محاورة بين بن هندي والبديع (يالبديع الدراسه أبتدت وين أنت)

.

*****

البدع من بن هندي

يابو ماجد هبينا الرشا فوق المحاحيـل =
وحب البرّ كلنـاه واصبـح بالقفافـي =
رضيو بعض الأصحاب والباقي يمارون =
وأنا تايه معاهـم وروحـي موجعنهـا =

الرد من البديع

انا باقبل نصيحتك ياخي والمح احيل =
ولكن ماقبل الرميه الي من قفا في =
قصايدنا عليها بعد باقي يمروون =
سفينه غارقه من يرد الموج عنها =

يتبع
*****

 

 

.

*****

البدع من بن هندي

قصايدنا صريحه ولا تحتاج تاويل =
نوجّها ونرمي ولابه شي خافـي =
فقارا يالبطل مامعانا مال قارون =
ولو طال العمر فالحياه مودعنها =

الرد من البديع

يابو ماجد في الحرب جاء علماً وتاويل =
وما خوف كثير البشر من لا يخافي =
تدري الوعلان ماتهدم النايف بقارون =
انا وديت لك علم وانته ود عنها =

يتبع
*****

 

 

.

*****

البدع من بن هندي

مريّح خاطري وأبصر دروبي تساهيل =
ولا يختل شعري معا نونـي وكافـي =
تواضعنا على شانكم يامن تجـارون =
وجوه أحبها وأي وجوه أصدّ عنهـا =

الرد من البديع

وجوب الضيف عندي تراحيب وتساهيل =
حصل ماقد وصل والبديع يقول كافي =
يابن هندي نقل للذي خايف تجارون =
وصحبة كل جيد انا ماصد عنها =

يتبع
*****

 

 

.

*****

البدع من بن هندي

بنرميكم وترمي معي طيرُ أبابيل =
وامشيكم على خط مافيه إنعطافي =
مادام أنتم غشم بالقصايد لاتبارون =
ترون المعرفه ربي اللي موزعنها =

الرد من البديع

تمثلنا في العلم ماحسب هبابيل =
نعينا صاحباً مات ولا انت انع طافي =
من بر ابوه ياشيخ جاه اولاد بارون =
والعاقل رميت الغير ليت توز عنها =

*****

 

 

.

*****

الحقيقة أن شهادتي في الأخ العزيز بن هندي مجروحه لاني معجب فيه وفي شعره وقد شاركنا في رحلة العيينه برفقة الأخوين العزيزين أبو فارس وأبو رامي وقدم عدد من القصائد الرائعة والمحاورات التي سجلها بينه وبين عدد من الشعراء وعلى رأسهم عضو ساحات وادي العلي إبن عبوش الزهراني

أما الأخ العزيز ابو ماجد عبدالله (البديع) فهو اسم على مسمى وقد تعدى مرحلة الابداع الى الاحتراف فله مني الشكر والتقدير

*****

 

 

مهما قلت عن جمال المحاورة لن اوفيها حقها

اقوووول :
اتمنى ان ارى البديع بساحتنا وهذا فخر لنا

ابن هندي اتمنى ان لا يطول غيابك عن ساحتنا

ابو توفيق : دائما تنتقي وتوفق في الاختيار الجميل

لكم جميعا ودي وتقديري

لا عدمتكم

 

 

أنا للمنتدى جيت واتحدى رجاجيل
وعندي معرفه للطروق وللقوافي
إذا كان القصايد بلا معنى وقانون
فقولـو للـذي ياتمعـرف كـان منهـا

يا أبا توفيق عندما طرحت هذا البدع الجميل المليء بالثقة والتحدي من عضو الساحات الجديد ابن هندي الذي يسعدنا ويشرفنا تسجيلة بساحات وادي العلي وأرحب به عضواً وأخاً عزيزا وبأذن الله نتعرف على شخصه الكريم في مخيمنا القادم برفقة أبو فارس وبقية مجموعة الشرقية بأذن الله أقول تريد بطرح هذا البدع المبدع تريد تشويقنا لبقية المحاورة ..خلاص نحن في الأنتظار

أكرر ترحيبي بالجميع .

علي بن حسن

 

 

جوار ينبي عن موهبه لدى الشاعرين وتستحق ويستحقون الاحترام والاعجاب 0 وانت لا تستقطب الامن يستحق وكل يوم تظهر يا ابو توفيق اكبر من سنك ويحداك 0 الاصل والمعدن بارك الله فيك تحياتي 00