هديه للكل والجميع

ياعيني ياعيني
لك ياأبوخالد ولأبوتوفيق هذه الهدية

أرسلت لك ياعزوتي كم مرسول ... وابطى جوابك يا حبيبي عليه

يا حول انا من بدت الناس ياحول ... حظي معك دايم عزومه رديه

يا ليت من هو ياهوى البال مقبول ... عندك بصف اللي لهم قابليه

أرجي لعل الحب ينقاد بسهول ... وعسى الخوي يفطن لشكوى خويّه

أرجي لعل الحب ينقاد بسهول ... ويحطها الله بيننا بالسويه

مسكين من هو من هل الحب مقتول ... يشكي ولكن ما تفيد الشكيه

كم واحد ٍ يمشي مع الناس معلول ... وجروح قلبه فى ضميره خفيه

اللي ذبحني ذبح ما هوب مجهول ... لا شك ما تدرون كيف القضيه

انا أشهد ان الحب يلحق على طول ... سعادة ٍ ولا حياة ٍ شقيه

 

 

ابو ناهل هديتك مقبوووله وخذ هذه مني لك
وللمشاهدين ولمن يهمه الأمر
جزاء كل غادر حاشاكم جميعا
ولكنها راقت لي واحببت ان
اعرف رايكم فيها
هههههههه
قد ما حبيت شيء من قلبي نقص
قد ما حسيت يمكن احساسي خلص
ودايم قمة الاشياء بداية عكسها دايم
قد ما رحت ورجعت ورحت ثاني للغياب
قد مامنك زعلت ما بقى عندي عتاب
ما بقى لي ما بقى ما مهاديني الشقا
حلم ثاني تقتله ماتت احلامي خلاص
شفت وش عالي النجوم فوق هامات السحب
عندها قدرك في يوم وطاح كالنجمة شهب
ما بقى لي عندي شيء انطفى مني كل شيء
يكفي لا تعتب علي لا تعاتبني خلص

 

 

.

*****

استلم الهديه اللي قالها الأمير الشاعر خالد الفيصل
وغناها محمد عبده على مقام: بياتي

ليتك معي ساهرٍ ليل الهـوى كلَّـه = ما انوم أنا وإنت لأجل الحبِ سهراني
ترى السَّهر مع حبيبك يبري العلَّـه = لي صرت شفقٍ وهو عليك شفقـانِ
كلِّش طراته إلى وافق علـى حلَّـه = وإلا ترى كل شيٍ يالغضـي فـانِ
لاعاش خلٍ تنكَّر عن هـوا خلَّـه = يومٍ حبيبٍ ويـوم صـار قومانـي
وش فيك دايم تعسر القلب وتتلَّـه = أخاف يـومٍ يجـي ماعـاد تلقانـي

*****