من الأرشيف

(( من فارق الخلان ))

من فارق الخلان ربي يعينه
والله يعين اللي على الغبن صبار

يقوله اللي فارق احباب عينه
فارقتهم والقلب كنه على نار
فارقت من فاق العذارى بزينه
غصبٍ علي فراقهم غير مختار

واقفيت منهم والجوارح حزينه
والعين هلت دمعها والفكر حار
وامسيت ماعندي من العقل عينه
يشهد علي اللي عليمٍ بالاسرار

من عقب ما قلبي عليه السكينه
مع الحبايب بين الاشجار والغار
واليوم انا في حلةٍ في المدينة
كني غريبٍ بالبلد نازح الدار

والناس غيري نومهم مهتنينه
وانا طوال الليل في هم وافكار
وانت السبب ياللي رفع لي يمينه
يَدي التحيه يوم انا غادر الدار

وانت الذي من غيركم لي ضنينه
اقولها للناس بالسر وجهار
وارجو من اللي كلنا مرتجينه
ارجوه لم الشمل يا والي الأقدار

.......................................

كلمات: عبدالله محمد البابطين
الحان وغناء : حمدي سعد

 

 

القدر حاكم بأمــــــره ما لنا في الحكم شي
والزمن ظالم وعمره للهنا ما خلا شـــــي

لما ورد الحــــب فــــتح والنســيم غازل عبيره
شوك بعادك جاء وجرح صرت في لحظة اسيره


الحياة صارت ثقيلة
وابتســــاماتي قليلة
كل دا حاصل ومالي
في اللي حاصل أي حيله


ياللي ذقت الحب مرة
لا تبين يوم شعــورك
خلي سرك جوا قلبك
حتى تتثبت أمــــورك