أنخمد عالبرد؟

يقل صاحبي ريت الميزانيه الله يحفظ الملك قلت ريتها وشبها قال فيها ارقام تخرع قلت الحمد لله حدي فالحساب عشره آلاف بعدها ماعاد اوحي شي قال ياخي شي ارقام تهول قلت طيب حتى العام ارقام تهول لكن وين هي
قال والله انك صادق مدري وين تغدي هذي الدراهم الميزانيه كبيره والغنم ارتفعت مع الارقام عاد الطلي ب1500ريال الله يستر لايجي يوم نشتري الطلي بنظام تاجير منتهي بالتمليك قلت يعني الضيفان يجون بالاقساط
قال تدري وش الحل قلت هسلم قال ياهبون ميزانيتين قلت يالطيف ثنتين كيف قال وحده للدوله والشعب والثانيه للحراميه ويخلون حقت الحراميه اكبر عشان ماحد يطمع في حقتنا قلت اخاف مايبدون الا بميزانيتنا يشفطونها لأن ميزانيتهم فالجيب
قال طيب وش الحل قلت الحل رح تلفلف في فروتك وانخمد عالبرد واحمد ربك دام العيش باقي 4 بريال فانحن في خير انا صح والا غلط؟


( منقول من مقالات الكاتب الساخر السيد غلط موقع ومنتديات العقشان)