في مخيمات وشهريات ساحات وادي العلي

.

*****

من القصائد التي قدمها الشاعر الكبير فاضل الزهراني على اللون (الطرق) الشهري


البدع

تمر حده
حُد سعر التمر من بعد طول الصبر حده
وارفع السعر في حشمة كفوف الصابرين

الرد

الصبر حده
قد بلغ حبكم من بعد طول الصبر حده
غير بصبر و يا ربي تعين الصابرين

البدع

جرح باري
جرحك اللي جرحته لا تحسب الجرح باري
إن هويتك مصيبه وان تجافينا مصيبه

الرد

اطيور الحباري
حبسي الله على من شدد اطيور الحباري
واشهد انك تجيد القنص واهدفك مصيبه

تحياتي للجميع

*****

 

 

.

*****

البدع للشاعر خضران بن عيدان

في ما مضي كان عندي للقناصه هوايه
علمني ابي فنون الرمي واصبحت رامي
خذنا مقمع وبيحاني وجات ام حبه
طلايع الميزر الغالي يشوق مشاريه
وبندقه ما تصيب الصيد وش تقتنا له

الرد من الشاعر فاضل الزهراني

لي صاحبا قد عرف شفي ويعرف هوايه
وأما أنا سلمت له قلبي وطيب احترامي
وهو يقول التواصل بيننا من محبه
وان شاء الله ما بيننا تمضي دروب(ن) مشاريه
يشتاق لي لـ حداه البعد واشتقت أنا له

تحياتي للجميع

*****

 

 

.

*****

الشاعر المتألق: محمد بن مسعود الزهراني

تغنى بكسرة ثم قدم بعض قصائده الرائعة ومنها:


يا ناس ما حدٍ صبر صبري ... لا الجيل الول ولا الثاني

.....

الله يجازي كثير الناس ... هرج القفا ما يخلونه
هرج القفا عندهم نوماس ... ولو هو قليل يزيدونه

.....

ثم قدم الشعر محمد بن مسعود قصيدته الشهير التي قاله بعد احدث سيول مدينة جده

وفيها يقول الشاعر بن مسعود

يا طويل العمر هذا ما حصل في زفة العروس
لبسوها الثوب الاسود والايادي خضبوها بالدم
وعروس البحر الاحمر صدقت من غرروا بها
اغرقوها بالملاهي في الشمال وكَشفو عورتها
والمطر والسيل زادت كشفت عورة جنوبها
اكثر من مية شهيد اقفوا ضحيه قبل عيد الاضحى
أحسبوها ارواح ناس ولا تضيع بزحمة الارقام
والله ان الصدق اللي قال جده ام الرخا والشدة
الشدة لاهل الجنوب أما رخاها في شمالها

القصيدة الثانيه التي قدمها ابن مسعود

ودي اكتب لك قصيدة ما بيكتبها ولا نزار
ما كتبها قيس في ليلا وبن زيدون في ولاده
لا كثير قالها في عزه والا قالها جميل
وان نشدك الناس عمن قالها قولي لهم زهراني
ما كتب للحب قيس ولا بدا للحرب بن شداد
قولي أول ما عرفته قلت هذا من قتيلة عذرم
يوم قال انا سعودي قلت هذا من جنوبها

أما القصيدة الثالثة فبدعها حسب علمي من شقيق محمد بن مسعود ويقول

يامحمد ف الحناشه مايسمونه حناش الطين
تحتزم له لاسمعت اسمه وتقدر تقتله برجولك
هو صحيح اسمه حنش لكن ماجا فيه سمها
غارقن بالوحل مايقدر يفارق طينته واوحاله
واللي مثلك مايقرب مـن وساختها وطينها
وان عرض لك حية(ن) رقطا فرد ايدك على الجنبيه
قصها نصين فـان اللي قتلها سم نابها

الرد من الشاعر محمد بن مسعود

والله اني مستريح البال ومكيف على شطين
واترك اهل الفتنه الي لبدو جايوك يترجولك
سمها قلة رجوله وانهي اكبر فانت سمها
ادري انه طفل ما يقوى ولكن غيره الي اوحله
واني اترفع عنه حتى برجلي من وطينها
ما حسبت الغدر مادام انت وامثالك على جنبيه
والشجاعه والرجوله والفصاحة سمنا بها

تحياتي للجميع

*****

 

 

.

*****

في شهريات ساحات وادي العلي تغنى الشاعر فاضل الزهراني برد القصيدة التالية وهي على طرق الجبل ومن اقوال الشاعر "شعيبي" وفي بدعها يقول الشاعر شعيبي "رحمه الله":

البدع

يافايق "التيسين" رعيانك عوازيب
مارعاك إلا شعيبي
فايق "التيس" الذي في حلق دوقه
جرّت " الأوكان " فوقه
الله يعلّك بالمطر يافوق يافوق

الرد

نصيحتي لا تعشقين إلا عوازيب
فإنّ عشق الشيب عيبي
وابن آدمي ما يأخذ إلا من وفوقه
يا عطر والماء يسوقه
حب الخلايق راخيٌ وأمّا أنت جاء فوق

كما تغنى الشاعر فاضل الزهراني بقصيدة على الطرق الشهري وهو يشبه لطرق الجبل واعتقد انها من اقوال الشاعر فاضل الزهراني

أحرقت قلبي والاكباد من نظراتها
ليتها تنزل على جالت الوادي الوسيع
واتبع الآثار وامشي على خطواتها
ليت خطوات الضبي عن عيوني ما تضيع
ليت ساعات التلاقي تطول أوقاتها
العيون التي رمتني وانا منها صريع
ليتها ما تحرم القلب من رمياتها

قصيدة من اقوال الشاعر فاضل الزهراني

البدع

أنا احسب إن السخا موجود واثر السخا فات
متى بعد ندرس المنهاج ومتى بعله
وامتى بعد ننصر المضلوم ومتا بعينه

الرد من فاضل الزهراني

اقسم لكم ما نفعنا لا مهند ولا نور
واقسم لكم لاصبح العالم عبيد السخافات
إلا متى كل ماجا فاسق متابعيين له
وانحن نسينا قضايا القدس ومتابعينه

قصيدة قدمها الشاعر فاضل الزهراني ولا اعلم من قال بدعها الذي يقول فيه


........... وتضيق دايم
ما جابه إلا غلام(ن) يمتلك منصب ارباح
كلا(ن) يقل ليت ذا الموتر لدار الحسا فات
قدام ما يلحقونه غبن وتحسفيه

أما الرد فهو من اقوال الشاعر فاضل الزهراني

يا كملي اصبر على جبراك وتضيق دايم
صبرت من شوق وترجيت لين الصبر باح
من بعد ما اقفيت والله ما عليك الحسافات
حلفت لاهملك الين تحن وتحس فيه

تحياتي للجميع

*****

 

 

للمخيم
هذه رسالة تحيه وتسليم لساحات وادي العلي ورجالها من عبدالله ابن هشل القذاني حفيد ابو رفيدي ) اعمى قذانه (
اعجابا بما شاهده واعترافا بفضل رجاله فله الشكر وانتظر تفاعلكم مع قصيدته لان شهادتي فيه مجروحه 0
بدع عبدالله القذاني
يا نايف يا بن عوضه ودي ارسل سلام
السلام الذي مثل القمر في الظلام
يصل من دار قذانه لوادي العلي
يقترو به الشيوبه يقترو به الشباب
وعلي بو علامه وابن قسقس عظام
نظموا منتداهم لين كمل وقام
ودي اخص بالتسليم بيت آلرمزي
البيوت العظيمه ما انتحي الا لها

الرد من عبدالله رمزي

مرحبا عندنا تلقى الأمن والسلام
عند قيف العلي لألتم ما فض لام
يا حفيد الرفيدي لك مكانا علي
جارك الله من هول اللظى والشباب
والله يجير دمك واللحم والعظام
أنت غالي على الوادي رفيع المقام
لك في الخير والواجب علامة ورمزي
والقلوب النوابض فأنت حلالها

وهذا رد نايف بن عوضه
يا مرحبا يا عزوتي في حرب والا سلام
يحفظك ربي من جميع الفتن والظلام
مثلك ندور له وننشد في النوادي العلي
والنار للضيف توقدها وتسد للاش باب
والخصم يلقى عندكم قدره بكسر العظام
واما انت قدرك مثل قايم مقام
اعرفك قرم بالشيمه تتحلى عيانا ورمزي
وانته الذي يدرى المشاكل وانت حلالها

 

 

.

*****

تشرفت بمشاركتك يا أبو صالح وتقديمك للبدع الذي قدمه الشاعر عبدالله القذاني وردودك أنت وعبدالله رمزي اثرى الموضوع وأنا اتمنى كتابة أي قصيده قدمها الشعراء في مخيم وشهريات ساحات وادي العلي

لك التحية والتقدير يا أبو صالح

*****

 

 

.

*****

على طرق اللعب في مخيم ساحات وادي العلي الثاني

البدع - محمد مسعود
أقوله يا سوق شعبي ليتنا ما نزلناه
السوق شعبي وبه ناس(ن) تولى الحضاره
لك الله أني حسدت الارض من طيب ممشاه
يا ليتني جار له بابي مقابل لبابه

الرد - رياض الخزمري
ياليت ساقي عن الودي رفق ما نزل ناه
الهيل واحد مع اهل البدو واهل الحضاره
ومغرس اللوز لين الحين ما شفت ممشاه
لهم سنه يغرسونه ما طعمنا لبابه

البدع - سلطان الغامدي
ياذا رقيت الجبال لعلاه والا هويته
إن كنت قاوي فهذا الضلع قم شد فارقاه
لا تحسب انه مع كثر العذاريب لانا
ماحد بيقدر على نقله ولا بت صلبه

الرد - علي الدوسي
ياليتني ما عشقت الزين وإلا هويته
دارت علينا السنين وظلمت حال فرقاه
مادام يناس من سيد العذاريب لانا
حرمت ما عاد أجي بيته ولا بتصلبه

البدع - يوسف الدويحي
يا زين يمكن تمر الحي صدفه وباراك
وشرتكم في اللقاء وثاركم ما تشارون
مسكين مسكين من يحسب يجي مالفلس طين
ومرزقي فالحياه من كل فج ارتبيته

الرد - يوسف الدويحي
شارون ينهج بخطة بنيمين(ن) وباراك
ونحن نقل كمن الله ياعرب مات شارون
ملعون ملعون يا سفاح دمر فلسطين
كم مؤمن(ن) في بلاد القدس فجرت بيته

طرق شهري في مخيم ساحات وادي العلي الثاني

البدع - فاضل الزهراني
ما عاد لك فالهوا نيه
تعبت يا قلبي العاثر
ما عاد لك فالهوا نيه

الرد - رياض الخزمري
من ضعفها والهوا نيه
للخيل حضا غدا عاثر
من ضعفها والهوانيه

البدع - سلطان الغامدي
كم مرة فيه عامينا
البحر هايج وما ارسى له
كم مرة فيه عامينا

الرد - رياض الخزمري
وآثارنا عنه عامينا
جتنا علومه ومرساله
وآثارنا عنه عامينا

بدع ورد ختام للعرضه من الشاعر فاضل الزهراني

البدع
مكثور خير النشاما
تجملوا من سعه

الرد
برقا وبعده نشا ما
وسيولها منسعه

*****

 

 

.

*****

من القصائد التي قدمها الشاعر فاضل الزهراني

البدع -

غبني على مرسدس شكله ولونه زريف
ما يصلح الا معا حكام والا لبيهات
من سرعته ما يحب الا بعيد المشاوير
وطاح في سواق يمشي بهونا
تغيرت خلقته وانواره الليزرية

الرد - فاضل الزهراني

ياهيل لا تنتهز قلبي ولو نهز ريَف
خليت قلبي وتفكيري وعقلي نبيهات
وان كان شاورت عقلك لا تعيد المشاوير
يا هيل وشبك تحد النظره وامشي بهونا
هي نظرة أهل الهوى والا معك لي زريه


*****