هبو لي غرفه خاصه؟

مرض قريب لي وتنومت معه بالمستشفى مرافق الله لايوريكم غرفه صغيره فيها 5سرير كنا ساردين في تالغرفه جالس الا وصرصار مروح من جنبي وين يابو الشباب انت بمستشفى قال باتمشى في الاقسام جابوا لنا الاكل رز ماقد شفت زيه الله وكيلك الحمدلله عالنعمه اول مره اشوف رز حباته قاسيه تقل تاكل فصفص معه وصلة لحمه الحمد لله عالنعمه اول مره اشوف لحمه خضراء تقول مطبوخه مع ثفى جاء وقت النوم وين ترقد ماشي مكان قلت ياولد لاترقد قم تمش في القسم خلنا نشوف العالم مريت على غرف كلها متروسه عالم تقل الناس كلهم مرضان شفت غرف باخر السيب قبل ماتدخلها فيه باب قزاز قلت اكيد هذي استراحه يالله نروح نسولف مع المرافقين يوم دفيت الباب ودخلت الا كني ماني بالمستشفى كني بفندق خمسه نجوم دفيت باب غرفه ياقوة الله وش تالغرفه ديكورات وستاير وتلفزيون ودش وسرير واحد تخيل سرير واحد لمريض واحد وانحن محشيين بذيك الغرفه كنا غنم لقيت واحد ممرض قلت وش تالغرف ياولد قال خاصه قلت خاصه بالمستشفى قال ايه خاصه قلت لمن قال كلمه ماعرفتها في أي بي مدري قلت يعني ايش تالكلمه اللي كنها درس قواعد قال كبار الشخصيات قلت منهم كبار الشخصيات قال المسؤلين قلت وانحن مالنا نصيب قال يابوي ولي قلت طيب حاجزين كل هذي الغرف وحاشريننا 5في غرفه ليش قال برستيج يعني ايش برستيج ماادري قلت طيب كبار الشخصيات ذولا ماعندهم فلوس قال الا قلت طيب ليه مايحجزون لهم بمستشفيات خاصه ويخلون الغرف هذي للمساكين مثلنا الدوله ماحطت المستشفيات لنا كلنا والا هم ولدوا في 10شهور قال وش تقول لازم كيف تعرف انت ووجهك كبار الشخصيات اذا ماسوو لهم غرف ترفع ضغطك قلت طيب ابغى اشتكي عشان يحطوني بوحده نحاها فاضيه قال اقول رح ارقد انت ووجهك كان غيرك اشطرقلت وين ارقد ماشي مكان بالغرفه قال طيب رح القهوه اللي جنب المستشفى وانخمد فيها وحل عنا قلت طيب كيف اصير كبار شخصيات قال لاحجة البقر على قرونها روح ياسيد غلط لاازهم لك الامن حق المستشفى قلت يابه وش سويت انا خلاص باروح انخمد ومالقيت مكان انخمد فيه تبغى غرفه خاصه ياسيد غلط معصي

منقول من مقالات الكاتب الساخر( السيدغلط) موقع ومنتديات العقشان

 

 

طبعاً معصي هم عيال ناس وحنّا نعتبر في عرفهم حثالة الناس
إلّا القبور مهما زينوها ماتميز بين هاي وهيّن
من خارج الحدود تسلم على جمال مايكتبه
السيد غلط بل السيد صح في الزمن الغلط
تقديري

 

 

أبشر ياسيد غلط جاك الفرج تسمع فيما قاله الربيعة وزير الصحة
بياهب لكل مريض غرفه لحاله والمرافق سرير خاص به
ابسط ياعم بتصير من كبار الشخصيات
إف بي آي