صيته بنت عبدالعزيز

مرثية خالد التويجري في سمو الأميرة صيته بنت عبدالعزيز بن عبدالرحمن آل سعود

راح العمر بأيام (صيته) وأنا أشوف *** عز الله انها يابو متعب فقيده

قال: القوي الله و الإنسان مصدوف *** العمر يفنا والليالي مديده

الأرض بيت الله وحنا بها ضيوف *** أسأل الله قديم الوقت وانشد جديدة

قلت: الحياة أيام و أقدار وظروف *** وجروح أهلها يابو متعب أكيده

الدايم الله... كل ما راح مخلوف *** إلا فراق اللي عيونك تريده

قلت: العزا يا أمان ربي من الخوف *** سلوى الحزين وشمس عمره وعيده

عبدالله المحبوب ياعز موصوف *** يا سيدي.. يابو الصفات الفريدة

وقفت لك قلوب.. يعزونك صفوف *** الحب سيد.. والمشاعر عبيده

لا تنشدون الدمع وش فيه مردوف *** (صيته) توارت عن عيونه بعيده

صلوا عليها العصر في المسجد وقوف *** وهلوا عليها.. ما طهر من صعيده

بنت الزعيم اللي روى الأرض بسيوف *** أخت الكريم.. اللي سنينه مجيده

راحت وراح القلب والروح و الشوف *** وهي تحسب انها يوم راحت.. وحيده!

باق لها.. فضل علينا ومعروف *** يالله عساها في جنانك سعيدة

داعيك داعي خير.. وارفع لك كفوف *** وأسألك يا خالق.. سمائه وبيده

تعز ابو متعب.. وتحسن عزا (نوف) *** وتجبر عزائنا.. كلنا في الفقيدة

خالد بن عبدالعزيز التويجري

 

 

نسأل الله حسن الختام
الله يرحمها ويغفر لها

 

 

الله يرحمها ويغفر لها ويبدلها داراً خيراً من دارها
مرثية جميله
يعطيك العافيه اخي احمد العباير
تقبل مروري

 

 

المشاركة الأصلية كتبت بواسطة عبدالله هلال

نسأل الله حسن الختام
الله يرحمها ويغفر لها

تحية طيبة لأخي عبدالله هلال
تعلبقك و مرورك العطر شرف لي
لا عدمت هالطلة

 

 

المشاركة الأصلية كتبت بواسطة عذبة الساحات

الله يرحمها ويغفر لها ويبدلها داراً خيراً من دارها

مرثية جميله
يعطيك العافيه اخي احمد العباير

تقبل مروري

الأخت عذبة الساحات
يعطيك العافية على المرور
دمت في رعاية الله