رساله

يا صاحبي .. جيتك أشكي لك من أحوالي
جيـت .. ومـا دامـك رفيقـي لـيـه اطولـهـا؟


العـلـم ومافـيـه .. يـــا أول وأخـــر أمـالــي
عـنـدي رسـالـه ولا أدري كـيـف أوصـلـهـا


للـي سبتنـي .. وأنـا مــن قبلـهـا سـالـي
أبـيــك تـوقــف مـعــي وتــــروح تـسـألـهـا


وش فيـهـا تفـتـح عـلـي أبــواب عـذالــي
تحـمـل الـنـفـس حـاجــه مـــا تحمـلـهـا؟!



وش فيـهـا رغــم الـوفـا تتركـنـي لـحـالـي
وأنـا لجفاهـا تركـت الدنيـا ب( أكملـهـا )؟!


إن كــان هــذا زعــل .. علمـهـا يالـغـالـي
مــا كـــان قـصــدي ورب الـبـيـت ازعـلـهـا


علمـهـا .. والـلـي يخـلـي قلـبـك الخـالـي
عن ضيقتي .. وين .. وصلت من تجاهلهـا


علمهـا .. كـم لـي وأنـا مـا شلـت جوالـي
كـلــه عـلـشـان مــــا أقــلــب رسـايـلـهـا
علمـهـا .. وشـلـون
لامــرت عـلـى بـالـي
أروح واضـــــــم صــورتـــهـــا واقــبــلــهــا


وعلمها .. كيف أنشغل عن كثرة اشغالي
وأســـرح وأغـمــض عـيـونــي واتخـيـلـهـا


علمهـا .. عـنـي وعــن هـمـي وغربـالـي
علمهـا .. عـن كـل حاجـه فــي تجّهلـهـا


وإن شفتهـا دنقـت تبـكـي عـلـى حـالـي
إنــس الـكــلام .. وتـذكــر كـلـمـه وقـلـهـا


قــل : شـاعـرك يعـتـذر ويعـاهـدك تـالــي
إنــــه يــرتــب حـسـابـاتـه مــــن اولــهـــا


ويقـول : حتـى القصيـد اللـي علـى بالـي
والله مـــا عـــاد اكـتـبــه كــانــه يـزعـلـهـا


شعر فهد المساعد