ما وطّيت رأسـي لمخلـوق

رغم أن عبد الواحد بن سعود الزهراني مبدع في فنون الشعر الشعبي لكنه أجاد في فن القلطة

أريد أرآءكم في هذا النوع من الشعر

وجهة نظري أنه أجاد بنسبة 100% ربما لأن القصيدة لامست جوانب من حياتي وربما تكون هي الحقيقة .

----- رائعة شاعر الجنوب المبدع ----- = عبد الواحد بن سعود الزهراني
=ْ
مـع تحيـاتـي وخـالـص ودادي=يامنتهى الروعـة وياقمـة الـذوق
شكرا على استقبالك الغيـر عـادي= شكرا على ترحيبك الغيـر مسبـوق
دوبي دريت اني برغـم اجتهـادي= العب بكرت من اول الليل محـروق
عندك شعرت بغربتـي فـي بـلادي = كأن من شخصيتي شـي مسـروق
ماجيت اقدم لـك خطـاب اعتمـادي=سفير جمهوريـة الغـش والبـوق
ولا ني اسير ابغاك تطلـق قيـادي =ولانيب عبد(ن) مشتريني من السوق
ادري لو ان الشمس تقـدح زنـادي= وتنسج تحت جلدي شرايين وعروق
اظل فـي وجـة نظـرك الاحـادي=رجعي ومتخلف وكـادح ومسحـوق
لكن تـدري عقـب هـذا التمـادي = خبرك عتيق الناس شبوا عن الطوق
من حقي آمـارس هوايـة عنـادي = واغترّ وآرجّع لك الطـاق مطبـوق
بأسم الشموخ العفـوي الـلاإرادي = عيني كذا ما تنظر الا علـى فـوق
مثل السراب آهيـم فـي كـل وادي = وآموت ما وطّيت رأسـي لمخلـوق