السمنت وينهو؟
 

السمنت وينهو؟

امتحنتني الكهله الله لايمتحنا ،
تقل: تبغاني أسوي لها غرفه فالحوش للمله
قلت: هم ان معك صندقه يامخلوقه وش تبغين بالغرفه؟!
قالت: الصندقه لاجا مطر ذلت تخر ماء!
قلت: ابشري يام جمعان -- جبنا البلك ، والبطحاء ، وبقي السمنت !!
رحت ادور سمنت ، لفيت الديره كلها مالقيت !!
ولقيت واحد صاحب محل اعرفه
قلت: السمنت وينهو مالقيت عسى ماشر لايكون انفجر مصنع والا شي؟!!
قال" انت وين نايم؟!
من يوم جت الراتبين السمنت ماعاد شفناه
قلت: طيب وش دخل الراتبين؟!
قال: الناس معها فلوس ويبغون يخرجونها التجار غصب!!
قلت: طيب دبر لي 10 قطم تكفى قلعنا الصندقه ونبغى نسوي خبزه 0
قال: أجل ماشي خبزه لكن! أسمع شي واحد معه ترلة سمنت شفته واقف عند طريق المطار ، اغد المح ان كان باقي عنده!!
رحت وريت الترله مليانه ، وفرحت كني كلت خبزه ، وصلت --
سلام ياصديق ، مارد تقل جاي اشحذه والناس عنده تقل يوزّع صدقه !
قلت بلاش ترد السمنت كم؟!
قال 25ريال00
قلت: هبّ وانه ب14ريال ، وش نقزه كذه؟!
قال: روح اشتري ب14ريال!!
قلت : لاباروح اشتكيك عالتجاره !!
قال: روح :icon6:
قال: واحد مايمديك تروح وترجع لين قد باع السمنت ، انصحك خذلك سمنت وطس :p06:
قلت : لا باروح اشتكي:doofywave:
رحت التجاره سلام يالربع :canadian:
قالوا: هلا
قلت: شي واحد يبيع سمنت ومزوّد السعر، والملك يقل اللي يزود السعر علمّوعليه :mf_fartnew2:
وانا جيت اعلّم
قالو: وينه؟!
قلت : في طريق المطار !!
قالوا : السمنت وشهو؟!
قلت : سمنت قُطُم
قالوا: أي مصنع ؟!:mf_fartnew2:
قلت: المدينه المنوره !
قالوا: اها وبكم يقل؟!
قلت بــ 25ريال !
قالوا : مالنا شغل انحن مسؤلين عن سمنت الجنوب بس :mf_fartnew2:
قلت : كيف هم انّا مابعد تقسّمنا ، المدينه ماهي منّا ؟!
قالوا: منّا لكن مالنا شغل في اسمنتهم :doofywave:
قلت: والحل ؟!!
قالوا : الحق خذ لايبيح :p06:
قلت: وهيئة مكافحة الفساد وذيك الهروج ؟!
قالوا : نقل الحق السمنت :p06:
رحت اسعى وصلت إلاّ التريله لاخبّاط ، ولامذرّي ، قد نسفوها النشامى من 25ريال:icon6:
قلت عزالله ماشي خبزه ، ولاشي غرفه ، ولاشي فايده في الفساد ، لويحطون عند كل مدخل قريه هيئه:kill-sword-dueling:
انا صح والا غلط؟!!:doofywave:

(من المقالات القديمه للكاتب الساخر السيد غلط
موقع ومنتديات العقشان المقال ايام ازمة السمنت الاولى)