ديون سعد بن جري الشهري - شاعر نظم وعرضه وقلطه

يا هيه فق من سباتك واسمـع العلـم واف=اسمع وانا أنبيك عن هقواتنـا وش عبـن
يكفيك منا ثنين وصلـوا اقصـى المطـاف=وقاموا بفعل منـه عظمـى الـدول تكربـن
ولا ما لاحظـت سطـوة لحظـة الإلتفـاف=ورباطة الجـاش والإتقـان ليـن ضربـن
عن كوكب الأرض وينك لحظـة الإرتجـاف=نهـار دس النعـام الـروس بيـن التبـن
يا من تعاظمت واستغربـت ثقـل الخفـاف=هذي الجواهر الـى جـن سوقهـن كسبـن
وكان إستثارك سمو النـص معنـى وقـاف=نـوادر آداب لاصـحـاب الأدب ينسـبـن
والمجد ما يرجي اللـي مايعـرف إعتـراف=ومن لا يعرف الحقايـق منـه مـا يطلبـن
شم النوايـف ماتبصرهـا عقـول الكفـاف=ومن لا هقـى بالنوايـد منـه مـا يقربـن
يا من تجاهلتني مـن كـاده الكـود عـاف=مواجـه(ن) بـه تـذل آمـالـه ويغلـبـن
من الحجر يولد الصـوان مـاش إختـلاف=والله خلق من حجر خلق وخلق مـن لبـن
تعطى الكرامات أهلها الظاهـرة والخـواف=مكـارم مـن كـريـم لأهلـهـا يوهـبـن
أنا من أهـل المكـارم والتقـى والعفـاف=أهل نفـوس علـى نهـج الفضيلـة ربـن
أنا من اللي مـن الرحمـة قلـوب عجـاف=لا ضدوا الضد صـاروا لـه زوال وغبـن
أنا من ابني شهـر مرويـن حـد الرهـاف=ومخضبين النوافع يوم أنـا آخـو , وإبـن
بين الثقلين صيـت وهـل فعـول تشـاف=وسطواتنا غير لا صـاب السواطـي جبـن
ما نحتـزم بالبنـادق غيـر يـوم الزفـاف=نطرب بهـا أفراحنـا وهـن بنـا يطربـن
متعاهدين(ن) ما ننطـح بالبنـادق خـلاف=خوات من شالهـن للحـرب مـا يخطبـن
ننطح بشلف ما يلحقهـا الظمـا والجفـاف=بيدين أهلهن مـن كبـود العـداء يشربـن
بالسيـف والنافعـي ورماحنـا والشـلاف=قـرت حـدود الـديـار ودرت أم اللـبـن
أسود غـاب بهيبتنـا الحمـى مـا يحـاف=واليا زبنـا الدخيـل مـن المثـاري زبـن
والجار في جالنا لـه مـن شيمنـا لحـاف=وأنظارنا فـي حليلـة جارنـا مـا صبـن
والضيف يلقى البشاشة والقرى في الصحاف=سمن وسمين وعـود أزرق وهيـل وبـن
وخوينـا مـا يكـدر بـالـه ولا يـخـاف=وبنا خيول العفـو عـن زلتـه مـا كبـن