بيني وبينك فرق

تركتني والقلب ينزف ،، وصديت
مدري طعنت القلب ، ولا نحرته !!




ياللي نسيت الحب مدري تناسيت
بذكرك بالماضي ، اللي نكرته




الاولــه ،،، عمري أبد ماتغليت
وليل العنا ، في غيبتك كم سهرته




والثانيه ،، آخلصت لك ، ماتخليت
وآنت اللذي فيك الوفاء ، ماخبرته




والثالثه ،، آعذرك دايم إذا آخطيت
وآنا خطاي ، تّكبره ،، ماغفرته




والرابعه ،، آتعبت نفسي ، وعنيت
قلبي علشانك ،، ولا قد شكرته




والخامسه ،، عادي إذا عنك آبطيت
وانا التعب في غيبتك ، ماقدرته




والسادسه ،، آدمح خطاك ،، وتمنيت
تدمح خطأ قلب ٍ في حبك آسرته




والسابعه ،، نسيت إسمي ، وزليت
ماتدري إن إسمك في قلبي حفرته




معقوله يعني ، كل هذا ، ماحسيت ؟
في صبري اللي في غرامك ، صبرته !!




بيني وبينك فرق ، ياللي تماديت
آنته نسيت الحب ، وآنَــــــــا ذكرته




ندمان ، ياللي في غرامي ، تسليت ؟
قلب ٍ غدرته ،،، ذنبك أنك غدرته




تبي الخلاصه ؟ خذها مني في هالبيت
إقراه ،، وتعرف قيمة اللي خسرته




آول ، عروق القلب ، تفرح أذا جيت
واليوم مات الحب ، وآنته قبرته


شعر متعب الثقيل

 

 

بيني وبينك ياابا ميس

انا استمتع بتذوقك الرقيق للشعر ونقلك البديع

لك تحياتي وتقديري

 

 

كلام من العيار الثقيل



والثالثه ،، آعذرك دايم إذا آخطيت
وآنا خطاي ، تّكبره ،، ماغفرته




من يقدر يعذر الناس على اخطائها إلا صاحب القلب الكبير

ومع ذلك توجه اصابع اللوم إليه دائماً

 

 

فعلا شعر متعوب عليه ومن النوع الثقيل شعريا (لمتتعب الثقيل) شكرا على اختيارك أبو ميس

 

 

تركتني والقلب ينزف ،، وصديت
مدري طعنت القلب ، ولا نحرته !!

كم ينزف القلب من صدود وتجاهل البعض
والكلمات المحبطة التي تصدر منهم
وربما يتركك دون إعتذار
شكراً لك أخي أبو ميس