احسب حسابك في كلامك ومعناك

لا تشتكي حالك على كل من جاك ** بعض البشر يفرح الى قلت مهموم

يخفي سمومه بين همك وشكـواك ** يشمت بحالك والحصيله شقا ولوم

واحذر من اللي ينقل الهرج لعداك ** يظهر لك الطيب وهو منه معـدوم

قلبه مريض ويخلط السم بـدواك ** يعرض عليك الرأي والرأي مسموم

وابعد عن اللي يستغلك الى جـاك ** تلقـــــــاه دايم بين الأخيار مذمـوم

احسب حسابك في كلامك ومعناك ** وسط المجالس كل ما ادليت بعلوم

خل سمعك اكثر من كلامك وفتواك ** تلقى القدر يمك من الناس ملـزوم

ولا تذكر افعالك بما تجود يمنـاك ** عنك الولي يدري ولك الخير مقسوم

وخلك مع اللي يشتكي لك وينخاك ** بك ينتخي من ضيم الأيام وهموم

خذها وصايــا تسعـدك دوم دنيـاك ** واحفـظ معانيها تحفظك من اللـوم

مما راق لي ولامس المشاعر..