يا خوفكم من الله

خذتني العبرة يا ابو توفيق يوم شفت صورة حبيش .
وهذا شي ما ينسكت عنه وانا ما ودي بالفتنة حتى لا احد يقل اني اواشيها انا ما ادور الا ستركم لكن اخوك بغيت اقل الفاغر فينهو وليش ما تنقز إلى عنده وتسحبه باذنه وتنشده ليش يعطي علي بن حسن صندوق اللباب والزبيب والقسبة والورقان ولو جينا نصلح بينكم وش تخرج لنا ؟؟؟ وان كان قسبتك كما الحصى وانا ما معي الا تركيبة اذا عضيت القسبة من قدام ناضت التركيبة من ورى واذا عضيتها من ورى ناضت من قدام لكن باكل زبيب هذا ان كان سلمت اغراضك من علي بن حسن وتلقاه ذلحين قد فرمها وانا اشوف لحيه الايام هذي كما القراعة واثره يفرم قسبتك وزبيبك اعقب اعقب واذا عذرت عليه في الفطرة قال لا والله ما لي نفس اثره بارك على كنز .
لا تسكت على حقك وانا ما ودي بالفتنة بينكم لكن شي ما ينسكت عنه ، وانتبه لتبيعتك المعلقة لا يشوفها علي ابو علامة والا عبد الله رمزي تراهم اذا شافوا الهيشة السمينة يحدون شفارهم وتراهم بيتحارفون عليها ، عبد الله بن رمزي شاف تبيعة معي قال خلني اغبطها وبغى يقتطع ذنبها في ايده مما في قلبه عليها نسال الله الحماية وعلي ابو علامة بعد اشد واشد هي انتبه لحلالك ودخيلك لا حد يدري اني قلت لك الكلام هذا ولو اني ما اعزك ما قلت لك شي .