~ يسولف لي عن الضيقه ~

مساء الخير

قصيده راقت لي واحببت نقلها لكم ارجوا ان تنال اعجابكم



.




يسولف لي عن الضيقه وانا كلي ألم وأحزان
وأنا من وين ماناظر بعيني شفـت ضيقاتـي

,
يسولف لي عن الضيقه وأنا عنوان للحرمان
دخيلك لا دخيل الجـرح لا تكشـف معاناتـي

,
دخيلك لا تشجعني أسولف وأكـسـر الكتمـان
تعبت من السكوت اللي تعود يسكـن بذاتـي

,
عليم الله مافيني شبر يضحك فرح وأشجـان
وأنا لو جيت ابضحك لك أجيك أضحك بدمعاتي

,
حياتي شعرن وشاعر وجمهوري بقايا انسان
ونقـادي زمـن قاسـي ولا يفهـم كتاباتـي

,
أناظر للبشر حولي أحد يضحك أحـد طربـان
وأنا صعبن علي أضحك أسايرهم بضحكاتـي

,
عجزت أكذب على نفسي بفرحه ما بها ألوان
وحزني ما عجزعنـي بـدا يرسـم نهاياتـي

,
طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي

,
أنا قصه تبعثرت وتطايـرت بزمـن خـوان
تعلمت أخسر البسمه وأداري عضـة شفاتـي

,
أبكتب لك وبالخط العريض وريشـه الفنـان
أنا الخسران توقيعي وانا الخسران بصماتـي

,
أكمل لك عن الضيقه اكمل لك عن الأحـزان
تأكد لو بكمل لك تصيـح وتطلـب سكاتـي


ودمتم بخير

 

 

طريقي صعب وجروحي كثير وداخلي ضميان
أبي لو يـوم واحـد أحـاول أجمـع شتاتـي

أختي قروية
قصيدة معبرة وتلامس بعض
مابدواخلنا ...
إختيار رائع ونقل مبهر
لاعدمنا مثل هذا الرقي ..

 

 

اسعدني ردك الاول اخ ابو ناهل
تواجدك شرف لمتصفحي

الف شكر لك

 

 

,
،

دخيلك لا تشجعني أسولف وأكـسـر الكتمـان

تعبت من السكوت اللي تعود يسكـن بذاتـي

،
،


oOo قروية oOo


إختيارك عزيزتي يدل على ذوق وبصمه راقيه

كلمات تلامس وجداننا وتحمل الكثير بين مفرداتها

شكرا لك على سمو الإختيار

دمتِ بــ نقاء وبهاء في الإختيار

 

 

اسعدني مرورك اخت شموخ
شاكره لك يالغاليه ع الرد الراقي
دمتي بود