه بعض النقاط

منقووووووووول من بريدى

 

 

يمكن اكون مخطي في كلامي لكن من وجهة نظري المتواضعه ان هذا حل بسيط وله تاثير كبير وراح يكون نافع وبجهد قليل

 

 

لا والله الا كلام صحيح ميه في الميه

والله لو اعطوا شبابنا شوية ثقه ليبدعون

وحتى لو مايبدعون حرام الاجنبي يجي يبني مستقبله عندنا واولادنا قاعدين يندبون حظهم بالبيوت

مفروض زي هذي الاقتراحات ترفع لولاة الامر مباشره ويطلب منهم متابعتها حتى لاتعبث بها الايدي العابثه وتضع الشروط التعجيزيه

شروط حافز مضحكه مبكيه والله

العمر للسيدات من 20 الى 35 وتكون من قبل تبحث عن وظيفه !!!
طيب اللي مافكرت تدور مثلا لانها بشهادة متوسطه او ثانوي وهي شايفه البكالريوس ماتوظفوا ؟!!!!
ترد نسبه من الاعانه اذا توظفت .!!!!!!!!!!!!!!!!!!!!!!!!!!!!!!!!!!!!!!!!!!!!!!!!
يعني دين ؟!!
والله العظيم اني ماسجلت الا بالحاح من احدى قريباتي واني اسجل وفي نفسي اقول (بيطلع شي جديد يغير كل اللي انقال وطلعت شروط تعجيزيه فعلا )

يالله الله الرازق

موضوع رائع وياريت يوصل لولاة الامر

يعطيك العافيه رومنسيه

زهرة السوسن

 

 

لكل مرحلة عيوبها ومزاياها 0 ودعينا ابنتي نعترف 0 أن شبابنا من هواة الكراسي 0 وقبل 50 سنة لم يكن للأجنبي مكان ولا كنا نستعيب 0 خدمنا صبيان في البيوت يعني
( خدامه ) ولم نستعيب وأبي رحمه الله أخرجني من المدرسة من اجل أن يشغلني لان الدراهم كانت اهم 0 وعلمتنا الحياة وتعلمنا ونجحنا وصرنا مضرب المثل وقدوة وقاده 0 وبالصبر يلين الحديد وانتم الشباب 0 ألدوله يهمها أمركم وستحل مشاكلكم والسؤ فينا وفي البطانة 0 نسال الله أن يرزق ولاة أمرنا البطانة ألصالحه التي تدلهم على الخير وتعينهم عليه بارك الله فيك وفي طرحك وتفألي بالخير قريبا تجديه 00

 

 

مانقلته الرومانسيه من بريدها صحيح وهو الواقع وماذكرها ابو صالح صحيح وهوالواقع والحل في نظري ان يكون احلاال متدرج للاجانب بابناء البلد وبنسبه معروفه حتى نحتفي قريبا انشالله بتوديع البطاله والعماله الاجنبيه ماعدا التخصصات النادره والمطلوبه

 

 

طيب إذا معظم أصحاب الشركات في القطاع الخاص والعام
لهم راوبط نسب مع موظفيهم من دول عربية
مثال بسيط للتوضيح لاللحصر
إذا ولد صاحب شركة في قطاع خاص أوعام متزوج من فتاة لبنانية أوسورية أومصرية أومغربية
فحتما ولزماً ولابد من أن يأتي بأصهاره اشقاء المدام
ويوظفهم في فروع شركة الوالد وربما أقارب أقارب المدام وجيران جيرانهم
بشوية حذلقة يتم ترقيتهم إلى مدراء للفروع ومستشارين ماليين ومهندسين
حتى لولم يكون لديهم مؤهلات دراسية لأجل صلة الرحم فقط والزين يحكم ويتحكم
فمابالكم ببقية دول العالم الإسلامي من شرق أسويين وإلى الغرب من الشمال الأفريقي
وابن البلد آآآآآآآآآآوت ماله مكان وقيسو على ذلك وحتى عندنا الواسطة حرمت كثير
من المستحقين بجدارة للوظائف وهذا سبب كبير ومهم أدى إلى عطالة ابناء البلد
وماخفي كان أعظم
كل الشكر للرومانسية