خيــمة الحمّـاية : شـعـب جعملة يحييكم ويستضيفكم في خيمته التراثية

الحقيقه يالربع إن شعب جعمله الله يطول عمره
ماقصر والخيمه بدل ماتشتكي من غياب مريديها
قامت تحط اللوم على شعب جعمله ولإحساسي
بما في نفسه قلت :

البدع

مرحبا بك عد ماأقريت للخاطر وضيف
خيمتك ياشعبنا خير من رفع المبان
يكفي الزاير تقله هلابك والفنا
لايهمك من نقد منهجك مادمت معلم
والذي مثلك فهم شفنا وآهم منى

........ وسلامتكم

 

 

الله يمسيكم بالخير يالربع

انا شفت الخيمة منورة وجيت اشوف وش العلم
ولو ان الواجب اني ما اصيف عنها لكن شفت كل واحد منكم ركب راسه

الحمد لله دامكم جيتم ابشروا بما يدسم شواربكم

انت يابو سامي ورفيع الشان الله يقويكم ويسعدكم ولا اوصيك يابو سامي
على رفيع الشان تراه رفيع المقام وله مكانته وله من اسمه نصيب ..

ابو ناهل

صح لسانك وعلا شانك
قلت وابدعت الله لا يحرمنا منك
ويعطيك العافية وهلا بك وبمن لفا خيمتنا
ابشروا بالسعد والعلوم السفرة

 

 

اثركم في الخيمة تقصدون وتسولفون ولا عذرة ولا خيط في ابرة وما بقي الا الحميصة .
لا اله الا الله ... الله لا يقاطع فينا

 

 

وينكم ياجماعه
والله إن متشرهين في الخيمه
وشعب جعمله ماقصر لكن الله المستعان
حتى جبل الشعبه مرالخيمه ولا لقي حد

عمومآ قلت بدع قبل أسابيع ولاحس ولاخبر
ولذلك قررت الرد وأبوسامي يدري بالمخلات

البدع

مرحبا بك عد ماأقريت للخاطر وضيف
خيمتك ياشعبنا خير من رفع المبان
يكفي الزاير تقله هلابك والفنا
لايهمك من نقد منهجك مادمت معلم
والذي مثلك فهم شفنا وآهم منى


الرد

ياأبوسامي مابأزود على قولك وآضيف
علم خافي عنك ياشيخ وأما علم بان
والذي ماتعجبه ودنا له بالفنا
أعرف الصادق معك من عيونه وأنتم أعلم
دام نيتنا مع أهل الوفا ماهمنا

........ وسلامتكم .........