جــرحـنـي غــيـابــك

أجـيـلـك يـالغلا بشوق وشوقي لــك يسيرني..
ألاحـق خـطـوتـي يـمـك وأتبع كـل خطواتك..
أحـبـك كلمه أخفيها وقلبي هو اللي يفضحني..
تعبت أناظر عيونك تعبت أشـتـاق لـنظـراتك..
شـعـور بـداخـلـي سـاكـن واحساس يحيرني..
وحــبي ينفضح لحظه بخفـوق ذاب بهمساتك..
تطيح عيني عليك فجأه وكل شي بك يزلزلني..
من عيونك الى شفاتك وأذوب حيل ببساماتك..
حـبـيـبـي بـغـيـبـتـي عنك ترى شوقي يبهذلني..
وقلبي يشوفك بعـينه وعيني محرومه شوفاتك..
وأجـيـلـك يــالـغـلا بـحـبـي وحبي لك يمشيني..
أمشي خطوات مشتاقه وأروح لمكان جلساتك..
مشت أشواقي بقلبي ولكن شــوقــي صـدمـنـي..
يــوم مـاشـفـتـك فـي مكان تقضي فيه لحظاتك..
مـشـيـت أدور أطـيـافـك أبـي أحضنها بـعيوني..
ولـكن جـرحـني غـيـابـك حـبـيـبي يـوم ماشفتك

 

 

أحـبـك كلمه أخفيها وقلبي هو اللي يفضحني

كلمات في غاية الجمال
سلمت اناملك يا ابا ميس

 

 

سلمك الله ابا رائد شرفني مرورك لاعدمتك لك مني اجمل تحيه وبالغ التقدير