على الجرح

الصاحب اللي شد واقفت مطاياه
ومايدري انه حط بجوفي حرايق

أكبر دليل ان الجفا منه ما أقواه
أموت وأحيا في غيابه دقايق

واللي تحبه حيل يا شين فرقاه
جربتها وعندي عليها وثايق

يجزاني الله لو نوى القلب ينساه
ماغيره بعيني من الناس لايق

ماقد خبرنا الطير يزهد بمرباه
الا اذا ماهو له الجو رايق

الشاهد الله صاحبي همي أرضاه
ماقد جرحته وش بلاه أمتضايق؟

يالوعتي..يا حسرتي .. ويش دنياه؟
خوفي عليه .. امغيرين الحقايق

الامر لله- قدّر البعد واقصاه
يالله عساها ما تزود العوايق


سعد الخريجي

 

 

.

*****

الجرح العميق
للشاعر: زياد بن حجاب

غلطه قديمه وانتهت لكن بقا الجرح العميق
اللي يبي يبقى على مر الليالي مالتئم

آسف لأني ما قدرت اصبر وغيرت الطريق
وآسف لأني ما قدرت افهَم اللي ما فهم

بركت للحمل الثقيل وطقت لو ماكنت اطيق
من شان لا قالوا زياد يقال والله والنعم

لكن نعم مفعولها ما ياصل يدين الغريق
اللي لمد ايديه للي ما يطيقونه سئم

ولا عاد يسوى في عيونه لا زفير ولا شهيق
شيئ يجي تقفاه منه يقطعه لو هو نسم

مسرح جريمة قصتي اكثر غموض من الحريق
اللي تضيع به الدلائل والقرائن والتهم

مافيه امر من الصديق ليا تنكر للصديق
ولا فيه بالدنيا اهم من المهم الا الاهم

الياصرت بالحالك فريق وفيه قدامك فريق
وتخاف بكره لانهزمت يقال مسكين انهزم

خذلك طريـق تظمن انه بالنهاية ما يضيق
وان طعت شوري خذ طريق الله ترى مابه ندم

وانا استخرت الله وعيني خايلت قمة طويق
القمه اللي فوقها رفرف للأمجاد العلم

والله لعانق راسها ما دامني حر طليق
حر اليامنه شلع من سرعته مثل السهم

ماعادت احلامي على خبرك ترى خبرك عتيق
وان شفت بعيونك هرم حلمي على راس الهرم

لي مده احلامي من العالي على الجزله تويق
صافحت كف المستحيل وقـال: مد ام الشحم

انا برئ من أي حلم يلبس ثياب الرقيق
ان ما امتطى صهوة جواد العز بالله واعتصم

*****

 

 

يبكي ويضحك

يبكي ويضحك لا حزناً ولا فرحاً
كعاشق خطّ سطراً في الهوى ومحا
من بسمة النجم همسٌ في قصائده
ومن مخالسة الظبي الذي سنحَ
قلب تمرّس باللذات وهو فتىً
كبرعم لمسَتْه الريح فانفتحَ
ما للاقاحية السمراء قد صرفتْ
عنا هواها، أرق الحسن ماسمحَ
لو كنت تدرين ما القاة من شجن
لكنت أرفقَ من اسَى ومن صفحَ
غداة لوحت بالآمال باسمةً
لانَ الذي ثارَ وانقاد الذي جمحَ
فالروض مهما زهت قفر إذا حرمت
من جانح رّفّ أو من صادح صدحَ




كلمات: بشارة الخوري