بيني و بينك

بيني و بينك

فائق عبدالجليل

بينى وبينك اعترف...انك قدرتى
واعترف انك عزفتى
واعترف انك كسرتى
سور صمتى
كان قبلك عمرى ساكت
بيتى ساكت
نبضى ساكت
كان لون الشمس...
فى ايامى باهت
جيتى مثل الغيمه فى صدرك مطر
جيتى اكبر معجزه..
واحلى قدر
جيتى داهمتى جفافى بالمطر
جيتى طرشتى عناوينى الجديده للقمر
جيتى خليتينى انقل
لغة الماى..
وطيور الماى
من قبل الغرق
جيتى رجعتى السما للصيف
رجعتى الربيع اللى انسرق
جيتى جمعتى رماد اشعار
ديوان احترق

 

 

قصيدة وهم

وهم كل المواعيد وهم
تعب .. كل المواعيد تعب

بإسم الحب .. بإسم الشوق
مأساتي معاكِ تزيد ..
و أتم بعيد .. و تتم بعيد ..
و أتم مثل الحزن .. أنطر سحابة عيد ..

أجي ملهوف ..
ملهوف عطش .. تحت المطر ملهوف ..
وقتي يطوف .. لوني ضايع و مخطوف ..
يضيع الشارع بصمتي ..
و صمت الانتظار سيوف ..

و كل ما مر .. وهم صوبي .. أقول انتي ..
اكذبت العيون .. و الموعد وهم

ألم كل ساعة و كل لحظه ألم

وين عيون حبتني .. و منتني ..
و قالت لي نعم ..
تلاشت فرحتي ..
و تاهت خطوتي ..
و حلمي كبير .. كبير .. في لحظة انهدم ..

و كل ما مر ..

وهم صوبي ..

أقول انتي ...

 

 

قصيدة آخر زياره

.. حسيت في آخر زياره
شي بعيونك مختلف
و شي بحديثك مختلف
حتى سكوتك مختلف
.. كنت بشكوك
.. و شفت الحقيقه في عيونك
.. تعترف
موقف غريب .. موقف أبد .. ما ينوصف
.. وين الكلام .. وين الحراره في السلام
كبيرالفرق ما بين

.. أول لقا
و آخر زياره .. مدري شقول
.. ياحب خانتني العباره .. مدري شقول
.. و الحر تكفيه الإشاره
.. كل شي حبيته
في بيتك نساني
الهدوء .. الليل .. الصمت .. الأغاني
حتى لون الورد .. و الفرحه .. و مكاني
داهمتني الغربه .. ليتني ماجيت
.. ليتني .. رديت
حزني .. غرّب ضحكتي .. لساني ضيّع كلمتي
حسيت بالياس .. و مشيت
كنت بشكوك .. و شفت الحقيقه
.. في عيونك .. تعترف

 

 

ابنتي الغالية 0 جميل ما اتيتي به من عذب الكلام 0 مع تاكيد اعجابي بما قراته من صدق المشاعر

واختيار للاضافه
كل المواقف تهون لأبسط خيار
المشكلة لا صار صعباختياري
عقلي يقول اتخذ فيه القرار
وقلبي يقـول لا تهــور حـذاري
اسهروبالي يحتوي كل الأفكار
اسهر وصدري تشتعل فيه ناري
انـتـهى فيـنـي الأملوالانتظار
كم كـسـيت الـحـب و الحـب عاري

تقبلي مروري وإعجابي