مات صاحب جفارا مات

توفي الثلاثاء الثالث من ديسمبر 2013 الشاعر المصري أحمد فؤاد نجم أحد أهم شعراء العامية في مصر، وقد عرف بأشعاره الوطنية وانتقاده اللاذع لحكومات مصرية متعاقبة.
ونقلت وسائل إعلام مصرية عن الناشر محمد هاشم أن الشاعر نجم توفي فجراً في منزله بالمقطم عن عمر ناهز 84 عاما.
وأضاف هاشم -وهو صديق الشاعر- أن صلاة الجنازة ستقام ظهر اليوم، وسيتم تحديد مكان العزاء في وقت لاحق.
وولد نجم في محافظة الشرقية عام 1929 وله مسيرة طويلة مع الشعر، إذ بدأ نظم الشعر في خمسينيات القرن الماضي، وعرف في مصر في الستينيات بقصائده السياسية النقدية المرتكزة على حس اجتماعي عميق تجاه الحرية والعدالة الاجتماعية. كما يعد نجم من أبرز الأسماء في فضاء الشعر العربي.
وارتبط اسم نجم باسم الشيخ إمام عيسى الذي غنى أشعاره، وشكل الطرفان ثنائيا غنائيا إلى أن توفي الشيخ إمام عام 1995.
ومن أشهر قصائد نجم بالعامية قصيدة "كلمتين يا مصر" و"جيفارا مات" و"كلب الست" و"شيد قصورك" و"يعيش أهل بلدي".
وسجن نجم أثناء حكم الرئيسين الراحلين جمال عبد الناصر وأنور السادات بسبب مواقفه من الحكومات المتعاقبة.
وتزوج نجم عدة مرات وأنجب ثلاث بنات إحداهن الكاتبة والناشطة السياسية نوارة نجم.

 

 

جيفارا مات (لاحمد نجم )
جيفارا مات
جيفارا مات
آخر خبر ف الراديوهات
و ف الكنايس
والجوامع
و ف الحواري
و الشوارع
و ع القهاوي وع البارات
جيفارا مات
جيفارا مات
و اتمد حبل الدردشة و التعليقات

مات المناضل المثال
يا ميت خسارة ع الرجال
مات الجدع فوق مدفعه جوة الغابات
جسد نضاله بمصرعه
و من سكات
لا طبالين يفرقعوا
ولا اعلانات

ما رأيكم دام عزكم
يا انتيكات
يا غرقانين
ف الماكولات و الملبوسات
يا دفيانين
ومولعين الدفايات
يا محفلطين
يا ملمعين يا جميسنات
يا بتوع نضال آخر زمن
ف العوامات
ما رأيكم دام عزكم
جيفارا مات
لا طنطنة
و لا شنشنة
و لا اعلامات و استعلامات
عيني عليه ساعة القضا
من غير رفاقة تودعه
يطلع أنينه للفضا
يزعق و لا مين يسمعه
يمكن صرخ من الألم
من لسعة النا ف الحشا
يمكن ضحك
أو ابتسم
أو انتشى
يمكن لفظ آخر نفس كلمة وداع
لجل الجياع
يمكن وصية للي حاضنين القضية
بالصراع
صور كثير ملو الخيال
و ألف مليون احتمال
لكن أكيد و لا جدال
جيفارا مات موتة رجال
ياشغالين و محرومين
يا مسلسلين
رجلين و راس
خلاص خلاص
ما لكوش خلاص
غير بالبنادق و الرصاص
دا منطق العصر السعيد
عصرالزنوج و الأمريكان
الكلمة للنار و الحديد
و العدل اخرس أو جبان
صرخة جيفارا يا عبيد
في أي موطن أو مكان
ما فيش بديل
ما فيش مناص
يا تجهزو جيش الخلاص
يا تقولو ع العالم
خلاص

 

 

مصر يما يا سفينة لاحمد فؤاد نجم

مصر ياما يا بهيه
يا ام طرحه وجلابيه
الزمن شاب وانتي شابه
هوا رايح وانتي جايه
جايه فوق الصعب ماشيه
فات عليكي ليل وميه
واحتمالك هوا هوا
وابتسامتك هيا هيا
تضحكي للصبح يصبح
بعد ليله ومغربيه
تطلع الشمس تلاقيكي
معجبانيه وصبيه
يا بهيه

مصر ياما يا سفينه
مهما كان البحر عاتي
فلاحينك ملاحينك
يزعو للريح يواتي
اللي ع الدفه
صنايعي
واللي ع المجداف
زناتي
واللي فوق الصاري كاشف
كل ماضي وكل اتي

عقدتين والتالته تابته
تركبي الموجه العفيه
توصلي بره السلامه
معجبانيه وصبيه
يا بهيه

 

 

انني اعتبره والابنودي وكامل الشناوي من اعظم شعار الزجل الشعبي
قصيدته
مناعه ارزاق
جلابة ارزاء
يا سخامه يا لطامه
ياللى اسمك اخلاق
ازيك وايش حالك
ايه اخر الانباء
دجوكى ؟
سلخوكى ؟
خلوكى اشلاء
ما انا قايل وسمعتي
بس انتي اللى طمعتى
فى بلدنا يعوزكي
مسكوكي دقوكي
بدماغ الدقماق
بالقاضيه الفنيه
صرعوكى السجانه
حبوسكى
فى قضيه
مرفوضه وخسرانه
والتهمه الجنائيه
اكمنك انسانه
وخدوكى الشرطيه
وعساكر هجانه
وابولكنه فرنساوي
طبال ومغناوي
بيغنى اشتراكاوى
والعالم طرشانه
وابو عسكر حرميه
بيبرطع فى تكيه
ويقول اشتركيه
والناس
لسه جعانه
يا هبيله يا فضيله
يابتاعه المهابيل
بلا وكسه
بلانيله
بلا هفه مخاليل
دى بلدنا
ولا حولا
ما بقاش فيها علاوله
وعوضنا على المولي
فى ولادنا الشماليل
يادينا ورجلينا
اسسنا وعلينا
وعملنا اللى علينا
جيل يطلع ورا جيل
ويقول ابنوا لبكره
والبنى ادم ذكري
نتحمس للفكرة
من كتر التطبيل
واخيرا ولا اخر
اخلاقنا بتتاجر
ومهازل
ومساخر
وهزيمه
وتضليل