ابياات اعجبتني

العمـر يفنى والحياه أحـلام والدنيا متـاع
يا كـمّ نفـسٍ روّحـت مـا حقّقـت مطلوبهـا





يا منخدع في ضحكة الدنيا ترى الضحكة خـداع
لا تأمن الدنيا ولو تضحـك لـك مْـع جنوبهـا





إن ما تغانمت المراجل قبـل ساعـات الـوداع
بَعَد وفاتك ماهي بصوبـك ولا انـت بصوبهـا





والمرجلة ماهيب سلعـة تنشـرى والاّ تبـاع
كم ناسٍ يقومون ويطيحون مـا فرحـوا بهـا





اللي مولّع بالضياع يـروح لـدروب الضيـاع
واللـي مولّـع بالمراجـل مـا يغـرّ دروبهـا





الطّيب بيِّن ومتعيِّن مـا علـى وجهـه قنـاع
لكن بعض النـاس عميـا والجَهَـل عذروبهـا





والغيب ما يُعلم لكـنّ العقـل سِيـد الإختـراع
ليا اشتغل عقلك عرفت الناس وش ف"قلوبهـا"





وإن كان ما انته مستفيد من الدّماغ الاّ الصّداع
ما غير حـظ الصّيدليّـة مـا تبـور حبوبهـا





لا صرت ما تتعب على ( والنِّعم ) قدر المستطاع
صدّت ولفّت لك ظهَرهـا واعْطَتِـك عرقوبهـا





وليا تملّكْت الكـرم والحكمـة و طـول الـذراع
لا تشغلك نفسـك تـراك اعطيتهـا ماجوبهـا





والواحد اللي لا كريـم ولا حكيـم ولا شجـاع
مفروض يعطي ثوبه الحرمه ويلبس ثوبها

 

 

والواحد اللي لا كريـم ولا حكيـم ولا شجـاع
مفروض يعطي ثوبه الحرمه ويلبس ثوبها

سلمت يمينك ولا هانت شمالك
وما يعجبك يعجبنا يابو احمد
وحياك الله تغيب وتجيب المفيد

دمت بخير

 

 

الطّيب بيِّن ومتعيِّن مـا علـى وجهـه قنـاع
لكن بعض النـاس عميـا والجَهَـل عذروبهـا

هلا وغلا بابي احمد تغيب وتغيب وتاتي بالمفيد
سلمت وسلم بنانك ماراق لك راق لي تقبل مروري
يالغالي ودمت بصحة وسلااااامه لاعدمناك 0

 

 

ابو أديب 0000 ابو خالد

شرفني مروركم0000 واسعدتني ردودكم


وان غبت مردي لكم

 

 

ابن جزاء

سلم فكرك الذي اختار واحدة من أجمل قصائد الشاعر:
وصل بن مشهور العطياني المقاطي (مؤسس شبابي نت ).


واسمح لي بإضافة قصيدة ثانية لنفس الشاعر:

قصيدة في ذمتي ما عاد باقي رياجيل

هذي طبوعي كل ما عسعس الليل.................................................. .......
.................................................. .......أصلّـح الدلـة وأجـر اللحونـي

بريـةٍ موزونـة البـنّ والهـيـل.................................................. .......
.................................................. .......والماء بوزن وحيّ هاك الوزونـي

منهـا تكيّفنـي ثلاثـة فناجـيـل.................................................. .......
.................................................. .......وأرتاح ويطير النعس من عيونـي

وأراجع الذكرى وأجـرّ المواويـل.................................................. .......
.................................................. .......والذكريـات بكـلّ شكـلٍ ولونـي

البعض منها يشرح الصدر بالحيل.................................................. .......
.................................................. .......والبعض لا والله يجـدد طعونـي

وأرجع وأفكّر في الليال المقابيـل.................................................. .......
.................................................. .......لعل وقتـي مـا يخيّـب ظنونـي

وأدخل على الله من حياة الغرابيـل.................................................. .......
.................................................. .......حيث إن همّي ما تشيلـه متونـي

كنّك مفصّل فوقي الهـمّ تفصيـل.................................................. .......
.................................................. .......لين إلتبسني مثل لبـس الجنونـي

حالي كما حال القلوب المشاغيـل.................................................. .......
.................................................. .......اللي من أطرف شـيء يتأثّرونـي

لو يشتكون الغبن والجور والميـل.................................................. .......
.................................................. ........للغيظ وسط صدورهـم يكتمونـي

فكّرت الا الموضوع يحتاج تحليـل.................................................. .......
.................................................. .......وفنّ الدراسة واحـدٍ مـن فنونـي

عرفت وش عكّر مزاج المشاكيـل.................................................. .......
.................................................. ........يوم إنهم مـن وقتهـم يشتكونـي

أول سبب: نقالـة القـال والقيـل.................................................. .......
.................................................. .......الطغمة اللـي جعلهـم يذهبونـي

قلوبهـم بالحقـد سـودٍ مغاليـل.................................................. .......
.................................................. .......ومن طبعهم بالمشكلة يفرحونـي

وثاني سبب: ناسٍ على مثل ما قيل.................................................. .......
.................................................. .......لا يقطعـون الشّـر ولا ينفعونـي

والله ما يرفع ضغطك إلا المهابيـل.................................................. .......
.................................................. .......العالم اللي في النحـر ينشبونـي

وثالث سبب: ناسٍ سوات المخاييل.................................................. .......
.................................................. .......على سلوم الطّيب ما يحرصونـي

خلّو سلوم أجدادهم رغو مع سيـل.................................................. .......
.................................................. .......وفي عالم التقليد جو يركضونـي

طشّوا عمايمهم ولبسـوا بناطيـل.................................................. .......
.................................................. .......والموس فال أشنابهـم والدقونـي

وأرقابهم ما سلمت من السلاسيـل.................................................. .......
.................................................. .......تطبّعوا بطبـوع هيـم البطونـي

في ذمتي ماعـاد باقـي رياجيـل.................................................. .......
.................................................. ........إلا القليـل وجعلهـم يثبتـونـي

صفّة بعد صفّة وجيلٍ بعـد جيـل.................................................. .......
.................................................. ........كلٍ من اللي قبله أنقص وأدونـي

هذي هي الأسباب من دون تفصيل.................................................. .......
.................................................. .......شرحت روس أقلام بس أعذرونـي

واللي يبي تفصيل بالحيل بالحيـل.................................................. .......
.................................................. .......يقـدر يكلمنـي علـى تيلفونـي

 

 

بن جزاء

حياك الله وحيا علومك


والواحد اللي لا كريـم ولا حكيـم ولا شجـاع
مفروض يعطي ثوبه الحرمه ويلبس ثوبها


تصدق حتى ثوب الحرمة خساره فيه

 

 

اخي سعيد 00000 شاكر لك مرورك العطر 000

ابو سامي شرفني مرورك