احسن ما قرأت من شعر الشاعر عبدالله لويحان رحمه الله

الله الله
شعر جميل
وبصراحة اول مرة اسمع بهذا الشاعر

تحياتي ومودتي

 

 

المشاركة الأصلية كتبت بواسطة الريحاني

الله الله
شعر جميل
وبصراحة اول مرة اسمع بهذا الشاعر

تحياتي ومودتي

اخي اشكرك 0 وهو علم من اعلام الشعر الشعبي في المملكه بل هو شاعر الملك عبدالعزيز والملك سعود 0 وكان يحضى بتقدير واحترام الاسره السعوديه الاحياء ومن مات عليهم رحمة الله 0 بارك الله فيك 00

 

 

.

*****

محاورة بين لويحان وأحمد الناصر:

كانت هذه المحاورة هي أول ردّية في البرنامج الذي نظمته كلية الآداب بجامعة الملك سعود بالرياض لشعراء الرد.
كان هذا البرنامج في عام 1396هـ في أرض جامعة الملك سعود بالدرعية قبل ان يكتمل إنشاء مباني الجامعة.
حضر الحفل في ليلته الأولى الأمير سلمان بن عبد العزيز أمير منطقة الرياض وعدد من الأمراء والوزراء وعدد كبير من محبي شعر المحاورة.
بدأ البرنامج بردَّية بين لويحان وهو طاعن في السن وبين أحمد الناصر، وإليكم المحاورة :


لويحان :

سلامي يا من حضر رديَّةٍ حلوة وسمحة مقاد
..…………….… رديَّةٍ وافيه واطلب من احمد زين مردودهـا
يا سيِّدي يابن سٍيدي برّقوا بالجمع والانفراد
………………… انتم حكم ملعبتنا وانتم الحضّار وشهودها


أحمد :

يا مرحبا بالعميل اللي طروقه بالمحاضر جداد
…………… اعداد وبل المزون اللي تهز الضلع برعودهـا
يا لله عليك اتكالي يا عظيم الشان والاعتماد
..………… يا مدبّر الكون دبّر نفسك عبدك وانت معبودها


لويحان :

شبيتّ واليوم شايب ما تبعت اللي يحب العناد
..………… تلطم خدود الأوادم واسود اللطمات بخدودها
يا ما اعتدوني وجوني مار صار الدرب صعب سناد
…………. والناس لولا حمقها طمعت الاجناب بحدودها


أحمد :

ما وكل آدم على ذريته ربك وكيل العباد
..………………… خل الاوادم تصادم خيل طاردها ومطرودها
يا للوح كلٍ اليا جيته يقول اني عقيد الشداد
…………… والطيبه هينه في حال والا حال ياكودها


لويحان:

انا ادفن القرص في جمرٍ تلظَّى ما ادفنه في رماد
….………… احب بيض المعاني كلها ومجنبٍ سودها
من طرّد الهرج يبلش ثم يبلش مثل داب الجراد
….……… الناس تفهم وتعرف طيب التمرة بعنقودها


أحمد :

ان شفت لك مجتمع ما ترغبه جنّب وصر بالحياد
……..... تمسي وتصبح سليم ولا يجي سمعتك منقودها
خل السوالف تجي وتروح قدّام الشتا والبراد
………. ودك تسولف ونفسك ما درينا ويش مقصودها


لويحان :

انا على الشاعر المتكبر المرجوج مالي جلاد
………… اقول ويقول غيري كل نفسٍ نقصها زودها
يقول انا الشاعر اللي ماظهر مثلي على وفت عاد
……… شعره على ناس مثلي مدها من قال ما جودها


أحمد :

الحمد لله لا تقومٍ تصبحنا ولا من هجاد
...……… والناس بالملعبه يا للوح تبذل كل مجهودها
خابرك فيما مضى رجلٍ صبور وبالمعاني ستاد
….… مالك ومال العرب والناس تنحى الناس بزنودها


لويحان :

ما احب كشف السراير والمعاني في ضميري جداد
….. يوم ان بعض العرب يدخل على الأموات بلحودها
الفاهم الفاهم اللي شاطرٍ بالحل والانعقاد
……… ما هو بيرمي من الجمرات في غبّات بارودها


أحمد :

ان طعت شوري تركّد والقرار الزين رمي الركاد
.………… ترى الفتن ما تصيب الاّ من العربان مقرودها

*****

 

 

.

*****

انا اشهد ان الهوى يالعاشقين أشكال وانـواع = احد(ن)دخل مسلكه واحد(ن)سحابه يستخيله
اللي دخل مسلكه شاريه بالميـزان والصـاع = وذاك يبـراه بالمنـدى ومطـوى صميـلـه
ياعزتي للذي له عـن ربيـع النفـس منـاع = احرق ضميري كثير الصبر والهجـره طويلـه
عذلت قلبي عن اللي يشتهي لاشك ماطـاع = و رد وعصاني ولابه ياهل المعـروف حيلـه
على براحات قلبي يـوم ثوبـي شبـر وذراع = يوم إن مالي مع هل الغـي طـاروق اشيلـه
واليوم قلبي على لاما هاك المخلـوق ينصـاع = كما يصوع الجوازي ريـح بـارود الفتيلـه
ما جالي اسناع يمة صاحبـي ماجالـي اسنـاع = اسير في ليلـة ظلمـا يضيـع بهـا الدليلـه
لو صحت في صوتي العالي فلا عيّنت فـزاع = يفزع معي بالمـروه والـد قاقـه والجليلـه
الله يسقي زمان قد مضى لـي فيـه مربـاع = يوم الموانـي تسيـر مـن قبيلـه فـي قبيلـه

*****