السمنت وينهو؟

**التوقيت** · 03-03-2012, 11:29 PM

السمنت وينهو؟

امتحنتني الكهله الله لايمتحنا ،
تقل: تبغاني أسوي لها غرفه فالحوش للمله
قلت: هم ان معك صندقه يامخلوقه وش تبغين بالغرفه؟!
قالت: الصندقه لاجا مطر ذلت تخر ماء!
قلت: ابشري يام جمعان -- جبنا البلك ، والبطحاء ، وبقي السمنت !!
رحت ادور سمنت ، لفيت الديره كلها مالقيت !!
ولقيت واحد صاحب محل اعرفه
قلت: السمنت وينهو مالقيت عسى ماشر لايكون انفجر مصنع والا شي؟!!
قال" انت وين نايم؟!
من يوم جت الراتبين السمنت ماعاد شفناه
قلت: طيب وش دخل الراتبين؟!
قال: الناس معها فلوس ويبغون يخرجونها التجار غصب!!
قلت: طيب دبر لي 10 قطم تكفى قلعنا الصندقه ونبغى نسوي خبزه 0
قال: أجل ماشي خبزه لكن! أسمع شي واحد معه ترلة سمنت شفته واقف عند طريق المطار ، اغد المح ان كان باقي عنده!!
رحت وريت الترله مليانه ، وفرحت كني كلت خبزه ، وصلت --
سلام ياصديق ، مارد تقل جاي اشحذه والناس عنده تقل يوزّع صدقه !
قلت بلاش ترد السمنت كم؟!
قال 25ريال00
قلت: هبّ وانه ب14ريال ، وش نقزه كذه؟!
قال: روح اشتري ب14ريال!!
قلت : لاباروح اشتكيك عالتجاره !!
قال: روح
قال: واحد مايمديك تروح وترجع لين قد باع السمنت ، انصحك خذلك سمنت وطس
قلت : لا باروح اشتكي
رحت التجاره سلام يالربع
قالوا: هلا
قلت: شي واحد يبيع سمنت ومزوّد السعر، والملك يقل اللي يزود السعر علمّوعليه
وانا جيت اعلّم
قالو: وينه؟!
قلت : في طريق المطار !!
قالوا : السمنت وشهو؟!
قلت : سمنت قُطُم
قالوا: أي مصنع ؟!
قلت: المدينه المنوره !
قالوا: اها وبكم يقل؟!
قلت بــ 25ريال !
قالوا : مالنا شغل انحن مسؤلين عن سمنت الجنوب بس
قلت : كيف هم انّا مابعد تقسّمنا ، المدينه ماهي منّا ؟!
قالوا: منّا لكن مالنا شغل في اسمنتهم
قلت: والحل ؟!!
قالوا : الحق خذ لايبيح
قلت: وهيئة مكافحة الفساد وذيك الهروج ؟!
قالوا : نقل الحق السمنت
رحت اسعى وصلت إلاّ التريله لاخبّاط ، ولامذرّي ، قد نسفوها النشامى من 25ريال
قلت عزالله ماشي خبزه ، ولاشي غرفه ، ولاشي فايده في الفساد ، لويحطون عند كل مدخل قريه هيئه
انا صح والا غلط؟!!

(من المقالات القديمه للكاتب الساخر السيد غلط
موقع ومنتديات العقشان المقال ايام ازمة السمنت الاولى)

**التوقيت** · 03-04-2012, 05:19 AM

كان خليت شور كهلة الرحمن ياسيد صح وهبيت فوق الصندقة شراع بخمسطعشر ريال أرخص من كيس سمنت بخمسه وعشرين وبيسد اللازم ولو نفرت به الرياح خذ بدل الواحد عشره إلى نفرت بواحد هب الثاني مكانه ...وبعدين ياسد غلط هاذي المرة أنت غلط ما أنت صح ... فرع وزارة التجارة تطبق الأنظمة المخترعة من المؤظف المختص شخصياً .. مثلاً الباحة تعتبر من الجنوب وهي تراقب سمنت الجنوب وإش جاب سمنت المدينة للجنوب هذه جريمة تعدٍ على التخصص كان لا زم يتلغ الشرطة وتقول إن هذا الرفيق جاء يبيع الموية في حارة السقايين ..تعلم الأنظمة والأصول وبعدين روح أشتك للمختصين ...هاه ؟ تأكدت أنك غلط ؟

**التوقيت** · 03-04-2012, 10:16 AM

وش حدّنا نعلم ونصيح ولكن ابا حد يسمع

الربع اللي اشتكيت عليهم قالوا الحق السمنت لايبيح وابيت تسمع كلمهم

وقالوا وهذا المهم إن مالهم شغل في اسمنت المدينة

كان دقيت سلف وفريرا إلى المدينة وعلمت عليه عندهم ومنها تصلي ركعتين في مسجد الحبيب المصطفى عليه الصلاة والسلام

وتدعي على اللي زود السعر واللي تسبب في الغلاء ولاتنسى تدعي على ساهر لأنك لن تسلم منه

وتسير التكاليف ... قسيمة ساهر 300 ريال .. مصروف السيارة والغداء والعشاء . 100 ريال سكن في شقة بجوار الحرم ب 600 ريال الليلة درجه عاشرة

ماكان خذت عشر قطم ورحت بيتكم عند الكهلة .... والزياه كلها ما تصل 100 ريال ...

يعني بتسوي مخلص وتراقب وتعلم على الحرامية .... ماهي البلد مليانه تعلم على مين والا مين

ياسيد غلط بلاشي غلط

**التوقيت** · 03-04-2012, 11:10 AM

ماعاد معك غير تعبة صدر وأسعار عله
وإن طاعك الزمان وإلا طعه وعلى قول اباسامي
تعلم على من وتترك من البلد كلها حراميه
كان الله في العون 0

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات ساحات وادي العلي