وخليتني ما بين لوعات .. (الهموم الاربعه )‎

هملتني / للحزن/ والعبره / وليلي / الطيوف !!
وخليتني ما بين لوعات .. (الهموم الاربعه )


حزن ٍ / غدا طابع حياتي كل ما اغمض واشوف
مدري هواللي كان يتبعني أو اني اتبعه !!




وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمسي بضلعه





وطيف ٍ / يداعب خاطري حتى وانا بين الضيوف
ومن قال وش بك يا ولد .. سرحااان .. ازريت اقنعه




وش باتعذر به!! وانا مابين هم .. وبين خوف
وشوق .. يغايض قلبي المجروح حتى ينزعه




لو انها بالزين .. كان الزين من غيرك الووف
المشكله .. ( حب العمى ) .. يا جعل ربي يقلعه




ان ابتعدت آموت هم .. وكل ما جي لك شغوف
كنك تعمد ( ضيقة الخاطر ) .. ولو فيها سعه !!




اواه يا قلب ٍ تركته لك !! على بيض الكفوف
واللي مهو يصدق !! على كفك يلاقي مصرعه




تشوفني وتصد مني.. لا !! ولا كنك تشوف !!
تقدر على وصلي واحسك قدك ناوي تقطعه




تقول صبرك !! والصبر ليته يبرد حر جوف
اسهر ليالي البعد .. لين الفجر .. يبلج مطلعه !!




(( غيابك القاسي .. وباقي لهفتي واقسى الظروف
ما غيرت قلب .. ما هو يبغي تكون .. إلا معه ))




إن كان ربي كاتبك لي .. فأنت لي .. رغم الانوف
واذا القدر ما عاد ردك .. يستحيل ان امنعه !!




انت .. ومشيت وما عرف وشهي نهاية ذاالضروف
وصوتك/ ما انا بداري .. هو ربي كاتب ٍ لي اسمعه




لا قدك ناوي ترحل وتقفي معا بيض القنوف !!
قلب ٍ خذيته من صدر راعيه .. تكفى رجعه !!


من بريدي

 

 

وليل ٍ / بدونك .. ظلمته (غربه) ولحظاته (سيوف)
تقطع جدار الصمت .. في صدري وتمسي بضلعه
وطيف ٍ / يداعب خاطري حتى وانا بين الضيوف
ومن قال وش بك يا ولد .. سرحااان .. ازريت اقنعه

اهات جميله وبريد اجمل سلمت وسلم بريدك
اختي العزيزه عذبة الساحات تقبلي مروري
ودمت بوووود0

 

 

سلم المرور الغالي اخي محمد يعطيكـ العافيه نوورت متصفحي

 

 

.
.
.

عذبة الساحات /~
سلمت الأنامل على روعة الكلمات ودامت لنا جمال ذائقتك
فهذا ما تعودنا منك

تقبلي بسيط مروري
فحروفي لا تباهي شموخ حرفك

دمتِ بحفظ الله

.
.
.
.
.
.
.
.
.
.
.
.

 

 

قصيده رائعه واختيارك ينم عن ذوقك الراقي وتذوقك لعذب الكلام 0 وقد وجدت القصيده في بعض المنتديات 0 ولم اتعرف على قائلها وانا لا اجيد الغوص في البحث 0 وكم تمنيت معرفة اسم الشاعر 0 بارك الله في ذوقك الرفيع الذي يمتعنا باجل الطرح واحسن الاختيار 00

 

 

سلم المرور العذب اخي ساري
نوورت متصفحي .. دمت بخير

 

 

والدي العزيز نايف بن عوضه

شكرا لتواجدك العذب .. وللاسف القصيده لاااعرف من قائلها .. بحثت وربما قصرت بالبحث
دمت بود