لا تشتكي

لا تشتكي من جور الايام للناس
و أدفن همومك في ثرى الصمت كله

اسرار عمرك خلها تحت الانفاس
لا صار هرَّاج القفا فاطنن له

هذاك يفرح لا لمس جرح الاحساس
و هذا مناه لا لقى فيك علَّه

جو الربيع بعجة الصيف ينحاس
لاجت هروج(ن) ما تجي في محله

داعب هموم الليل لا هب نسناس
وعطها الخبر من قلب خل(ن) لخلَّه

قلَّه حبيبك ما وطى قلبه الياس
حتى عذابك بالهوا جايز(ن) له

تعيش بالوجدان ما عاش هالراس
لولاك قلي وش انا عايش(ن) له

إن زانت الايام يا شوق لاباس
ولاّ صبرنا لين ربك يحلَّه


الشاعر / عبدالعزيز السناني