( يا دنيتي شكراً ) قصيدة كتبتها بعد خروجي من المستشفى ..

.

*****

بسم الله ما شاء الله
لا حول ولا قوة إلا بالله

أنس العبادي

مُتعب وشكلي فـ المرايا اتْأمّله = ما عدْت أعرفني من ايّة شاكله
آشوفني أشحذ هنا واتْسوّله = واحسّني كلّي بخوتٍ مايلة
ما همّني يومي وما يتخلّله = يكفي أشوفه لا مضى بمْشاكله
يا دنيتي شكراً ميه ومْجمّله = يا ظالمة كلْ ذكرياتك قاتلة
سرتك فـ رحلة بالمآسي مْكلّلة = عشتك ليالي بالمواجع حافلة
ما ينْدرى وش آخرك من أوّله = في داخلي من عاجل الهمْ واجله
في دفتري كلّ السطور مْقفّلة = ليته محاني قبل ما أتْنازله
العين ما حطّت دموع مْهمّلة = وادوّر لْفرحي وكمْ آحاوله
نفسي على مْجيب الدعا متْوكّلة = يا ربّ عوّضني بكلْ ما آمله


فايز بن مسفر

يا صاحبي لا تكترث بالأسئلة = ما فات خله في سلالٍ مُهملة
وابصر شعاع الوقت ولا تتجاهله = دوم المرايا ياعزيزي مضلِـلَة
واشرب زلال الماء بصافي منهله = واقرأ صريح القول ولا تتأوله
أمسٍ مضى وسعود عمرك مقبلة = والليل ولى والنهار بأوله
دنياك نهرٍ والليالي جدوله = والهم عابر مير لا تتثاقله
والعمر لحظة والسعادة أجمله = والحزن يومٍ كيف ما نتحمله ؟
تلهب لظى روحك جحيم الأخيلة = وتطفي سنا وجهك بهمٍ تحمله
صوتك نغم يسري وحزنك يقتله = وشِعرك بطل ثائر وهمك كبله
جالت على فكري بيوت وأمثلة = وسالت مع حبري تحايا مكللة
جاك القصيد اللي لكيفك يعْدِله = وآخر قوافيها سلامٍ ارسله

صحت الألسن وسلم البنان وعلا شأنكما

اتمنى لكما دوام الصحة والعافية وصلاح العمل والأبناء

ويا حليلي منكم اساتذة في اللغة العربية

*****