بدري عليكـ العشق يابنت هاللحين

**التوقيت** · 10-17-2010, 02:43 PM

توّكـ صغيرهـ وابتديتي تحبين

من علّمكـ ليل السهر ياصغيرهـ ..؟

بدري عليكـ العشق يابنت هاللحين

حرامـ هذا القلب وشهو مصيرهـ ..؟

انتي بريئه في الهوا ليه تشقين ؟

دروبه طوال ٍ عليكـ وعسيرهـ

رحتي بدرب ٍ ماله اصلا ً عناوين

وانتي مشاويركـ من اول قصيرهـ

ياطفلة ٍ حبّت وراحت على وين ..؟

عقب الهنا ذقتي الحياهـ المريرهـ

وينك ووين الحب والشوق والبين ..؟

عنّيتي عيونك وصرتي سهيرهـ

امحق تسلّي كان ودّكـ تسلّين

الورد لولا اللّون وشهو عبيرهـ ..؟

خلّيتي دروسكـ وصرتي تحاتين

الدرس في ديرهـ وصرتي بديرهـ

وصرتي بعد من غير هذا تغارين

والمشكله يابنت منتي خبيرهـ

نصيحتي لكـ كان ودّكـ تردين

يمـ السعادهـ والحياهـ المثيرهـ

خلّكـ بجو العايله لا تعدّين

ماما وبابا والعجوز الظريرهـ

شيبانكـ اللّي مايبونكـ تعانين

من بينهمـ عشتي كأنـّكـ أميرهـ

الحب قبلكـ هز ناس ٍ كثيرين

وخلاّ القلوب تعيش همـٍ وحيرهـ

الحب يفضح لا انكشف داخل العين

وانتي بنفسكـ ماهقيتكـ بصيرهـ

طيعي كلامي واحذري لا تمادين

تراجعي لاعل في الأمر خيرهـ

عيشي الطفوله والبراءهـ لك سنين

وبعدين حبّي لا غديتي كبيرهـ

راق لاسير ...

**التوقيت** · 10-17-2010, 02:59 PM

الحبيب اسير الحزن ماراق لك راق لي طرح راق يحذر الصغيرات من عواقب الحب

وينصحهم بان يعيشوا طفولتهم 0 وانا اقول لولا الغيره ماكبرت الصغيره ههههه

تقبل مروري اخوي ودمت ودام تالقك ولك تحياتي 0

**التوقيت** · 10-20-2010, 03:30 AM

اخي الغالي اسير الحزن
راق لي ماطرحت وسطرت .. دمت متميزا .. يعطيكـ العافيه

**التوقيت** · 10-20-2010, 06:41 AM

اسير الحزن

نقل جميل وممتع وهكذا هو الحب يقع فيه القلب وأعتقد أن السن ليس له دور

**التوقيت** · 10-23-2010, 12:38 AM

احبتي
محمد دوبح
عذبة الساحات
عبد الله رمزي

شكرا لوقوفكم على متصفحي
دامت المحبة بعطر تواجدكم

**التوقيت** · 10-23-2010, 02:07 AM

لا تلوم البنية يا اسير الحزن
الحب اذا ولع بقلب انسان صعب التخلي عنه
سلمت الذائقة ذائقتك
دمت بود

الذين يشاهدون محتوى الموضوع الآن : 1 ( الأعضاء 0 والزوار 1)

اهداءات ساحات وادي العلي