اللغة الحجازية ... تهاويل

اللهجة الحجازيه على مر العصور

اللهجة الحجازية :

هي لهجة أهل المنطقة الغربية في السعودية وتتمركز بالذات في مكه وجده والمدينة والمدن القريبة منها اكثر من باقي المدن الواقعة في المنطقة الغربية وهي لهجة تأخذ من اللهجة البدوية و اللهجة المصرية
ولكنها تميل الى المصرية والسبب انه ايام العثمانيين كان فيها مصارية الى الليل

وطبعا تختلف لهجة العجايز عن الجيل الحاضر ..

لهجة العجايز تحسها مفقعه ومصطلحاتها القديمة ما تنفهم وما يستخدموها الا شيبان البلد اما الشباب الايام هذي ما عاد صار يستخدمونها . ولكن لا ننسى ان اللهجة الحجازية فيها الكثير والكثير من الأمثال القيمة

وبسم الرحمن نبدأ في بعض ما تختص به اللهجة الحجازية :

مصطلحات حجازية :
هناك الكثير من المصطلحات الحجازية اللتي من الصعب اي واحد غير حجازي يفهمها ولكن بحكم انني عشت في مكه سنوات عده فقد ترجمتها لكم بلغة اهل الحجاز.

واتفضلوا هذي بعضها :

اندر بره :
اخرج

العن سنسفيلك :
اهزأك

اديلو :
اعطيه

الدهليز :
مدخل البيت

الكرتة :
الفستان

الكنتره :
الجزمة اكرمكم الله

القنعه :
العبايه

الكرويتة :
دكة خشبية

الزقاق :
الشارع الضيق
وأعتقد أنها أصبحت كلمة معروفة بفعل النزح المكاوي على المدن الأخرى،

دندرمة :
ايس كريم و تراها مي سبّة تراها كلمه معروفة جداً، وبعد دخول التطور إلى الحواري المكّاوية أصبحت تعرف بالآيس كريم

دحديرة
: نزلة او منحدر

الدبش :
اغراض العروسة قبل لا تتزوج( جهاز العروسه)

القابلة : بكره = اللي تولد الحوامل (الدايه)

المملك :
المأذون الشرعي وهي تستخدم ايضا لدينا بالجنوب

الدقيسي :
الفراغ اللي تحت الدرج أو المخزن

المرقعة :
الدلع والمياعه في الكلام والتصرف

يتتريق :
يستهزء

اللغوصة :
نقل الكلام وتسبيب المشاكل

الدحلسة :
اذا كنت بتتمصلح مع واحد عشان تبغى منه شي تقول يدحلس .

هججوني :
ازعجوني دوشوني


قوام :
بسرعه , حالاً كله تستخدم ايضا لدينا ولكم بضم القاف.

مضليون :
طبعاً الكلمة هذي تحفة اللهجة المكاوية، وكانت النساء تتفاخر بمن تملك فيهن مضليون حتى أن أحداهن قالت : وي يا فايقة يا أختي .. والله جوزي صدقة جابلي مضليون والمضليون هو البروش الذهب

الحرمصة:
يقولك في غابر الغابرين ( واحد متحرمص على نتيجته) والمعنى العلمي لها هو عدم الاستقرار النفسي أو انتظار الشيء على أحر من الجمر


المرمشه:
بفتح الميمين هي نهش ما على العظام من اللحم، أو نهش ما على أي شيء من أي شيء

الزبلحة:
الزبلحة هي قلة الأدب والتواقح في الكلام

العكننه :
وهي التنكيد على شخص معين،

و في مصطلحات كتيرررررررررر غيرها .


ولاهل الحجاز اخلاق عالية جدامثلاً

لما يطلب منك سكينه ايش يقول ؟
يقولك الله يخليك اديني سكينة في قلب العدو

لما يقلك كنت ب أكل
يقلك كنت ب أتعشى مثلاً فضله خيرك

اشياء وتراجمها :

بيت الما:
وهو ما يعرف حاليا (بدورة المياه) وقد سماه الجيل الصاعد المكاوي
الآن (الطهارة)
وقد ورد انه تم التسمية هذه على أساس انه مكان كبير في البيت يوجد فيه الماء فسمي بـ بيت الما.

المركّب:

بتشديد الكاف، وهو ما يسميه جميع الناس الآن (المطبخ) والى الآن يعتبر علماء اللغة العربية هذه التسمية من عجائب التسميات لأنه لا يوجد سبب معروف للتسميه هذه إلى الآن!!!!

الدقيسي:

بتشديد الدال وكسرها وكسر السين، وهو ما يعرف بالمستودع ، يقول الكاتب المكاوي (محمد يواد فلاته) أن التسمية تعود إلى الحرب العالمية
الأولى حيث استخدم أول مره كمخزن للذخائر وسمي في مكة بالدقيسي ،
وقد قام جيل 2000 من شباب وشابات مكة بتسميته بالمخزن بدافع التطور.

القرندي:

بفتح القاف والراء وتسكين النون وكسر الدال
وهذا نوع من أنواع مداعبة الأب المكاوي لابنه فعندما يناديه ويتأخر 3 ثواني يقله (بسرعة عساك القرندي)
ويفسر علماء الجن أن القرندي نوع من أنواع الجن وببساطه يدعي الأب على ابنه بالقرندي <<شفتو اللطافه.

الفقده:

مفعول لانه من فعل يفقد، وهذا نوع آخر من أنواع المداعبة وهي الخاصة بالأم المكاويه.حيث تداعب أولادها بـ (تعال الله يفقدك)

توتوا:

وهو نوع من أنواع المعادن المكتشفة في الاوديه المكاويه.
ويستخدمونها المكاوية في تصنيع نوعين من الأشياء اللي تنحط فيها مويه للشرب وهو ما يسمونها زينا (الكاسه) ومو زينا (المغراف).

المغراف:

هو نوع من أنواع الكاسات التوتوا ، في حين انه تمت إضافة معلومة من علماء الجن المذكورين سابقا
انه في مرة من المرات قامت أم تداعب ولدها لصغير (الشقي) اللي يلعب يالمغراف وقالتله الله يفقدك بس وبعدين قالت خلاص يامغراف خده وفي لمح البصر اختفى الولد ، والمغراف هو نوع من أ نواع الجن وكان بالصدفة متواجد في مكة هذا الجني ههههههههههههههههههههه

على طبطابي .. :

يعني على مزاجي

مِرَسْتَكَه ..:

يعني متأنتكه يعني مرة شياكة .. ومرتبّة

وايق :

.... يعني طالع .... يعني مثلاً تقول .. : ( ياواد وايق زي الناس لا اهبدك باتقل شي قدامي ..و لا أهبدك اللين أجددايمانك)

تزل ... : يعني تمر

مرحبمبك ... :
يعني مرحبا بك .. بس باختصار شوية

باطِرمَة ... :
يعني جلسة ... كنب حاجة زي كذا ...

كَرَاوِيتَه : ...
حاجة خشب كده ... يحطوا عليها الباطرمة ....هههههههههه

مَدَارِيْه : ...... مراجيح ...

ندرت عينك من حُقّها ... : يعني خرجت عينك من محلها .... كده ::]

شَلْمَه ...: يعني فجعه .. يعني مثلاً تقول ( اشبك ياواد مشلوم كده عالاكل ؟؟ ) .. ::]

قيّسْتَك : ... يعني حسّبتك .... توقعتك .... هقيتك

يعني مثلاً .. ( قيستك ياواد حتزل على عمتك فتّو ) ...

بُخْنُق ... : اللي يتلبس في الراس ويكون مخيّط على قده

مِدَهْمَلْ :
.... يعني مبهدل .... يعني مثلاً ( اشبك ياواد مدهمل كده لاتكون كنت بتلعب في المداريه ) ؟؟

دهليز :
يعني محل كده زي اللي يكون قدام ابواب العماير من جوّه ..

سيب
يعني (... سيب وانا اسيب ..... اترك

زنبيل : ...يعني كيس ...

زلطة : ....
سَلطة بعد التعديل ...

يدعك : ...
يعني يفرك ... يعني مثلا .. ( ايش بتسوي يابت بادعك الاسورة : .. روحي يابت عساكي بداعوك يدعك مصارين شيطانك غسلي الصحون بدل مانتي قاعدتلي كده زي العمل الردي لاشغله ولا مشغله

مجغجغ :
مليان مويه

اتمنى الموضوع يعجبكم وحاولوا تستفيدوا لانوا اكيد اكثركم عايش في مكه وجده هههههههههه

الموضوع متجدد........

 

 

((( ياواد يالسامي إنتا ما تنزل إلى مواضيع حلوه كتير كتير )))

شـكــ وبارك الله فيك ـــرا لك ... لك مني أجمل تحية

تقبل مروري ..

 

 

شكرا لمرورك العطر اخوي عبدالقادر نورت الصفحة بتواجدك

بالحجازي

اتمنى انو اعجبك الموضوع حقي وتسلم على المرور الجميل دا وحتشوف انشاءالله مواضيع كتيره وحلوة قد الجبل هههههههه

 

 

المشاركة الأصلية كتبت بواسطة السامي

شكرا لمرورك العطر اخوي عبدالقادر نورت الصفحة بتواجدك

بالحجازي

اتمنى انو اعجبك الموضوع حقي وتسلم على المرور الجميل دا وحتشوف انشاءالله مواضيع كتيره وحلوة قد الجبل هههههههه

الله يسلمك يالسامي حرجتني بالمرررره ...... أزبحي الشاي ياحرررررمه ..

 

 

نبقى الان مع بعض الامثال الحجازية المشهورة


- أمثال حجازية :

إذا جيت رايح كتر من الفضايح.
او إذا جيت رايح
كتر من الملايح

بعد ما أكل واتكا قال ريحته مستكا.

حاجه ما تهمك وصي عليها جوز أمك.

ست وجاريتين على قلي بيضتين.

أعمى ويلضم خرز.

دلع الكبار زي الشقدف على الحمار.

اللي ماله أم حاله يغم.

على قد زيتوا سرجلوا.

الخايبه تتعلق بالحبال الدايب.

عقربه في الغار ولا ضره في الدار.

خاتم بفصو وكل شي ترصوا.

أهري وانكتي يا جاره وأنا ثابته زي العماره.

شايل لنا طيران عبد القادر

لو لك شي عند الكلب قول له يا سيدي

لا تقرصيني يا نحله ما أبغالك عسل..

يحسدوا الفقير على موتت الجمعه

سكتنا له دخل بحمارووو

ما يقدروا على الحمار يقدروا على البردعة

اذا حلقوا لغيرك بل راسك واستنى

ايش عرف الحمير بأكل الجنزبيل

البيض الفاسد يدحرج على بعضه

اذا تعاندوا الحمير يا بخت الركاب

البيضه ما تخابط حجر

حبيبك يمضغ لك الزلط وعدوك يعد لك الغلط

حمارتك العرجة تغنيك عن سؤال اللئيم

داخل لبيت العروسه نادر من بيت العريس

ياريتني بيضه وعرجه اصلوا البياض فرجه(بضم الفا).

يااخد القرد بماله يروح المال ويبقا القرد على حالو

الله من محبته في عبيدو جعل العمر والرزق بيدو.

اللي يشوفني بعين اشوفوا باتنين.

اللي ماله ام حاله يغم.

كنس بيتك ورشه ماتدري مين يخشوا.

كل حبه مسوسه لها كيال اعور

مين يشوفك يالي في الضلام تغمز

ماتعرف خيري لين ماتجرب غيري

عقربة في الغار ولا ضُرة في الدار

فقير اتجوز فقيرة خلفوا وجع القلب

كبيرهم فلفل وصغيرهم زنجبيل واللي في الكوفلة يقول من العايدين

خشوني لاتنسوني ولعوا الشمعة وشوفوني

عمية تحفف مجنونة وتقولها حواجبك سودا ومقرونة

الصرمة والقبقاب صاروا أصحاب

يا داق الموية في المهراس يا مربي وليد الناس

كل عيش البخيل ولا تأكل عيش المنان

أدب ولدك وان زعلت امه

يابخت من بكاني وبكى الناس عليه ولا من ضحكني وضحك الناس عليه.

رضينا بالهم والهم ما رضي بينا

اتملت العدوة وقلت المروه

أكلوا الملوخية وصاروا أفندية

لمن كنا ما كانوا ولمن رقدنا قاموا

قالوا متى طلعت القصر قالوا أمس العصر

العروسه للعريس والجري للمتاعيس

سلامتك والهيل والقرنفل قمامتك

اللي يشيل قربه مخروقه تنقط على راسه

الحجر من الارض والدم من راسك

أخوانك من أمك زي الدهب في كمك و أخوانك من أبوك زي القوم لما ينهبوك

اذا اتغيرت المخدة راحت المودة

من بيت أصقع لبيت أرقع

مطبق العاده و معصوب كل يوم
ههههههههههههههههههههههههه

في كل محضر بالتوب الاخضر

باب المجلس يقول باب السطوح .. اللي يجي يجي .. واللي يروح يروح

خليها في القلب تجرح و لاتخرج بره ترمح

الحر من غمزة والحمار من رفزه
يضرب هذا المثل لايضاح الفرق بين النبيه والبليد.

حمار الحكومة حكومة
يضرب هذا المثل للموظف الصغير المتسلط على الناس

خطبوها اتعززت تركوها اتندمت
يضرب لمن يتظاهر بعدم الرغبة حينما يعرض عليه امر ولكنه يندم بعد فوات الاوان

دلع الكبار زي الشقدف على الحمار
يضرب هذا المثل لخروج العجوز عن وقاره وجديته

والشقدف عشان الاسئلة بس:ما كان يوضع على الجمل ليجلس فيه المسافرون او السرج بمعنى اصح

قلبي على ولدي انفطر وقلب ولدي عليا حجر.

الا ساكت سمه ناكت



تحياتي




وللحديث بقيه

 

 

يعني انت جاي تتطل غلبت الكل ماشاء الله عليك

كده والا بلاش

 

 

والله لهجة المكاكوة جميلة ولها وقع في النفس ....
وسلام سلام يالشبيكة ... يااهل الجبن والشريكة..

 

 

احلى تحية لاستاذي الفاضل احمد بن فيصل شكرا على مرورك والعين ماتعلى على الحاجب طال عمرك.

اخوي علي تسلم على المرور الرائع ماشاء الله عليك مبدع وعايش الدور تمام.........


تحياتي

 

 

شايل لنا طيران عبد القادر

هههههههههه

جييييييييتك طيرااااااااااااان يالسااااااااامي

تقبل مروري ..

 

 

شكرا على التواصل عبدالقادر


حتى الحجازيين ماسلموا منك ؟




ههههههههههههههههه



تحياتي