على الجرح

الناس في بسمتي بالحيل منخدعـة.. ياكـم وراهـا طفـيت النار بانفاسـي..

بعض المواجع لها ماتنفع الفزعة.. كلما جرعـت الحـزن رد امتلا كاسـي..
عودت نفسي اسـاير هزة الفجعـة.. وان دست جمر الزمن ماينحني راسي..

 

 

مشرف 3
بن جزاء

لكم الخير والبقاء
تحياتي بود

 

 

وفاء الاصدقاء نادر جداً .,
حتى لو بالسؤال عنهم
لكن هذا الشاعر أبدع في نظم هذه الابيات لصديقه عطيه [ أبو علي ]
هنيئاً لهم بتلك الصداقه وذلك العتاب الشفاف والمناجاه ..
قصيده صوتيه راقت لي
فكتبتها لكم لتشاركوني جمال القصيد


ياهجوسي على مافي ضميري تغني وابدعي
ابدعي لي كلامٍ لايقٍ بالمقام اللي قصدته
واسعفيني ترا قلبي من اللي سمعته منعمي
ماعاد اجمع افكاري ولا أدري وش افتل به وش انقض
والمعاني تضيع وكلما قلت بيت ينّسي
شد عني خويي وانتحى ديرةٍ وانا بديره
كنها في عيوني والمطايا تشد رحايله
بعد مرت ثلاث سنين ماكنها الا فرد ليله
اتذكر مجالسنا وموقف صحيب لصاحبه
صاحبٍ لانصيته بالمهمات ماقام يتعذر
اعتزي به يجاوبني وكني على الحيدر تكي
لو بعدّ الفضايل كلها ماتكفيها قصيده
وانت معروف بين الناس من غير عدّ ولاانشده
ياعطيه وصل نقلك عسى بالامر خيرا وخيره
والله اني على فرقاك يابو علي ماني راضي
واحسب ماغير انا واثر الرياجيل مثلي بالغباين
كل واحد تجاوبني عيونه عن اللي داخله
الله يوجهك خير ويخلفك خير وتعيش بسعاده
والوصل بيننا موصول مادمت انا حي وانت حي
والعذر يازميلي كان من يمّنا صادفت زله
وانت مسموح في بادي علومي وخافي غيبها

 

 

 

 

يا حبيبي اسمك امل قلبي من طاول عناه ..
يا امل كل الرجا في وصالك والامل ..
هو يصير او ما يصير اجتماعٍ في الحياة ..
حبنا بين المحبين يضرب به مثل ..
رغبتي بمشاهدك يا هوى القلب ومناه ..
محتمل يحرق ضميري غرامك محتمل ..
خف من الله وارحم اللي حصل له ما كفاه ..
ما كمل شرط الغلا والمحبة ما كمل ..
صاحبي مضنون عيني ذبحني في غلاه ..
لو بغيت اصبر واجامل تبين بي خلل ..
صاب قلبي في سهوم الغرام اللي رماه ..
هو ربيع القلب لو ضرني عقب المحل ..
كن خده في الدجى بارقٍ يضوي سناه ..
او قمر خمسة عشر ما بوصفي له زلل ..
منزله باقصى الحشا ما يطوله من بغاه ..
لين حله واستحله ثم سوا به محل ..
الرجا بالله قوي ما يخيب من رجاه ..
ما تضيع الكلمة اللي عليها معتمل ..
والخطا راعيه لازم يجازى في خطاه ..
الجزاء بين المحبين من جنس العمل ..

 

 

.

*****


ودعتك الله يامسافر


اودعتك الله يا مسافر وناوي الفراق .. ما قدر الله يكون

البارحه يا حبيبي هاجت علي الشجون .. قلبي انجرح وانكوى

اوصيك يا صاحبي اترك هواك والمزوح .. والعشق ماهو سوى

من نويتواالسفر قلبي تقطع وذاب .. يا خلي ماهو صواب


*****

 

 

تحية وتقدير للأخوين
بن جزاء المطرفي و أبو ناهل

أبو توفيق
مرورك أسعدني
ومشاركة جميله بجمال روحك

ولكن ....!!
وش اغداك عليها ؟؟؟

 

 

اشتقت لاريكتي ولمن شاركني بوقفه أو مشاركة .. شاكرا للجميع مع خالص تحياتي .
وجئتكم بهذه المشاركة - من منقولي وليست من قولي - ولكنها جت على مافي الخاطر :


ياهم ليتك يوم قفيت ماجيت ** ليتك على وجهك مقفي ليالي

رجعت يوم اقفيت وشفيك ما بطيت ** في غيبتك مرتاح بالحيل سالي

عزالله انك جيت يومك ترديت ** خليتني اشكي على الناس حالي

ياما من اسبابك عن الناس قفيت ** عزلت نفسي عن عمام وخوالي

وياما بكيت الليل كله وبكْيت ** من هو جنوب البيت ولا شمالي

وياما من الضيقات للجيب شقيت ** وامشي وانا كني من العقل خالي

وياما من الضيقه عن البيت صديت ** وازبن على المشراف واجلس الحالي

واقول في نفسي انا ويش سويت ** وشفي زماني يا عرب ما صفالي

مامر يوماً في حياتي تهنيت ** طعم الفرح سعره على القلب غالي

وياما وياما في حياتي تمنيت ** يرجع لي اللي في حياتي مظالي

قَـلبي » يعزيني وانا اليوم عزيت ** فكراً عجز يلقى جواب السؤالي

 

 

أباأديب / سفراً سعيداً
وعوداً حميداً ..
تذكرت كلمات لإبراهيم خفاجي
غنّاها محمد عبده يقول مطلعها :

الله يمسَّيك بالخير قلَّي .. وش علومك
مِن مدَّه ماجاني خبر ..
إيش سوَّا معاك السفر ..

 

 

اضحـك وفـلّ حجاجـك اشفيـك محـزون
.........دنـيـاك ماتـسـوى وخـذهــا نصـيـحـه..




مــادام مـالـك مـيـت ولا انــت مـديــون
.........ارم الهـمـوم وخــل نـفـسـك مـريـحـه..




لـو كانـوا اصحابـك يضـاهـون ملـيـون
.........نــق الكـفـو منـهـم وخــل السطيـحـه..




ولا تشتـكـي للـنـاس لوكـنـت مطـعـون
.........والـذم مـن بـعـض الخـلايـق مديـحـه..




ولا تنـحـنـي للهم وتـعـيــش مـغـبــون
.........تـرا المريـح اهـل العقـول الصحيـحـه..




لاصـرت صـادق قالـوا النـاس مجنـون
.........مايـمـدحـون الا الـنـفـوس القـبـيـحـه..




وخلـك صـمـود بـوجـه الايــام دنــدون
.........ومـــا حـــرم الله اثـــم لا تستـبـيـحـه..




والكـبـر لــو بــه فـايـده فــاد فـرعــون
.........ومــن ذاع ســرّه بـشّـره بالفضـيـحـه..




والله لــو يعـطـون لـــك مـــال قـــارون
.........ماشـفـت نفـسـك بالغـنـى مستريـحـه..




انفـض همـوم القلـب وابليـس ملـعـون
.........وان ضاق صدرك ارض ربي فسيحه ..