باركولي ربحت 200ألف من شركة الإتصالات قولوا ما شاء الله‎

حدث معي.

اتصل بي شخص من رقم غريب .....!!!
بدا بالتحية واخذ يعرف بنفسة

معك احمد غلام من شركة الاتصالات السعودية ( stc ) سوا

قلت: تفضل
فقال : لقد ربحت من شركة الاتصالات السعودية جائزة بمبلغ 200 الف ريال سعودي
اضافة الى 3 اشهر مكالمات داخلية وخارجية مجانية
قلت : طيب والمطلوب مني
قال : بعطيك رقم الشريحة الخاصة بجوالك عشان نتأكد انك انت الفائز بالجائزة ورقم الشريحة هو 899660 والمطلوب منك الان تقفل جوالك وتخرج الشريحة وتتأكد من رقم الشريحة واتصل فيني اذا كان مطابق لرقم 899660

قلت : طيب وبالفعل طفيت الجوال وطلعت الشريحة وشفت الرقم المسجل عليها وهو نفس الرقم الي عطاني 899660 وعلى طول ماصدقت خبر انا فايز بالجائزة 200 الف ام الفله ياشيخ وعلى طول رحت اتصلت علية وقلت له الان طلع رقم شريحتي نفس الرقم الي عطيتني

قال: مبروك الف مبروك ياشيخ انت في اي مدينة
قلت : من الرياض
قال : طيب احنا في الشرقية ونبي رقم حسابك ورقم بطاقة الاحوال عشان نحول لك الـ 200 الف ريال

قلت :وشلون شركة الاتصالات مالكم مكتب الا في الشرقية المفروض اني فايز بالجائزة معناها لابد يكون فية شيك بأسم الفائز مو تحويل بنكي ( هنا انا دخلني الشك واستغربت من طلبه رقم الحساب البنكي )
قال: لا مالنا مكتب الا في الشرقية وانا الحين لازم اسجل رقم حسابك البنكي و رقم بطاقة الاحوال المدنية ولا بتروح عليك الجائزة
قلت : قلت مافيه مشكله شوي واتصل فيك

المهم اني دقيت على واحد من العيال يشتغل في الاتصالات السعودية وسألته قال انتبه من هالنصابين وسألته بخصوص رقم الشريحه 899660 قال هذا الرقم موجود على كل شرائح الاتصالات السعودية مهوب على شريحتك بس وفعلا انا فتحت اكثر من شريحة وطلع نفس الرقم ( 899660 )

لذلك احذروا من هالنصابين
نقلته لكم لأخذ الحيطة والحذر
حسبي الله ونعم الوكيل

منقـ ـ ـ ـ ـ ـ ـ ـ ـ ـ ـ ـــول

 

 

بارك الله فيك يالعلوي على هذا الخبر المفيد
والذي يجعلنا نأخذ الحذروالحيطة
دام هذا التميز ولاعدمناك .

 

 

الاخ العلوي جزاك الله خير ان نبهتنا والله لو كنت انا لاعطيه اللي يبغى مني

وذلك لتصديقي للخبر ودلاختي ولحاجتي للمبلغ 0 الحمد لله الذي انجاك ولم يتصلو بي

تقبل تحياتي وشكرا لك على انتباهك وتنبيهك ودمت بوووووووووود0

 

 

لاتنساني من زكاتها تراني ابو هدبه وحسابي مصفر

 

 

حسبي الله ونعم الوكيل على ها نصابين
حراميه علني الله لايبارك فيهم
والله يعطيك العافيه على التنبيه
لك من خالص الشكر والتقدير

 

 

يافرحة ما تمت كنت باقول سلفنيها حيث إن أخاك في الحاجة
ولكن بركة يوم تعقلت ولا اندفعت
والا كان راح الجمل بما حمل و المثل يقول:
( يابا غي الفوائد راس مالك لا يفوت ) قبل عدد من السنين كنت أبحث عن مقاول وقرأت في بعض الصحف
مقاول يبني بالتقسيط فاتصلت على رقمه وقال خذ معك خمسين الف دفعة أولى وتعال وقال أنا انتظرك عند
مسجد(ابو بكر الصديق) في شارع المكرونة ولكني الحيت عليه بأني لازم أعرف المكتب وفي اي عمارة
وفي أي شارع يقع وقال أنا أعطيك سندا قلت هذا لا يكفي شك الرجل في أمري على ما أظن وقال بعدين
اتصل وذهبت أبحث عن هذا المكتب حتى دخت سألت ولم أجد له أثرافأخبرني صاحب دكان بأن له ثلاثين سنة
ولا يعرف هذا المقاول في نفس المنطقة وحذرني ولكني أتساءل أين الاستخبارات
والمباحث عن هؤلاء النصابين؟
ألا ترون مثلي أنه قد طفح الكيل؟ والصدر قد ضاق بما لا يطاق
كما تغرد به السيدة ؟ما نقول إلا حسبنا الله ونعم الوكيل
وجزاك الله خيرا يا العلوي على التنبيه

 

 

يعطيك الف عافيه اخوي علوي على التنبيه والله يبعدالنصابين والمحتاليــــــــــن عنا

 

 

اقول انا قد صاااارة معي بس حسيتهم اذا طلبوا رقم الحساب قلت اكيد انهم نصبين،،،، بس كويس ما تورض فيهم وعطيتهم رقم الحساب والله انك بتروح وطي ،،،،،، يعطيك الف عاااافيه

 

 

يا العلوي

اعطهم رقم جوالي وما عليك

يعلم الله ليتعب تعب مر

 

 

حسبي الله ونعم الوكيل إلى هذه الدرجة وصلت
طُرق وأساليب النصب والإحتيال .