سج القدم يا ضايق الصدر سجه = الايام حبل والليلي مدابير

.

*****

كلمات الشاعر نايف بن جليغم

سج القدم يا ضايق الصدر سجه = الايام حبل والليلي مدابير
والما من كفوف المعاثير مجه = ما بلت الضامي كفوف المعاثير
لا اقبل عليك الصيف حرّه وعجّه = وقامت تلوى في الرياض المعاصير
وللباب صوت وللشبابيك لجّه = وضاق المكان وضايقتك التفاكير
اخذ جوازك للمطار وتوجّه = صوب الديار اللي تحب المسايير
اما شمال ونيتك صوب طنجّه = ولا جنوب العاصمه صوب اقادير
جوٍ يرد الروح مافيه ضجّه = بين الخضار وبين شوف الغنادير
راحه وفرقا العالم المستلجّه = اللي على الزله تسوق التباشير
مع صاحبٍ من حيث مارحت وجّه = كريم كف وكل راسه صعاطير
من طيب راسه صاير فيه رجّه = ماقد حسب لارباحها ًو المخاسير
هذي طرات العمر روحه وسجّه = لاضاق صدرك واتعبتك التفاكير

*****

 

 

دائما ابا توفيق يسبق القمم في التنوع والطرح الرائع
لك تقديري حفظك الله