يَا أَيُّهَا النَّاسُ إِنَّا خَلَقْنَاكُمْ مِنْ ذَكَرٍ وَأُنْثَىٰ وَجَعَلْنَاكُمْ شُعُوبًا وَقَبَائِلَ لِتَعَارَفُوا ۚ إِنَّ أَكْرَمَكُمْ عِنْدَ اللَّهِ أَتْقَاكُمْ ۚ إِنَّ اللَّهَ عَلِيمٌ خَبِيرٌ

اهداءات ساحات وادي العلي







العودة   ساحات وادي العلي > ساحات الموروث والشعر والأدب > ساحة الأدب الشعبي

إضافة رد
 
أدوات الموضوع انواع عرض الموضوع
قديم 03-04-2014, 10:08 AM   رقم المشاركة : 1
معلومات العضو
عضو فعّال
 
إحصائية الترشيح

عدد النقاط : 10
ابن الشمال is on a distinguished road

Berightback يرضيك يالحزن لمحمد الدحيم


 

شموخ الحزن
محمد الدحيمي


لامتى يا هالحـزن .. تغـرس سكاكيـــنك .. هنيّا؟!!=
لامتى .. وانا استفز الدمــع بعيــــون الكسالى

لامتى .. يا هالحـزن يشرق صبـاحك في محيّا=
شاعرٍ .. صاروا بنـات افـكـاره .. بعيـنه .. ثكالى

رحت انا والحزن نطلب عبرةٍ تذرف .. وعيّا=
خافقٍ كلّه شــــموخ وقال: .. لالا والف .. لالا

كيف تذرف والجنوب محنـّك عياله شقيا؟!!=
الدحيمي لا ارخص الدمعه .. غدا ذبحه حلالا

هقـوتك سقها كذا .. والا كذا .. والاّ كذياّ=
ياالسّهل خلك سهَل .. والصعب مرقاه الجبالا

الكــواكب كلّها متشـابهه .. وين الثرياّ؟=
ووين نجـم سهـيل ؟ .. وكلّك يالسما نجومٍ تلالا

جيت من قيض القوايل تحت سدره .. باتفيّا=
بالظلال .. اثار به دابٍ .. سبقني للظـلالا!!

وين اشرق ؟ وين اغرب ؟ و ين ابالقالي حميّا؟ =
والشتاء والصيف رحله .. للجنوب وللشـمالا

قالوا الغربة محال .. وقلت مااهـونها عليّا=
كانها قاصي المحال .. اباانحر فجوج المحالا

ماثملنا ياجــروحي .. لو تعـانقـنا شويّا =
انتــمايل حزن .. لكن يحسبون إنّا .. ثمالى

ياسما الغفـران قال الغي هيّا .. قلت .. هيّا=
غــاويٍ حاول يتـوب .. وزاد في غيّه ضلالا

ديـرتي .. لا تعــذليني .. مابقى شيّ بيديّا=
رحت متعلم .. وجيت أجهل كثير من الجهالا

واتحدّى ماأنـولد في ديرتي مثلي صبيّا=
شاعرٍ كـادح .. حــزينٍ .. ماانجبن مثله حبالى

وآآآه .. ياطيري وكم قد قلت لك : فزّ وتهيّا=
لا تخلينا سوالف لاش .. في مجلس .. حثالى

 

 
























التوقيع

حق على العاقل أن يتخذ مرآتين
ينظر في إحداهما إلى مساؤئ نفسه فيتصاغر بها
ويدع ما استطاع منها
وينظر في الأخرى إلى محاسن الناس
فيحتذ يهم فيها ويأخذ منها ما استطاع

   

رد مع اقتباس
قديم 03-04-2014, 10:24 AM   رقم المشاركة : 2
معلومات العضو
عضو فعّال
 
إحصائية الترشيح

عدد النقاط : 10
ابن الشمال is on a distinguished road


 

يرضيك يالحزن؟
محمد الدحيمي


حمـــامة الروض .. ولّي ياشقــــــاويه
مانيب ناقص مصابك .. يكفي مصابي

انا .. ماكـــوّدت اسجّ شـــــوي ياخـيّه
زدتيني بسجعتك .. زودٍ على مابي

الغابـيه غابيه .. بالصــدر مكمـــيه
وانا مانيب مهــبولٍ يفضـح الغابي

اخاف من روحتن ماعقــبها جـــيّه
يومٍ به اللوم .. يشهق شرهة عتابي

خاسي وهابي .. مجازي الطيب بالسيّه
راعي الرديّه رديّ .. وخاسي وهابي

في نحو (ابو الأسود الدؤلي) .. له نحيّه
ذا النحو نحوي انا .. وإعرابه اعرابي

ترابي اولى بي .. ان خابت هقاويه
وأن عوّدت للتراب .. ترابي اولى بي

هذا ترابي . . وأنا زبن الجــــلاويه
وكنـــوز قارون ماتشـــريك يا ترابي

سقــوى .. سقاه الحيا وقتٍ مضى ليه
يوم الرخا محزمي .. وزهابي .. زهابي

يوم ارضي المســقوي عالوسم مذريه
ودون اللحى فرخ بلجيكٍ وشبّابي

يوم إنّي اغمض مريح البال جفنيه
قبل السهر تستبيح جيـــوشه اهدابي

من قبل ماشوف وقتٍ دارت رحيّه
وضيوف (بقعا) سرى .. وقفوا على بابي

وقتٍ ليا ضحك نابي جات بلاويّه
كنه حرام علي الضحـــــكة بنابي

قد لي خـــــلاوي 8 سنين .. وشويه
هذا .. وانا لاني بمجــرم ولا ارهـابي

احدن بكى ميته .. واحدن بكى حيّه
واحدن على الصدق عاش ومات كذابي

احيان .. أهيجن وأغني للهــــواويه
وأحيان .. كل الهــــــواويه تغنّى بي

واحيان .. احصّل لي من القايله فيّه
وأحيان .. من حرقة القيض الله ادرى بي

رهنت لي بندقٍ .. في دين جنبـيه
وش يآخذ المرتشي من ذمّــة.. مرابي

ظامــي وورّدت بـيرٍ دونها الحــيّه
الله يجــازي زماني ويش سوّى بي

رزقي على عالمٍ جهــري وخافيهّ
ومن مثل ذا الجود رزاق ٍ ووهابي

وين انت يالحزن ؟!! يا اجمل غناويـه!
أذّاني الهم بغــيابك وشقّى بي

من بين غيـّابي ابطت بك حراويه
فاقدك .. ياأعزّ غــايب بين غيـابي

وين انت ؟!! ياصاحبٍ ماولفني زيّه
ياقو قلبك! .. تخلي الهم يسلى بي؟!!

ودّه اشقق ثيــابي غصب بإيديه
والله لأمــــوت .. ويدي ماشقّت ثيابي

ودنيا الهبا .. ســـوّّد الله وجهها فيّه
أبرد صــودايفها .. ياما احرق اعصابي

يرضيك بالله؟!! تبـــيّت بي على نيّه
قبل اتعشى لياليــــــها . . تغــدا بي؟!!

هيّا تصدّق !! كذا . . وبدون ماريه
اســتنزفت كلّ جرح ٍ . . قد تخبّا بي

خلتني أهجّ واعطي الخبت . . رجليه
والعجّ راح بصميلي .. وأذهب ركابي

ثم ادرجت بي مهامــــية الزرّاجــيه
وجت بي وأخفّ الطعون .. شلاف وجنابي

يرضيك يالحـزن!! . . ياتالي عزاويه
تضحك على شيب راسي .. بين شيّابي؟

يرضيك يالحـزن؟!! تجهر بي عــلانيه؟
حتى تهـاون بحـالي اقرب اصحابي؟؟

وجدي وجود اجــــوديٍ صار عاريه
هذا وهو من ولد .. عتّاق الأرقابي

وجود محــــكوم ماقبلوا منه ديّه
وخلوه مابين سيف ونطع ونصابي

كلن تتقى طعـــون عــداه غدريه
وأنا الوحيد اللي طعوني من احبابي

وأن مت .. قولوا لفاقــدني وداعـــيه
والله ماني ردي .. وقــــتي تـردى بي

 

 
























التوقيع

حق على العاقل أن يتخذ مرآتين
ينظر في إحداهما إلى مساؤئ نفسه فيتصاغر بها
ويدع ما استطاع منها
وينظر في الأخرى إلى محاسن الناس
فيحتذ يهم فيها ويأخذ منها ما استطاع

   

رد مع اقتباس
إضافة رد


الذين يشاهدون محتوى الموضوع الآن : 1 ( الأعضاء 0 والزوار 1)
 
أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع


الساعة الآن 09:58 AM.


Powered by vBulletin® Version 3.8.7, Copyright ©2000 - 2024, Jelsoft Enterprises Ltd. TranZ By Almuhajir