يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

اهداءات ساحات وادي العلي







العودة   ساحات وادي العلي > الساحات العامة > الساحة العامة

الساحة العامة مخصصة للنقاش الهادف والبناء والمواضيع العامه والمنوعة

إضافة رد
 
أدوات الموضوع انواع عرض الموضوع
قديم 11-07-2011, 07:10 PM   رقم المشاركة : 1
معلومات العضو
عضو نشط
 
إحصائية الترشيح

عدد النقاط : 10
من خارج الحدود is on a distinguished road

جمعان والآي سي؟


 

جيت يوم ضحى الا وجمعان ولدي برطمه واصل الحيله خير ياجمعان وشفيك عسى ماشر مارد عليه مبرطم صحت فالكهله وشب الولد مبرطم قالت خله عساه مايقوم امتحنا بالبسيشن حقه ذيه اعمى عيونه واليوم يوم قام في الصبح قال خربان قلت وانت مبرطم يجمعان عشان البلاستيشن حقك قال ايوه مدري من اخربه قلت ابشر فالعصر اوديه عند المصّلح يسويه قال الله يسعدك يابه قالت الكهله اقل لاتسويه خله اعمى السفان ماتشوف عيونهم حمرتها مايهجدون لاليل ولانهار قلت لاوالله كل شي الا جمعان صليت العصر وحميت الونيت ورحت عند المصّلح واحد هندي اعرفه سلام ياصديق قال مرحبا بابا قلت بالله ألمح حق جمعان ذه وشفيه قال طيب بابا قلب الجهاز فوق تحت قال اوه بابا مشكله كبير قلت خير قال آي سي خربان قلت طيب قال انا يصلح ب50ريال قلت طيب كم يبغاله واخذه قال نص ساعه بابا روح وتعال قلت لا ان كان ماهلا نص ساعه باقعد عندك هنيه لين تسويه قال لابابا انت روح وبعد نص ساعه يجي يشيل قلت ماشي خلاف لوساعه باقعد واخذه معي مافيه مشكله صديق قال بابا انت لازم يروح قلت ايش لعب الفار في عبي على قول المثل قلت الهندي يبغى يصرفني قلت لاوالله ماباروح لين اخذه قال انت مشكله كبير بابا وقام يهز راسه ويضحك قلت خير ياصديق وش فيه قال يعني انت مافيه يروح قلت لا مافيه يروح قال بابا احنا اتفاق50ريال صح قلت صح قال انا يسوي جهازانت يعطيني 50ريال قلت ايوه يالله ركب الآي سي هذا اللي قلت عليه قال بابا انت مافيه زعل قلت لا قال آي سي مافيه خراب قلت اجل ليش تقول الآي سي قال شوف بابا كلو مهندس هنه يجي سعودي أي جهاز خربان مسجل تلفون تلفزيون بلاستيشن كلو كلام خراب آي سي بعدين نفر يدفع فلوس كثير ومافيه خراب آي سي قلت وانا منهم قال انت مافيه سعودي قلت الا قال منهم قلت هب يالمجرم اجل اش فيه قال شوف فك الغطاء حق الجهاز وقلبه على ظهره وجاب لحام حق الاسلاك ونقره نقره صغيره في دقيقه قال خلاص شغل قلت ايش قال هذا سلك يقطع انا يسوي لحام خلاص شغل شوف وشغله الا هو شغال قال خلاص بابا جيب خمسين قلت طيب هات الجهاز قال خذبابا هات خمسين اخرجت ذيك العشره ريالات قلت خذ خذو عقلك قال بابا هذا حرام قلت هذا حرام واللي تسوونه فينا ماهو حرام هيا ودك بالعشره والا اروح قال لابابا هات مافيه مشكله انت صديق قلت اجل لوماانا صديق بتضحك عليه قال سعودي كله كذا يدفع فلوس كثير مافيه كلام قلت والله العيب ماهوعليك العيب علينا انحن اللي مانعرف نغير لمبه كوع لاانحرقت جبنا كهربائي قال صديق انت مافيه كلام سعودي نفر ثاني انا بعدين خساره قلت الا والله اني باسدحه بالمنتدى عشان كل واحد قد غير آي سي يعرف انه مضحوك عليه كم واحد قد غير آي سي لجهازه انا قد غيرت قبل هذي المره آي سي للتلفون هاه صح والا غلط؟

منقول من مقالات الكاتب الساخر(السيدغلط) موقع ومنتديات العقشان

 

 

   

رد مع اقتباس
قديم 11-07-2011, 09:52 PM   رقم المشاركة : 2
معلومات العضو
مشرف عام
 
إحصائية الترشيح

عدد النقاط : 20
مشرف عام3 is on a distinguished road


 

صدق السيد غلط

هؤلاء الهنود والبنقاله لعبو في حسبتنا

حتى المكيفات تروح عندهم ماتحتاج غير تعبئة فريون
ويطلعون فيها مئة خراب
ولما نجي نشغلها نلقاها باصم مايخاصم يعني ماتشتغل زي ماكانت
والحق على اللي مافي يده مهارة تصليح أجهزة بيته
يروح في خراطيشها مع العمالة البنقالية والهندية
تقديري يامن خارج الحدود على جمال مانقلته

 

 

   

رد مع اقتباس
قديم 11-07-2011, 10:53 PM   رقم المشاركة : 3

 

هذا واقعنا يا يا ابا صالح .
البنقاله والهنود وامثالهم يتعلمون الحلاقة في روس الايتام ، والمثل يقول المال السائب يعلم السرقة ، ليس مطلوب من كل منا أن يتعلم كل شيء ولكن يتعلم الامور الاساسية التي يمكن أن يقوم بها بنفسه مثل تركيب لمبة او تركيب بزبوز او (ماصورة) او اتمديدات كهربائية بسيطة ، اما الامور الاخرى فاتمنى لو أن هناك رقابة صارمة من قبل الجهات المعنية شريطة أن يكون المستهلك واعي فلا ينضحك عليه وإذا رابه شئ يبلغ تلك الجهة وهي تقوم باللازم .
بارك الله في جهود اخي من خارج الحدود وبارك الله في صاحبك السيد صح .

 

 
























التوقيع



سبحانك اللهم وبحمدك عدد خلقك ورضا نفسك وزنة عرشك ومداد كلماتك .

   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 08:33 PM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir