مجموعة قصائد الأمير خالد الفيصل ( دايم السيف )

المشاركة الأصلية كتبت بواسطة ~~ شموخ ~~

\
/
\

الفاضل ... ماجد الشهري

طرح راقـي .. شكرا لهذا الأبداع في الأختيار

الشكر لك ولتواجدك الدائم والمستمر ولرقي مواضيعك ومشاركاتك

 

 

يا شيخ

يا شيخ اشوفك شارد الذهن مشغول = الله يعينك يا نطيح الثقيله
مثلك جعله الله على الناس مسؤول = من فوق حمله حمل غيره يشيله
ومثلك يذب الريع والحمل منقول = يقطع به الفرجه ولو هي طويله
ومثلك كما سيف شطير ومسلول = لى كبرت القاله فصلها فصيله
ومثلك يفتح بالرجا كل مقفول = ضحكة حجاجه كل هم تزيله
لا تشغل الخاطر ترى العبد مكفول = عادات ربي في عباده جميله
حكمة عزيز جاعل الغيب مجهول = والله جعل في كل قلب دليله
آمر ترى لازمك حاصل ومزهول = بارواحنا نشريه لو هي قليله
من راد بك شر دحرناه مخذول = ومن راد بك خير نرد بمثيله
يجزاك ربي عـن سجاياك بقبول = كم نـاصرت يمناك معدوم حيله

 

 

أعظم الحب في اتفاق السجايا = وأبر الوفاء ما هو مذهب
كلما لاح فيصل في خيالي = شامخا وانتخيت يا لك من أب
لاح سلطان في صميم حياتي = وأراني أبي ..وجاء بأعجب

 

 

سلطان

بالهون يا متعب قوايمك بخطاك = ما تستطيع الرجل تلحق هقاويك
ارفق على نفسك ودربك وممشاك = تعب القدم والدرب واللى يباريك
يا شيخ هون خطوتك لا عدمناك = معذورة كان الرجل ما تماشيك
سبحان من سمح طريقك وقواك = درب الوعر تمشيه والله يقديك
يا ساعياً للمجد والمجد يزهاك = المجد يا سلطان في كف اياديك
سمعتك طارت من ثرانا بالأفلاك = شمس يسير بنورها من حواليك
ان غابت الاخلاق تبقى سجاياك = واذا انتهى المعروف يبقى الكرم فيك
اسمك على فعلك يتوج مزاياك = سلطان خلانك وسلطان أعاديك

تغنت

تغنت طيور أبها ومالت غصون الريف = ولبس الجبل غترة بياض من مزونه
سرت في الروابي فرحة مالها توصيف = تبسم بها سلطان والخير مكنونه
تشرفت بزيارة قروم العرب تشريف = هلا بالذي كل المراجل يرومونه
ترى العز بالجمعا ومن شذ راح ضعيف = ويمنى بلا يسرى بالاخطار مرهونه
إلين اجتمع راي صويب وحد رهيف = ترى كل من راوز حماكم تردونه
عملكم ظهر والهرج من غيركم تطفيف = يقولون لكن ما حصل ما يقولونه
صدقتوا نجحتوا وارتفعتوا عن التسويف = عسى الله يوفقكم على ما تريدونه
أحاول أجاري شاعر المجلس الحريف = وارد التحية مثل ما جات موزونه
أروح عن اللي صابته شارة الهديف = رماه الشطير اللي تركد على هونه
أبا أنصحك يا محمد تجي حزة التصييف = وعلى سنة الله كل شي تدركونه

 

 

لا تزايد

لاتــــــــــــــــزايد بالإسلام وتجنى =من حكم بـــــــــالشريعة غير حنا
ومن رفــــــــــع كلمة التوحيد رايه = وأعلن الدين الدستــــــــور وتبنى
يوم بعض العــــــــرب شرق وغرب =مــــــــا ثبت غير اسود العرب منا
ويوم كل عـــــــــن إسلامه تخلى =ألتجا هارب الــــــــــــــــدين وزبنا
ويوم هانت على المسلم صلاته =واستهانوا وهانـــــــــوا ما ستهنا
ما يـــــــــــــــزايد علينا غير ظالم = أو عــــــــــــــــــــدو ولا زال يتمنى
يا بـــــــــــــو متعب ترانا فدوة لك =اضرب بسيفــــــك اللي ما تثنى
لا تخلي لخاينهم هقــــــــــــاوي =أو لنــــــــــــــــذل تستر واستكنا
ومن يبرر لهم تــــــــــــــراه منهم =لــــــــــــــو لقى فرصة فينا طعنا
دارنا مـــــــــــــا تهون لمن بغاها =نرخص الــــــروح ولا يرخص وطنا

 

 

التحدي

كل ما زاد التحدّي زدت قـــــــــــوه =عادة لابوي وجـــــــــدي من قديم
حـــــاملين المصحف وهدي النبوه =والسيــوف إذا انتهى حلم الحليم
من قديم سنينها مــــــــاهوب توه =اســـــــــأل الدرعية وركن الحطيم
من قديم سنينها مــــــــاهوب توه =اســـــــــأل الدرعية وركن الحطيم
السعودي له مــــــــــع القوة مروّه =ان ضرب يقطع واذا استولى كريم
وان رحل قرم ظهر قـــــــــرم مفوه =ماسدة أبطال معظمهم عظيـــــم
يا العدوّ مـــــا كان في نيتك سوّه =نستعين الله على حـرب الخصيم
كل ما شب العدو نيــــــــران ضوه =نسكب مــــــــن مزننا سيل وديم
تجرف سيول الغضب قـــــوة عدوه =وتجعل اقصيــرات هقواته هشيم
والمنابت تزدهر مــــــــن ديم نوه =مـــــــا يميل بزهرها غير النسيم
ناصــــــــــــع تاريخنا ما قد تشوّه =ما يضيره جــــــــــــــاحد ولاّ لئيم

 

 

أخي الكريم

ماجد الشهري

شكراً لحضورك الدائم بالساحة الأدبية
ولكل من تداخل وتفاعل معك لنقل القصائد المميّزة للشاعر الفذ
صاحب السمو الملكي الأمير/ خالد الفيصل " دايم الســــــــيف "

مثمّناً استمرار الجميع في التواصل المتتابع هنا ،
متمنياً لأفكاركم وأقلامكم التألق المستمر.

مع تحيات:

مشرف الأدب والقصة

 

 

(( ياغايبه ))

لخالد الفيصل


يا غايبة إلا عن الخافق سلام
ردي علي يا همسة الخافق سلام
ردي وخذي مني ليالي في العمر
أقطف لك النجمة وأذوب لك قمر
وألبسك ثوب النسيم وأعطر أيامك زهر
وأقول أحبك ... أنا أحبك
أحبك .. وأفرش لك الدنيا حرير
ماهو على الغالي كثير

ياعذبة الصوت نادي الهوى فيني
ملّ السهر حيل من صحبة لعيني !
أسهر وأسهّر لك نجوم
وأصحا على طيفك وأنوم
وأنتظر للصبح مرسول الشعاع
نورك اللي غاب من يوم الوداع
وأقول أحبك ... أنا أحبك
أحبك .. وأفرش لك الدنيا حرير
ماهو على الغالي كثير ........

******

 

 

الأخ مشرف الأدب والقصة
شكرا على اشادتك
والشكر على التعديلات
وإن شاء الله نكمل كل قصائد دائم السيف
............................
الأخ ابوناهل
شكرا على تواجدك ومشاركتك

 

 

المشاركة الأصلية كتبت بواسطة مشرف الأدب والقصة

أخي الكريم

ماجد الشهري

شكراً لحضورك الدائم بالساحة الأدبية
ولكل من تداخل وتفاعل معك لنقل القصائد المميّزة للشاعر الفذ
صاحب السمو الملكي الأمير/ خالد الفيصل " دايم الســــــــيف "

مثمّناً استمرار الجميع في التواصل المتتابع هنا ،
متمنياً لأفكاركم وأقلامكم التألق المستمر.

مع تحيات:

مشرف الأدب والقصة

الاخ ماجد الشهري أضم صوتي لصوت مشرف الأدب والقصه وعلمنا واحد
تقبل مروري ودمت بود