يارقيق المشاعر

يارقيق المشاعر وين راح الحنان
ليه ماشلت قلب طاح قـدام عينك

الزمن هو زمانـك والمكان المكان
واخر الشعر كلمه تسألك عنك وينك

من تقهويت صوتك سولف الزعفران
عاد وشلون فنجالن تمـده يمينك

تذكر شلون كنا والزمن كيف كان
يوم لاغبت عنك مااسمع الا ونينك

اشعر بخوف مدري كنت احس بامان
يكفي ان جيت يمك طار فيني حنينك

وشكثر كنت وافي واقرب الناس خان
بس اثق فيك حتى لو عيوني تدينك

راحت اسنين من عمري وعمرك ثمان
يوم شحت سنيني عوضتنـي سنينك

زان عمري بقربك يعني الوقـت زان
حتى جرد القصايد ربعت فـي يدينك

طول عمري وانا لاوي اذراع الهوان
شفت يومك بعيني منهو يقدر يهينك

مذكر اني نسيتك واذكرك من زمان
واذكر اني ضحيه بين قلبـي وبينك

تدري وش جابني لك لاتقول الحنان
جيت بشيل قلبن طاح قـدام عينك

يارقيق المشاعر وين راح الحنان !!!

مما راق لي

 

 

ابو ميس عزيز وغالي

ما راق لك راق لنا
نعم الاختيار والذائقة الراقية
دائما تتحفنا بالجميل والجميل ادبا وخلقا لا ياتي الا بالجميل

دمت بود وباقة وردة محبة

 

 

مرورك اسعدني ابا اديب ممتن جدا على الاطراء انا لااتي الا من بعدكم يا غالي كل التحيه والتقدير لشخصك الكريم

 

 

احسنت الاختيار وما شاء الله عليك ما يمدينا نلحق واعدرني اذا قصرت تحياتي واليك هذه ختاره

بالحيل ميت من زمن ما به أصحاب
والكل منهم بالمصايب يجيني
ألا أنتوينك لا تعذر بالأسباب
أبيك تترك كل شي وتجيني