اسماء فى قصائد

لا واهنيك داله ٍ يآسعود

تمشي وقلبك دآيم ٍ سآلي

مالاعك اللي لاعني ياسعود

ولاجرالـك ما تـهـيالـي

ما صوبك راعي العيون السود

ولا شكيت مفآرق الغالي

اسهر وكل العالمين ارقود

ودموع عيني تهمل اهمالي

اللي نبيه ما عاد به مآجود

ياسعود هذا منزله خالي

ماهو بقصده يوم راح اصدود

لاشك هذي دبرت الوالي

يالله عسى هاك الزمآن يعود

وترجع ليآلي ضآيق البآلي

بس اتحرى يومه الماعود

حالي قضى ما عاد به حالي

الشاعر الامير بندر بن خالد بن عبدالعزيز ( المشتاق)

 

 

ياسعد وش شاف مجنون ليلى بالغـرام
أشهد انه وان بِلِـي بلوتـه ياهونهـا

ياسعد ليلاه وان مات فيهـا مستهـام
تدري انه بالهـوى ياسعـد مجنونهـا

المصيبه من غدى ميتٍ له كـم عـام
عشقته ماتـدري انـه قتيـل عيونهـا

قرهدت نفسه عليها ومـرّ الكبـد زام
ودوك قلبه ياسعـد مزّعتـه طعونهـا

ياسعد والله يالولا الحيا واخشى المـلام
والقرابه والحيـا والهـوى وجفونهـا

لاانهبه وانحاش واجلى جنوب ديار يـام
ما يردن لو وقف جيش هتلـر دونهـا

ياسعد راع الهوى بالهوى لاضيم شـام
مايـرده طـول بيبانهـا وحصونـهـا

وان غوى راع الهوى في هواها مايلام
لااجتمع غبن الزمن ياسعـد وغبونهـا

ياسعد هي منوة اللي تمنـى والمـرام
لعن ابو حظٍ قصر ياسعد مـن دونهـا

أسمع الرعاد واخيـل بـراق الغمـام
بس مادري ياسعد وين وبـل مزونهـا

وياسعد والله فلا اسلى هواها لاحـرام
لو يلوح الشيب في لحيتـي وقرونهـا

وخذ وصاتي ياسعد وصلّه بنت الحشام
ذي وصاتي كان غيري غدى مظنونهـا

لا شرت ثوب الفرح تشتري لي باع خام
يدفنونـي ليلـة العـرس ويزفونـهـا
الشاعر -خليل الشبرمى

 

 

يا حمد
الشاعر يوسف المطلق

عَيّت عيوني يا حمد تمرح الليل
باسباب خلّ(ن) يا حمد راح وخلان

كل ما ذكرته يا حمد شفت أنا الويل
وزاد الشّقاء بالقلب من زود ما جان

اللي عليه العين هلّت هماليل
من موق عيني انثر الدّمع ولهان

يا ما سهرت اللّيل مع نجمة اسهيل
واشكي عليها كود ما بي من أحزان

لا شك أبصبر علّها لي تساهيل
مالي جِدَا غير الصّبر طول الأزمان

رضيت بالمكتوب لو قيل ما قيل
ما تنفع الشّكوى على غير برهان

هذا نصيبي وانكتب لي غرابيل
وعزّي لمن مثلي قضى اللّيل سهران

 

 

احتاج خدمه من الاعضاء


ساعدونى فى ايجاد القصيده التى مطلعها


دن لى يا سعود قرطاس ودواه -- .....................

ولكم جزيل الشكر

معلومه ربما تكون صحيحه الا وهى ان القصيده
ربما تكون لشاعر بحرينى ولست متأكد

 

 

يا بو فهد

يابو فهد مني غدا الشوق ويلاه
والشوق لا منه غدا من يجيبه

صد الخليل وكايد اليوم مالقاه
يافرقة الخلان ياهي صعيبه

خلي عزيز وكيف أنا اليوم أسلاه
من سبب الفرقا عسى الله حسيبه

الي حرمني ................
جعله عليل ومايحصل طبيبه

خلي من الخفرات ماشفت حلاياه
هو سلوة المحزون وغيره شبي به



كلمات: عبدالعزيز البصري

 

 

يا حمــــــــــــــــــود

يا حمود أنا عارضي شابي .. طرد الهوى جزت أنا منه
يا كــود وضــاح الأنيــــابي .. هذاك مني ...... وأنا منه
عسلوجة حشو الأثيــابي .. وردوف للثوب ......شالنه
يا ما حلا جدع الأسـلابـي ..وركاي سني ..على سنه
والزين لو هـو ورا البابي ... لزمن عيوني .... يشوفنه
يا رب إغفر .....لمن تابي .. العبد مطلوبه ........الجنه

 

 

.

*****

يا كليب

من اشهر القصائد قصيدة ياكليب شب النار ياكليب شبه
ياكليب شب النار ياكليب شبه ::: عليك شبة والحطب لك يجابي
وعلي أنا ياكليب هيله وحبه ::: وعليك تقليط الدلال العذابي

القصة والقصيدة منقوله دون تعديل

يقولون انه على وقت الامير محمد العبدالله الرشيد ذاع صيت / دغيم الضلماوي

الشلاقي الشمري ذاع صيته بالكرم وخاصة القهوة ......

دعونا نرى ما هي قصة ( دغيم الضلماوي مع القهوة )

كان ابن رشيد جالس في مجلسه ويتباهى بالكرم فقال له احد الجالسين يا طويل العمر لاتفتخر بالكرم فهناك من
هو اكرم منك فقال ابن رشيد من هو فقال الرجل ( دغيم الضلماوي ) رجل فقير وان اتيته في منتصف الليل
لوجدت ناره لا تنطفئ والقهوه جاهزه في كل وقت فسكت ابن رشيد ليتأكد من الكلام وحتى لا يذهبالرجل ليخبر دغيم .

وبعد مده ذهب ابن رشيد في منتصف ليله شديدة البرودة لمنزل دغيم واراد أن يتأكد من ما سمع عن كرمه
فتسلل ابن رشيد خلف بيت دغيم واذا بالنار مشتعله والدلال على النار ثم بدأت النار تنطفئ فقال دغيم لابنه
كليب قم شب النار فقال كليب اليوم برد واحنا في آخر الليل ولن يأتي أحد فقام الاب واشعل
النار وانشد يقول :

ياكليب شب النار ياكليب شبه ::: عليك شبة والحطب لك يجابي
وعلي أنا ياكليب هيله وحبه ::: وعليك تقليط الدلال العذابي
وادغث لها ياكليب من سمر جبه ::: وشبة الي منه غفى كل هابي
باغي ليا شبيتها ثم قبة ::: تجلب لنا ربعا سراة غيابي
بنسريةً ياكليب صلفا مهبه ::: لاهب نسناسه تقل سم دابي
سراة بليل وناطحين مهبه ::: متكنفين وشوقهم بالعذابي
الوالمة ياكليب عجل بصبه ::: والرزق عند اللي ينشى السحابي
صبة لقرما صرفته ماحسبه ::: يوم البخيل مكنهب الوجة هابي
وصبة لمنعورين ليا جاة نبة ::: يرخص بعمره والدخل لها ضبابي
وعدة عن اللي مايداري المسبه ::: اللي يدور بالقصير الغيابي
عن الطيب عده نازلا له بغبه ::: يضرب علي درب الخطا مايهابي
لا باطن الهلباج خطوا الجلبة ::: يا حلو خبط عصيهم بالركابي
أطمر لهم وأبدي سلام المحبه ::: لا جو على هجناً يديهم خرابي
سلام أخلى من شخاليل جبه ::: وأحلى من السمن الجديد العرابي
مع كبشً مصلاح راسه نجبه ::: لا أدبر الهين متين العلابي
خطو الولد يوم الملاقي نكبه ::: يأتي علينا من حساب الزهابي
وحتى ايش لو يلبس وبينن وجبه ::: معيرة على غضير الشبابي
أنا لقيت الصبر يازين غبه ::: يرقيك رؤوس مشمرخات الهضابي
من لاصبر ياكليب في حكم ربه ::: هذاك يوم البعث ماله ثوابي
يقولها اللي ما حسب المسبه ::: ولا عرقل الاجواد ببعض الهلابي
هذا هوى بالي وهذا مطبه ::: من قبل مايسفح علينا الترابي

سمع الامير محمد العبدالله الرشيد بكرم الضلماوي وكثر ذكر الناس فيبي يشوف عن الضلماوي وصدقه يوم يقول :-
الوالمه يا كليب عجل بصبه = والرزق عند اللي نشى السحابي

يوم جاء تالي ليلة من الليالي قال الامير لبعض اخوياه الخاصين ترونا نبي نسير ولاعلمهم بوجهته ويوم جاء تالي الليل الا يوم نوخو على الضلماوي فقام الضلماوي ورحب بهم يوم دخلو الرقة وشاف الامير محمد الوجار الا والله الا النار حيه والوالمه على النار وصب لهم الضلماوي من الوالمة وقام يحمس الثانية وقبه النار .

قال الامير محمد :-
ما تقولي يالضلماوي وش عندك به يوم انك تقوصد يا كليب يا كليب .
فعرف الضلماوي ان الامير زعلان فقبلة وقام ومد يده للامير وقاله :-

مده رهن لولاك ماقلت ياكليب ::: ولا قلت شب النار وصر موقدا له
في ليلة تجدع سواة المشاهيب ::: نسرية تلصق خليل لخله
نطعن بعزك ياحصان الاطاليب ::: عسى الله جمع حزمتك ما يفله
يالجوهر الناريز يالمسك يالطيب ::: يا عنبرا من جربه مايمله
تكفي محاليب وتملى مجاليب ::: وكبد تيبسها وكبدا تبله
ياطير شلوى مالقي بك عذاريب ::: لو تستحتي ما تجمع الطيب كله
يا بو اليتامى والارامل ومن عيب ::: وأبوا لمن صار العصى ثالث له
وابو المحرول والاعمي والمحاديب ::: ومن ضامته بقعاء تصير ولدا له
أن كان هرجي به عليكم عذاريب ::: سامح عسى اللي عقبك بألف حله

قال الامير محمد العبدالله يالضلماوي قال نعم
قال والله ماتشريه غير ماشريته مدام ان حي كل ما احتجت تجي يمي وتاخذ حاجتك
عقبه كل سنه قام يقيض بأطراف الديرة عند ابن رشيد ويجونه المسايير من كل جهه .

أرجو أن تنال القصة على استحسانكم

*****

 

 

وتقول عساها اعجبتكم القصه
انت اخي الكريم اتعبت الجميع فكل
ما تكتبه اوتضيفه فيه فائده واضافه جميله
لك مني تحيه حب وتقدير

 

 

يا حمود ليتك يا نديمي معي تو - وقت العصر والشمس مكسور فيه
جلست اخايل بالسما بارق النو - ليتك ترافقني بروحة عشيه
نطلع سوى خلف النهايد ورى جو - والا ترى ميعادنا حول حيه
معك الزهاب ومن قراح الجبل رو - وانا على الكيف ونمرة حشيه
شفقن على الفنجال مع شبة الضو - بجبال اجا وسط الفياض العذيه
ترى الونس يا خوك لا برد الجو - والا مع جمع قلوب وفيه
الراي واحد ان طرى يوم شدو - كلن يداري بالموده خويه

 

 

للمره الثانيه بدون امر اخواني اخواتي الكرام

احتاج خدمه من الاعضاء


ساعدونى فى ايجاد القصيده التى مطلعها


دن لى يا سعود قرطاس ودواه -- .....................

ولكم جزيل الشكر

معلومه ربما تكون صحيحه الا وهى ان القصيده
ربما تكون لشاعر بحرينى ولست متأكد