وحنا هل الهيلا والحقّـان محميّـه

للشاعر منصور بن ماجد آل شويل


يامعمـر البارحـه والهـم طاريّـه=ماغير أموّل على ليحـي ياليحانـي
اما تجينا بصـدق وطيـب ووديـه=وتضحك ومتنومس ومرتاح طرباني
والا تباشر بزحف جيـوش قمعيّـه=تدهم بلاد العرب من قاصي ودانـي
ماهي وقائع بـلا حجـه وماريّـه=لكن حقيقه وقـدم العيـن برهانـي
لوتنشد الترك عنـا بساعـة الهيّـه=تخبّـرك عـن فعايلنـا بعـدوانـي
حنى نقود المعارك روحـه وجيّـه=شرابـة الـدم فالميـدان شجعانـي
ركابة الخيل مـن شقـرا ولْعبيـه=طرادة الترك ربعي طوال الايمانـي
اللي عادانا لحقـه العـار والعيّـه=رمي المقمع وضرب السيف شاماني
واللي لفانـا محبـه حيّـه وحيّـه=مايسمع الا ارحبوا يافلان وفلانـي
حنا اهل الجـود خيالـه ورجليّـه=نكرّم الجـار والضيفـان والعانـي
وحنا هل الهيلا والحقّـان محميّـه=علوم متوارثه مـن عهـد جدانـي
ولو غاب عنّا لقب ما حْـن بشويّـه=يشهد لنا آل السعود الحي والفانـي
معربيـن الجـدود ولابنـا سـيّـه=الجد غامد وجـد الجـد قحطانـي
صفوفنا موحـده ميـه علـى ميّـه=اذا دعى الاولي نهض لـه الثانـي
الله خلقنا كبـار .. عزومنـا قْويّـه=وفينا الولد لاتعزوى يهد ضلعانـي

 

 

ابو تركي

قصيدة رائعة وإلقاء أروع

لولا وجود الموسيقى



تحياتي
...........