تدري وش اللي يجرح القلب جرحين

تدري وش اللي يجرح القلب جرحين = ويمد حـبل الحزن فيك ويشده
انك تناظر طفل من غير أبوين = يمشي ودمعة سايل فوق خــده
منظر صعيب ويقسم القلب قسمين = لا قـام يمسح دمعة بكف يــده
يمشي ولا يدري طريقه على ويــن = لــيــن الـتعـب مـن كثر ما تاه هــده
اثقل حروف يشيلها فيه حرفين = لا اب يـدري بـه ولا ام تــرده
في خطوته رحلة ودمعة وسكـين = وحـظ تـوسد بالمـراسي مـخـده
جيت اساله بالله قللي ولـد مـيــن؟؟؟ = وبـغــى يـجـاوب.. واختـنق صوت رده
أنــا يـتـيم ومـا لــدربــي عـنـاويـــن = وجــزر الحـزن فيني يسـاوي لـمده
وطـعم الطفـولة ما عـرفته لها لحين = وثــوب الســعادة صــرت ما نيب قـده
ابـكي إلــى من شفت غيري سعيـديـن = لـيـن الـبكـــا فـيـني يـوصـل لـحـده
واقفى ورحت امسح دموعي من العين = وعـيـني تـناظر دمعـته فــوق خـــده
وهـذا اللي يـجرح الـقلب جـرحين = ويـمد حـبــل الـحـزن غصب ويشده

تحياتي
...........

 

 

أنـا يتيـم ومـا لدربـي عناويـن

وجزر الحزن فينـي يسـاوي لمـده

الحبيب عبد العزيز تسلم يمينك على هذا الموضوع الذي يلامس معاناة اليتيم وكان الله في عون من يتبنى تربية يتيم ووفقني الله واياك والمسلمين لكفالة الايتام وتقيم يد العون لهم 0

تقبل مروري ودمت بصفاء ونقاء 0

 

 

الاستاذ عبدالعزيز دئما مبدع ومميز وفقك الله

 

 

اخي عبدالعزيز
داااائماا مبدع .. قصيدة رائعه

 

 

قال رسول الله صلى الله عليه و سلم :
" أنا و كافل اليتيم فى الجنة هكذا وقال بأصبعيه السبابة و الوسطى "
أو كما قال عليه الصلاة والسلام



حياة الأطفال الأيتام مملوءة بالحُزن والألم
لا يعرفها إلا مَن عايشها في المنزل أو المدرسه
ومَن كان في قلبه ذرة مِن الحنان والرأفه
فعلا إنها حياة صعبة جداً وقاسية .


تحياتي لك يا أبو فهد

 

 

قصيدة مؤثرة جدا
كل الشكر على روعة النقل
وجمال الإختيار أخي عبدالعزيز
ورد وعيون الود

 

 

المشاركة الأصلية كتبت بواسطة عبدالعزيز بن شويل

تدري وش اللي يجرح القلب جرحين = ويمد حـبل الحزن فيك ويشده
انك تناظر طفل من غير أبوين = يمشي ودمعة سايل فوق خــده
منظر صعيب ويقسم القلب قسمين = لا قـام يمسح دمعة بكف يــده
يمشي ولا يدري طريقه على ويــن = لــيــن الـتعـب مـن كثر ما تاه هــده
اثقل حروف يشيلها فيه حرفين = لا اب يـدري بـه ولا ام تــرده
في خطوته رحلة ودمعة وسكـين = وحـظ تـوسد بالمـراسي مـخـده
جيت اساله بالله قللي ولـد مـيــن؟؟؟ = وبـغــى يـجـاوب.. واختـنق صوت رده
أنــا يـتـيم ومـا لــدربــي عـنـاويـــن = وجــزر الحـزن فيني يسـاوي لـمده
وطـعم الطفـولة ما عـرفته لها لحين = وثــوب الســعادة صــرت ما نيب قـده
ابـكي إلــى من شفت غيري سعيـديـن = لـيـن الـبكـــا فـيـني يـوصـل لـحـده
واقفى ورحت امسح دموعي من العين = وعـيـني تـناظر دمعـته فــوق خـــده
وهـذا اللي يـجرح الـقلب جـرحين = ويـمد حـبــل الـحـزن غصب ويشده

تحياتي
...........

ابو فهد
اتعبتنا وابكيت القلب قبل العين
غفر الله لي ولك ولكل مسلم
هنيئا لمن يكفل يتيم ويجاور الحبيب في الجنة

سلمت يداك وذائقتك ابا فهد